تجمع حوامل سوريا-دردشة ورود سوريا-دردشة الغاليات

[silla]

طيب كيف جوري سمعتو حدا سافر يعني غير اهلك؟؟؟
طيران او بر؟؟؟؟؟؟؟؟؟

يعني ازا بدهن يرجعو كيييف

[hadeel al rouh]

تسلميلي سللولة انا جايبة كاسترد بودرة يمكن هوي بنكهة الفانيلا مابعرف مو مكتوب عليه وجايبة كرميل جاهز ‏
مابعرف بقا كيف بدي طبقون ههههههههه عطيني التنين او شي بناسب الي عندي تسلمي لقلبي

[silla]

اي الكاسترد اللي هون دايما بالفانيلا ماشفت اصلا هون بنكهات تانية

المهم ::
انا بنصحك بالطبقتين

المقادير :
لتر حليب
علبتين بسكويت سادة بفضل الاولكر
سكر انا بدوق بصراحة مافي مقدار معين
كاكاو منشان طبقة الشكولا

الطريقة :
طبقة الفانيلا...
بطنجرة صغيرة حطي كاستين حليب
سكر
معلقتين كبااار كاسترد

طبعا بتحركيهن بس صار تغلي بتضلي تحركي لتوصل لسماكة مناسبة اكيد بتعرفي كيف يعني


طبقة الشكولا...
نفس الفانيلا بزيادة عليها معلقتين كبار كاكاو


بعدين بتحطي طبقة الفانيلا بالارض فوقها البسكويت بتصفيهن
وبعدين بتعملي الطبقة التانية وبتسكبيها فوق البسكويت

ازا بتحبي حطي كمان بسكويت بارض الصينية قبل الطبقة الاولى ..
فهمتي علي ياترى؟؟؟؟؟؟؟؟؟ ههههههههه

[jorri sham]

اي سيلا نحن حجزنا بابا وقت راح يحجز لقى كتير ناس وعجئة كلو طالع رفيقة اختي حجةت روحة رجعه واهل ماما بلكويت من فترة راحو ورجعو طيران بر مابعرف والله
رفيقه ماما كمان حاجزه طيارة عشام

[أم عائشة]

صباح الخير حبيبات قلبي

سيلاااااااااااااااا. منووووووووووووورة المنتدى والله
شواخبارك حبيبة قلبي وشو اخبار البيبي
وبدي قلك وجع المفاصل والعضام حبيبتي انتي بتاخدي كالسيوم?وشربي حليب كتير وكلي لبن وجبن عوضي الكالسيوم اللي بيسحبو البؤبؤ حبيبتي



. رنوووومة حبيبة قلبي كيفك ياعمري والله الله يكون بعونك يارب والله يخليلك هالاميرات يارب وتشوفيهم عروسات ياااارب
أنا والله التقل داااااابحني ومومصدقة امتى اولد لاتنسيني من دعواتك حبيبتي
ام ملاك والنعم بأهل حلب والله
أنا حبيبتي من الشام ومتزوجة بالبحرين

[silla]

المشاركة الأصلية كتبت بواسطة أم عائشة

صباح الخير حبيبات قلبي

سيلاااااااااااااااا. منووووووووووووورة المنتدى والله
شواخبارك حبيبة قلبي وشو اخبار البيبي
وبدي قلك وجع المفاصل والعضام حبيبتي انتي بتاخدي كالسيوم?وشربي حليب كتير وكلي لبن وجبن عوضي الكالسيوم اللي بيسحبو البؤبؤ حبيبتي

لك النور نوووووورك يااحلى ام عائشة تسلمي لقلبي شو بحبك
تقبشيني والله اشتقتلك كتييييير
ياقلبي عليكي .. لسا اكلة همي كمان الله يكون بعونك الله يسر عليكي نحنا وجع واحد عم نشوفو كتير كيف انت ياقلبي الله يعينك ويساعدك يارب..

بصراحة منشان الكالسيوم والله ماعم باخد الحب الا بالاسبوعين مرة يمكن
عم قول يلا مو ضروري لان هاد اول ولد والخير كتير ههههههه
بس يظهر الخير بلش يخلص هههه يعني قولتك من نقص الكالسيوم هيك عم بصرلي!!!


طمنينا عليكي ياغالية شو بصير معك وشو بتقلك الدكتورة

[أم عائشة]

عندي موعد بعد شوي يمكن يعطوني موعد جديد للولادة لانه كتير متنفخة وتعبانة كتييييييير
دعواتكم

[ام سيرين 2]

السلام عليكن ورحمة الله وبركاته انا سعودية وحبيت ادخل تجمعكم الحلو لأن عندي سؤال للي حابه تساعدني وتجاوبني ولها جزيل الشكر ,طبعاً انا عندي بنت عمرها 4اشهر واسمها زي ما انتم شايفين والأسم عاجبني بس الاسم هذا جديد على مجتمعنا شوي وما حسيت تقبل من معارفنا ولأني سمعت ان هذا الأسم دارج عندكم كثير حبيت اسأل هل هذا الأسم حلو لأني فكرت اغيره

[silla]

المشاركة الأصلية كتبت بواسطة ام سيرين 2

السلام عليكن ورحمة الله وبركاته انا سعودية وحبيت ادخل تجمعكم الحلو لأن عندي سؤال للي حابه تساعدني وتجاوبني ولها جزيل الشكر ,طبعاً انا عندي بنت عمرها 4اشهر واسمها زي ما انتم شايفين والأسم عاجبني بس الاسم هذا جديد على مجتمعنا شوي وما حسيت تقبل من معارفنا ولأني سمعت ان هذا الأسم دارج عندكم كثير حبيت اسأل هل هذا الأسم حلو لأني فكرت اغيره

منوووووووووورة ام سوسو
انا براي كتييييييييييييييير حلو اسم سيرين ولييييييش تغيريه ولو جديد ع مجتمعكم وين المشكلة بالعكس بتصير بنوتك مميزة باسمها ...

وبعدين ياقلبي ازا بدك تعطي اذنك للناس والله غاية لااااااااا تدرك رضاهم
ومو بس اسم سيرين لو اي اسم في ناس رح تقلك مو حلو وسمي هيك وسمي هيك المهم انو انت عاجبك وان شالله يكون عاجب ابوها والباقي مو مهم والبنت ان شالله رح تحبب باسمها وبكرة شوفي
موفقة حبيبتي

[ام سيرين 2]

وردة سورية جزاك الله خيراً على تجاوبك الحلو معي, صراحة انتم شعب ذووووووق , وأتمنى لكم الحياة الطيبة , على فكرة أنا حاسة إنك حلوه مثل إسمك ,دُمتي في أمان الله .