ديوانية البحرين - دردشة حوامل البحرين - البحرينيات

[أم عائشة]

صباحكم عسل ياعسولات

شخباركم خواتي شمسووين عساكم بخير وعافية

انا اليوم مافيني نومة وصلت ولدي المدرسة ورجعت ابي انام كلش مافيني نوم
امس راقدة من 9 ههههههههههه

[الفتاة الذهبية]

صبااح الخير
شخباركم اليوم؟
طفلي حياتي وفجوره
ان شاء الله ما فيكم شي

[الفتاة الذهبية]

ام عائشه
صباحج سكر يا سكره
تمام وانتي؟

[الفتاة الذهبية]

يا حظي اكيد كتبت وطلعت
ام عائشه يوم انج ما فيج نومه
جان قعدتي خخخ اتغشمر اخذي راحتج

[أحلام أم]

المشاركة الأصلية كتبت بواسطة حنين للماضي

اللي ماعرفت الطريقة خلها اجرب تروح على هالرابط
http://www.m5zn.com/download-102610131001zskbx87q8cp53jzf0m0-102610131001zskbx87q8cp53jzf0m0.docx

صباح الخير على الجميع هلا بيش حبيبتي ...حنين للماضي
مشكورة على جهدك لعمل الجدول أني فتح عندي وسيبته الجدول حليوو الله يبلغنا كلنا بأجنتنا ونجيبهم سالميين غانمييين يارب العالميين

المشاركة الأصلية كتبت بواسطة طفلي حياتي

اهلين
ويش اسوي من حميه اصير يوعانه ماعرف وش اكل بروحي مسويه رجيم قبل لا احمل عشان العلاج والحين بعد اعيد السالفه كل شي ممنوع ملل

هلا بيش ...ياطفلي حياتي
تحملي حبيبتي علشان صحة البيبي وإصبري مريت في حمل سابق بالسكري وتلعوزت لعواز من سحاب دم مرات مومرتين ولاثلاث ،إذا رحتين موعدش في السلمانية خليهم يحولونش إلى قسم التغذية قولي للدكتورة أمبي برنامج حمية غذائية للحامل للسكري وبتكتب لش بطاقة وبتحولش دايركت ،ماأدري دكتورة التغذية دعد العريض بعدها موجودة في السلمانية لولا ،بتعطيش برنامج تمشين علية أوراق واايد فيه كل مسموح من أغذية ومقدارها للحمية أنا فادتني بس السكري ماراح إلا بعد الولادة والله يوفقش ويظبط السكري وإذكري إن حوامل واايد تعبانيين مع السكري

[أم عائشة]

كاني قاعدة
بس رحت اريق زوجي قبل ليروح الشغل ههههههههههه

احلام ام شخبارج عساج بخير وشخبار النونو طمنيني اختي ان شاءالله كل امورج عال

وعليه زوجي امس ضحكني راح الصيدلية ويبلي تحليل منزلي يقولي رجعي حللي هههههههههه

قلت له شفيك انا حامل بكيس بلا جنين يعني حتى لو حللت بيطلع لي خطين
يقول لا مايصير يقول سال صديقه وقاله انه الجنين اهو اللي يفرز هرمون الحمل مو الكيس واذا طلع لي خطين معناه فيه جنين
ماحبيت اكسر بخاطره وحللت وسيده طلع لي خطين
انا متاكدة من انه كلامي اهو الصح بس اهو للحين عنده امل وعليه يكسر الخاطر

[أم عائشة]

ويه هديتوني بروحي هههههههههه

انا اتصلت علي ام زوجي وفالت خاطرها بجباتي وسمبوسة من يم شقتي

فبروح اشتري لها واتريق عندها
اشوفكم عقب ان شاءالله
تحملوا بروحكم
مع السلامة

[مزيونه 11]

السلام عليكم
اني عضوة جديدة بالمنتدى وحبيته واجد بتواجدكم فيه بس شلون اسوي ليي شريط حق التوقيع

مع خالص تمنياتي لكم بالتوفيق

[فلونة]

صبااح الخيررر على الراقديين

انا عن نفسي رقدت البارحة الساعة ثنتين وقمت تسع ونص،،،

مادري شفيني اررق مو طبيعي،، احس نبض البيبي وايد سريع

حتى احط ورقة على بطني واجوفها بسرعة تتحرك اتهقون ليش؟؟

والله انا اوسوس ،، مادري شسالفة

ام عايشة// بشرينا عنج باجر ،، ما تدرين عند الله لا تموت الأمنيات وان شاء الله

خيرر وادعي لي الله يعطيني الي في بالي،، عليكم بالعافية الجباتي

مزيونة 11// اختي متى موعد ولادتج المتوقع ،، باسوي لج اذا تبين

فتوووت اليوم غاطة وياا من شتسوين

تذكيرر: والي يبي يكون معانا في الجدووول يكتب موعد الولادة وجنس البيبي اذا يعرف..

[حنين للماضي]

صباح الورد حبايبي

هالايام مانام عقب صلاة الصبح مادري اشفيني
اليوم لساعة 7:30 قاعدة حددي انقهرت بس عقب غطت عيوني

طفلي حياتي لاتحاتين واااجد
ترى كثرة التفكير ساعات ازيد السكري بعد
اني عن نفسي آكل كل شيء بس اذا اسوي عصير ماخلي شكر واجد
ولا آكل حلويات وهالامور

فتوت مو جنه اللي شريتيهم قليل
الطفل يحتاج لوااجد ملابس لأن وااجد يلعوز روحه

اني عن نفسي لو اقول لكم اي قد شريت بتموتون من الضحكجني فيني توأم
حتى زوجي يقول انا ماعندي قد هالجني ملابس
يعني بعطيكم الرقم التقريبي يمكن يكونون اكثر بعد
15 شباحة
14 بدلات جم قصير للمنزل
10 بيجامات لليل
14 مشبوك
ملابس داخلية 7 ماادري جم
قماطين وفراشين وثلاث مرضعات وحدة فيها كمجة
شنطة وحدة بس بعد أبي وحدة ثانية
هاي غير الدواليغ والكبابيس واللي يحطونهم على صدر البيبي اذا بياكل مادري شيسمونهم بالعربي والغفازات عشان لايشمخه عمره
والغرشة اللي تكون طبقات حق حليب البودرة
وفوطتين وبرنوصين
فوط صغار 7 ماادري جم
بس هاي اللي اذكره

ادوات الاستحمام وهالامور عقب باخذهم

اذا في شيء نسيته ذكروني بليز