ديوانية البحرين - دردشة حوامل البحرين - البحرينيات

[الفتاة الذهبية]

هلا والله
شخباركم ؟ وصباح الخير
شكر للي سئلو عني حروف وحنين وما ادري اذا في غيرها اولا
احلام ام يروح ويرجع بالسلامة
بنت الاياويد
ان شاء الله انقلبت البنوتة وتطمنينا
وان شاء الله ام عائشة سمعت النبض
ام كرار اخذي تحليل منزلي وجيكي

[الفتاة الذهبية]

صباح الانوار
فرح عمري اليوم من الصبح قاعده

[حروف عاشقة]

صباااااااااااااح الخيرااات يارب

شخبارش فتاتي إن شاء الله تمام ،، اما انا اليوم الحمد الله واشكرة احس روحي وحدة ثانية نشاط وحيوية الله يدومها يارب ..

[أم عائشة]

السلام عليكم ورحمة الله وبركاته

الحمدلله الذي لايُحمد على مكروه سواه
اللهم اجرني في مصيبتي واخلف لي خيرا منها

سامحوني خواتي خليتكم تحاتوني وانتوا بروحكم تعبانين من الحمل الله يتمم لكم على خير وتفرحون بشوفة اولادكم واهم بكل صحة وعافية

انا رحت امس لدكتورتي وتاكدت انه الكيس فعلا فاضي والكيس قاعد يضمر لانه مبين بالسونار انه اهو بالاسبوع الرابع وانا المفروض اني الحين بالاسبوع السابع

ورغم هالشي كان عندي شوية امل ورحت عقبها بساعة لعند الدكتورة فهيمة
واكدتلي انه فعلا الكيس فاضي والجنين مافيه واهي بروحها مستغربة وين راح الجنين تقول يمكن الجنين كان مشوه عشان جذي وقف نبضه بالاسبوع السادس يعني عقب ماسمعتني اياه بجم يوم وتحلل

والله مااستوعبت اي شي قالته لي لانه الله اعلم كيف كانت حالتي
شلون الجنين تحلل وانا من بداية حملي لليوم ومانزل علي ولاحتى قطرة دم وحدة

المهم دككتورتي نصحتني باني اوقف الحبوب والمثبتات وعطتني مهلة اسبوع عشان الكيس ينزل وقالت لي عقب اسبوع ان مانزل الكيس لازم اروح السلمانية واسوي تنظيف وهذا انا تحت رحمة الرحمن والحمدلله على كل شي

ماقصرتوا خواتي على سؤالكم عني وان شاءالله اسمع اخبار طيبة عن كل وحدة فيكم ياااااااااااااااااااارب
وادعولي خواتي الله يعوضني خير ان شاءالله

واذا شفتوني غبت فاعرفوا اني بحاجة دعائكم فلا تنسوني

استودعكم الله الذي لاتضيع ودائعه

[حروف عاشقة]

ام عايشة

صراحة ضاع كل الكلام إلي ابي اقوله وانربط الساني الله يصبرش خيوتي ويجازيش خير ،، عسى ان تكرهوا شياً وهو خيرا لكم خيوتي .. عساه عن صلاح لش ولعيالش وتمسكي خصوصا في هذه الفترة بالدعاء والقرآن والله يآآجرش كل خير ويعوضج إن شاء الله .. وإحنا كلنا ما ننساش من الدعاء ولا تقولين انتين غريبة خيوتي انتي هني بين اهلش وناسش واحنا كلنا خواتش وقلبنا وياش .. وخلي إيمانش بالله قوي يا عمري ..

[شمس الصباح]

صباح الخير كروشات

اختي ام عائشة ما تشوفين شر والله حزنت علشانج مع اني كنت داخله فرحانه الا اني حاسه بج وايد بس صبري والله يعوضش ولا تفكرين وايد ولا تخلين نفسيتك تتعب اهم شي عندش اعيالش وزوجش وربش كريم ان شاء الله نسمع عنش مرة ثانية اخبار حلوة بعد كم شهر

وما بنساش من الدعاء

بروح اشوف اخباركم في الأيام السابقة وبرجع

[حروف عاشقة]

هلا هلا شمووس

صبحش الله بالخير والعافية يالله اقرأي واني انتظرش اليوم اني بعد قاعده بس ما فيه احد ..
احس روحي خفيفه كلش ما ادري اليهااال اعتدل وضعهم من جدي احس بنشاط لانه يقولون ادا اعتدل الراس ونزل تحت تصير الحامل خفيفة ونشيطة ..

