دردشة بنات مصر , دردشة حوامل مصر , تجمع بنات مصر

[رنا خالد]

ربنا يقومها بالسلامه يانهاد ادعيلها واحنا كمان هاندعيلها
هي هاتولد طبيعي ولا سزرين

[malak ahmed]

لا هتولد قيصري يا رنا

ازيك عامله ايه انتي ولوجي كل سنه وهي طيبه

[*رحمه*]

ربنا يطمنكوا عليها يا نهاد و ان شاء الله تقوم بالسلامه هي و ابنها او بنتها

ازيك يا رنونه عامله ايه و لوجي اخبارها ايه

[malak ahmed]

تسلميلي يا دينا يااااااااااااااااارب هي هتجيب بنوته ان شاءالله

ازيك وازي نونتك

[رنا خالد]

لوجي كويسه يابنانيت بس والله طهقت منها
رغايه جداااااااااااااااا وشقيه لدرجة الجنون
مابتسكتش لك لك وكلام مش مفهوم منه غير بابا هههههههههههه ومابتقعدش في مكانها
وانتوا عاملين ايه ازي ملك يانهاد وازي النونه يادينا
انا هاسيبكم بقي لحسن البت هاتخرب الشقه ولازم عيني تبقي عليها
تصبحوا علي خير

[malak ahmed]

ربنا يخليهالك يا روني يارب وسيبي البت تتكلم براحتها يختي طب مانتي ياما اتكلمتي وانتي صغيره

ملوكه الحمدلله بخير ومش راضيه تنام اهي مستنيه معايا لما خالتها تولد

وانتي من اهل الخير يارب

[malak ahmed]

عــــــــايــــــــزيـــــــن تعرفو رجعووووووو التحرير تانى لــــــــيه ؟؟؟؟؟
أقرأها وانت تعرف
لما تقوللي مفيش أمن بعد 9 شهور....رغم المليارات اللى إتصرفت على الشرطة, ...يبقى في حاجة غلط
* لما تقوللي إن الفوضى هتستمر لحد شهر 5 / 2013 موعد إنتخاب الرئيس ... يبقي فيه حاجة غلط
*لما تقوللي إن لحد النهاردة مفيش و لا جنيه رجع من فلوسنا اللي عند الحرامية ...يبقي فيه حاجة غلط
... * لما تقوللي إن أسبانيا أخدت من حسين سالم 32,5 مليون يورو ومباني بقيمة 10 مليون يورو ........ و احنا مشوفناش منه مليم من............... ............فلوسنا اللي سرقها .......... يبقي فيه حاجة غلط
* لما تقوللي إن خزينة الدولة مفيهاش فلوس لتحقيق مطالب المواطنين ... مع إن في مصر ألاف الموظفين بيقبض الواحد منهم فوق المليون جنيه شهريا و ومساعدينهم بيقبضوا مئات الآلاف في الشهر .... و كمان رجال الأعمال عليهم 100 مليار جنيه ضرائب للدولة .... يبقي فيه حاجة غلط
* لما تقوللي إن أحد فلول الحزب الوطني هدد بعزل الصعيد و قطع الكهرباء عن مصر .... لو تم منعهم من الترشيح لمجلس الشعب .... و محدش حتي رد عليه ................يبقي فيه حاجة غلط
*لما تقوللي إن كل الناس اللي بتعارض خونة و عملاء و مأجورين .... من غير حكم واحد قضائي يقول كده ....
و لا حتي تحقيق ................ يبقي فيه حاجة غلط
* لما تقوللي إن فيه مؤامرات داخلية و خارجية علي البلد ...... و ترمي اتهامات يمين وشمال... من غير ما تكشف أشخاص و لا مؤامرة ....و أنت عندك أمن وطني و مخابرات و جيش ............ يبقي فيه حاجة غلط
* لما تقوللي إن المشير و عمر سليمان و العيسوي شهدوا في المحكمة ببراءة مبارك من كل التهم .... رغم إن البيان رقم 52 للقوات المسلحة ... قال رفضنا أوامر بإطلاق النار علي المتظاهرين .....يبقي فيه حاجة غلط
* لما تقوللي إن الثوار بيتحاكموا عسكري ..... و مبارك قاعد في مستشفي 7 نجوم .... ونائب رئيس الشرطة العسكرية بيضرب تعظيم سلام للعادلي في المحكمة .... يبقي فيه حاجة غلط
* لما تقوللي إن تونس انتخبت لجنة تأسيسية لوضع دستور جديد و تشكيل حكومة انتقالية ..... و مصر لسة بتعمل مجلس شعب هاينتخب لجنة تأسيسية لوضع دستور بعد سنة .. ومش هيشكل حكومة .. يبقي فيه حاجة غلط
* لما تقوللي المشير مش طمعان في الحكم .. و تلاقي حملة لترشيحه للرئاسة.. يبقي فيه حاجة غلط
*لما تقوللي إن المجلس العسكري بيعد وثيقة مباديء فوق دستورية .... تجعل منه قوة فوق المحاسبة ..... و فوق الشعب و الحكومة .... و تجعل منه دولة داخل الدولة .......يبقي فيه حاجة غلط

[*رحمه*]

ان شاء الله تقوم بالسلامه يا نهاد

انتي عامله ايه و ملووكه اخبارها ايه ؟؟؟


انا الحمد لله كويسه و بخيرررررر انا و النونه

نهاد معاكي رقم ساره ؟؟

[malak ahmed]

الحمد لله احنا بخير يا دينا ايوة الرقم معايا بس عالفون التاني استني هجيبو وابعتهولك ف ماسج خاصه

[malak ahmed]

يا بنات اختي ف اوضه العمليات دلوقتي سمعو صوت النونه لكن لسه مطلبوش الهدوم

ماما يا قلبي خايفه اوى وصوتها تعبان اوى من القلق ربنا معاها يارب ويطمني عليها