دردشة حوامل مصر - دردشة بنات مصر - تجمع حوامل مصر ‏

[رنا خالد]

هو البط المجمد ده حلو؟
دماغي اتلحست من كتر التفكير في البط هههههههه

[*رحمه*]

صح يا سما معاكي حق ، انا عايزه اظبط التيكر على ميعاد الولاده ، عشان احس ان الايام بتمشي

رنونه تقبل الله يا حبيبتي

والله يا دينا لو دورتي هتلاقي ، ابقى دوري على النت بعد ما تولدي ان شاء الله و زربيح يكبر كده شويه

[دودى مجدى]

ههههههههههههههههههههههههههه حتى انتى يا دينا عرفتى زربيح دة زوربيحى بقى مشهور اوى نجم سينمائى يا اخواتى هههههههههههههههههههههههههههههههههههههههه

[دودى مجدى]

رنا بصى البط المجمد دة مش حلو احسن تجيبى واحدة طازة كدة بس متتستكبريش عشان متعدوش تاكلو فيها سنة وبالنسبة للطريقة هقولك عليها اهو بس ركزى معايا

[كلبوظة]

بنااااااااااااات
ازيكم عاملين ايه ؟

[رنا خالد]

المشكله اني مش عارفه اجيبها بلدي منين اصلا
الفرارجي عندي مش بيبيع بط
فعشان كده فكرت في المجمد خاصة اني سألت قالولي حلوه في فتكات
انا اصلا ماكلتش البط كتير عشان اعرف افرق مابينهم
بفكر اسافر لواحده صاحبتي فلاحه غرقانين في البط ليل ونهار هههههههههههه بتقولي ناقص يعملوا القمر الدين بشربة البط
اصلي هاتجنن واكله بس عايزه انا اللي اعمله عشان اخوض التجربه

[كلبوظة]

رنااااااااااا كفايه اكل وابعتيلى حته حنافه وحبه منجه
رحووومه ازيك ياجميل
دينااا عملت صينيه البطاطس زى ماقولتيلى وطلعت جميله ماشاء الله تستاهل بوقك بس انا زعلانه منك موووووووووووت موووووووووووووووووووت

[دودى مجدى]

بصى يا ست رنا احنا البورسعيدية لازم اول يوم رمضان ناكل بط ودى طريقتنا فى طبخ البطاية جربيها ومش هتندمى بس ابقى ادعيلى انا وامى بالله عليكى بصى يا ستى بتغسلى البطة كويس بالمية وتنقعيها فى مية وملح وليمون ودقيق وطبعا تشيلى الشعر المسلل الصغير دة اللى بيبقى فيها بظافرك كدة وبعدين بنفرم بصلتين كبار فى الكبة ونحط البصل فى مقلاية ونحط ىعلية ملح وفلفل وكمون ومعلقة سمنة ونعد نقلب كدة لمدة خمس دقايق
وبعدين نحشى البطة بالبصل ونخيطها بابرة وفتلة من عند الرقبة الاول ومن تحت طبعا مكان الحشو وتغلى مية بقى فى كاتل او اى حاجة وتحطى فى الحلة اللى هتسوى فيها البطة معلقة سمنة و3 فصوص مستكة و3 فصوص حبهانونحط البطة تتشوح ونقلبها على الوش التانى وبعدين نحط عليها المية المغلية وخدى بالك تعمليها من بدرى لان البطة بتاخد وقت على النار يعنى ممكن تاخد 3 ساعات وبعد ما نحط المية المغلية نحط حبة ملح وفلفل ونسيبها تغلى لحد ما تستوى ولو حسيتى ان المية قلت ابقى زوديها كل شوية وبعد ما تستوى البطة نطلعها تبرد ونفك الخيط وناخد البصلة اللى جواها اللى هى المرتة نسيبها فى حلة لوحدها ونقطع البطة ونحمرها فى الزيت وبنعمل جمبها صينية بطاطس ورز وبالهنا والشفا

[دودى مجدى]

دودو زحلانة منى لية خير بس انا عملتلك حاجة يا بنتى دة انا حتى نسمة

[دودى مجدى]

رنا انتى فين فى مصر دى مصر مليانة بط طازة ومووووووووووووووووووووووز