[شمس الصباح]

المشاركة الأصلية كتبت بواسطة rose soul

..
شموس..كل عام وانتي بخير مقدما وان شاء الله تكون سنة خير عليج.. وتحققين جميع مرادج يارب وكل اللي تتمنينه..

الله يسمع منش يارب ومشكورة

المشاركة الأصلية كتبت بواسطة أحلام أم

ويسعد صباحك حبيبتي... شمس الصباح ...
مبروك حبيبتي وعيد ميلاد سعيد وعمر مديد وإنشاء الله سنة خير وفرح وسعادة تقضينها مع كل الحبايب يارب والنونو الجديد
لاتفكرين حبيبتي في الماضي ،ومن الأصل ليش مخلية ليش ذكرى تذكرش بللي مضى من ذكريات تألمش ،الله يبعد عنش عيوون الحساد وقلوبهم السودة ،وهالمرة سوي كل شيء بالخش والدس على قولة المثل ،بعض الناس ماتحب الخير لأحد وهذا أني تعلمت كل شيء بالخش والدس من العوينات المكحلة إللي حايطتني ويارب أسلم .
كملي حبيبتي شغلش وأكشخي وسهرة سعيدة وكل عام وأحبابش طيبين وأنتين قبلهم

مشكورة ما تقصرين

المشاركة الأصلية كتبت بواسطة فلونة

شمووسة // كل عام وانتي بخيرر ،،عقبال المليون
الا ما اعترفتي لنا جم صار عمررج ؟؟
ولا تنسين الليلة ليلة الجمعة ،، الصدقة تدفع البلاء ... حطي تحت راسج

الله يبارك فيش

المشاركة الأصلية كتبت بواسطة أم عائشة

السلام عليكم جميعا

شموسة كل عام وانتي للرحمن اقرب اختي وعقبال مانجوفج يدة يارب ويمج احفادج وماعليج من اللي راح قطي كل شي ورى ظهرج حبيبتي لاتفكرين باللي يزعجج استانسي اليوم وكشخي عليكم بالعافية يارب

مشكورة أختي ام عائشة وما تقصرين

المشاركة الأصلية كتبت بواسطة فرح عمري

شخباركم كروشات

عساكم بخير وصحه يارب

عيد ميلاد سعيد يارب و لا تفكرين بالي راح خليك بالجاي وان شاء الله اكيد بكون احلى

الله يوفقك ويوفقنا كلنا يارب

وانتي اسعد

المشاركة الأصلية كتبت بواسطة om khalil

شمس الصباح
اني باقول ليها اذا يعور مابي ههههههههه.. بس بالمره نتطمن انه الجنين نزل للحوض. وعن حركة بنوتتش عادي، اني كانت تتكور لي من صوب اضطر اني انبطح على الصوب الثاني حتى تنعدل هههههه
أوه نسيت كل عام وانتين بخير :) وماشاءالله الله لايغير عليكم ويبعد عنش عيون الحساد يارب وسلامتش ألف سلامه..

الله يسمع منش يا رب وانتي أطيب

المشاركة الأصلية كتبت بواسطة بنت الأياويد

السلام عليكم ،،،، شخباركم جميعا؟
صار لكم فترة محد قام يدش وايد صايرة صخه في الديوانية ، انا باجر موعدي حق التراساوند وبتشوف راس الياهل افتر او لا دعواتكم :)
وسلامي للجميع انشوفكم على خير ان شاء الله

بنت الأياويد ان شاء تبشرينا اليوم نتظر اخبارش

المشاركة الأصلية كتبت بواسطة حروف عاشقة

هلا هلا شمووس

صبحش الله بالخير والعافية يالله اقرأي واني انتظرش اليوم اني بعد قاعده بس ما فيه احد ..
احس روحي خفيفه كلش ما ادري اليهااال اعتدل وضعهم من جدي احس بنشاط لانه يقولون ادا اعتدل الراس ونزل تحت تصير الحامل خفيفة ونشيطة ..

هلا حروف وحشتيني من زمان ما هدرت وياش خخخخخخخخ وان شاء دوم نشيطة

بنات مشكورين وايد وما تقصرون والله يخليكم الي اهلكم وازواجكم يا رب واليومين اللي كنت غايبة فيهم كانو من اجمل ايام حياتي في عام 2009 و2010 وراح اقول ليكم التفاصيل

[شمس الصباح]

حروف وينش احم احم

[حروف عاشقة]

هلا هلا وياااش

كل سنة وانتي طيبة والله يدووم الفرح عليش يا رب