تجمع الجزائريات المتأخرات في الحمل و أهلين بالتونسيات الغاليات

حورية بيتي · 10-03-2013, 04:23 AM

هههههههههههههه اسما تقرعيج راه متاخر ههههههه

انا حورية من مستغانم رقم ولايتي 27 العمر24.5
متزوجة في عامين و7شهور سكنت تيبازة وعندي داري فيها لكن حاليا انا في اسبانيا حملت مرتين وطرحت مافيش حمل الا حد الان

عبير تحيا 12 هههههههههه

حورية بيتي · 10-03-2013, 04:24 AM

عبير ربي يحفظلك بنتك ويخليهالك حنونة كي سميتيها

ASMA layal · 10-03-2013, 04:26 AM

يعطيك الصحة حنونة بالنسبة للمكسرات مع لعسل راجلي راه ياكل فيهم صح ملاح بزاف
وبالنسبة ليا الطريقة تاع البصل مع القرنفل ساهلة الشهر الجاي كي نصفى نجربها وزيد البصل مايضرش ياخي المرا قبل ماتولد يقولولها بخري بالبصل راهو عندو بزاف فوائد......انا نخاف الاعشاب لي يمدوهم لعجايز ويقولك بخري بيهم يقدرو يديرو التهابات
يعطيك الصحة وربي يفرحك ان شاء الله

حورية بيتي · 10-03-2013, 04:26 AM

شفتوا لوكان لبنات يسهرو مغانا فليل والله خير من نهار تكوني مشطونه مراجل ومل ميناج

لبنااااااااااااااااااااااااااااات راكم مضيعين فرصة ماتتعوضش

عبير الحرية · 10-03-2013, 04:28 AM

الله يسلمك اسماء مازالك صغيييييرة

ربي يرزقك و كل البنات ههههههههههههه ضحكتني اخت و الا اخ

لااااااااااااااااااا يا حنونة ان شاء الله عندكم ياااارب

حورية بيتي · 10-03-2013, 04:30 AM

اسما نسا خوالي كامل رفدوا بل بصلة جدتي ديرهالهم وزيد خالتي عايشة في فرانسا15عام ماولدتش بصح راجلها تزوج عليها وولد ايا جربتها راها في 4سنين راه عندها طفلة وطفل

عبير الحرية · 10-03-2013, 04:32 AM

ههههههههه حورية تحيا 12 ههههههههههه يا شريرة ما قلتيش واش صرالك في 12

عندي طفلة سميتها ليلك

وعجوزتي رايحة تقت روحها حبت تسميها و انا ثقلتها ههههههههه شريرة

ايه اسماء انا ثاني بخرت بالشاي يااااااااااااعمري سخون يحرررررررررررررررررررررررررررررق ضرك تشوفي امة قتلها قاتلي مستحيل

جرباته مرة واحدة و بطلت

حورية بيتي · 10-03-2013, 04:37 AM

اقتباس:

المشاركة الأصلية كتبت بواسطة عبير الحرية

ههههههههه حورية تحيا 12 ههههههههههه يا شريرة ما قلتيش واش صرالك في 12

عندي طفلة سميتها ليلك

وعجوزتي رايحة تقت روحها حبت تسميها و انا ثقلتها ههههههههه شريرة

ايه اسماء انا ثاني بخرت بالشاي يااااااااااااعمري سخون يحرررررررررررررررررررررررررررررق ضرك تشوفي امة قتلها قاتلي مستحيل

جرباته مرة واحدة و بطلت

واش معناة الاسم ليلك يا عبير تعرفي واش صرى فيا فيتبسة خلي غدوه نحكيلك باتري غادي طيح والشارجور راه فشومبرا ومرنيش حابه نذخل عليه وزيد راها 3:37نتاع صباح يقولي راكي كي الهامة

حورية بيتي · 10-03-2013, 04:32 AM

عبير وين تسكني في تبسة

ASMA layal · 10-03-2013, 04:33 AM

ههههههههه حورية عندك الحق تقرعيج متأخر
معرفة خير وربي يعوض عليك ان شاء الله ويقولك لي تطرح تعاود ترفد
وانا مستغانم كنت رايحة ليها في الصيف ومبعد راجلي جاتو خدمة حبسنا العام الجاي ادا كنا حيين ان شاء الله نروحو ليها حبينا نسيو الغرب حنا موالف العطلة نجوزوها غير في الشرق جيجل وعنابة
وعلى الغربة صح صعيبة بصح انا ديفوا نقول لوكان جيت في الغربة خير ماكاين لي يهبلك ماوالو

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع للبنات المتأخرات في الحمل	راندا عدلي	منتدى أعراض الحمل والوحام	52	08-12-2013 02:29 PM
..تجمع المتأخرات في الحمل ..	ام الجازي	منتدى علاج العقم و تأخر الحمل	164	01-18-2012 05:27 AM
تجمع المتأخرات عن الحمل بعد الطفل الاول	سولآف	منتدى علاج العقم و تأخر الحمل	587	09-22-2011 02:53 PM
تجمع المتأخرات عن الحمل بعد الطفل الاول	abra	منتدى علاج العقم و تأخر الحمل	2	04-17-2011 10:40 PM