ديوانية البحرين - دردشة حوامل البحرين - البحرينيات

[om khalil]

أها
الوحده من تنشغل بالمولود بس خلاص ام حماني بعد الحين بتنشغل بالريل ههههههههه
ماشاءالله عليها الله لايغير عليها ويقومنا جميع بالسلامه

طفلي حياتي
يالكريهه حدش لش فيييييه

[شمس الصباح]

السلاااااااااااام يا بطااااااااااااااااااات

اشوف الربع قاعدين اليوم نشيطين ما شاء الله عليكم

فلونة كتبت الطبخه وبحاول اجربها لان اليهال وابوهم يحبون الروبيان

ام خليل الروبيان منظف بس لازم انتي تنقعين الروبيان اشوي وتحاولين تشيلين بعض الوسخ فيه
اقول يعني يعدلون الياهل انزن بقول ليش يعور لو ما في الم ومتى يروحون اذا حسيت بطلق لو من ادخل التاسع شكل السالفه تخوف

اي بقولش ام خليل ما تعرفين وحده تبيع معمول للنفاس في الدراز اذا تعرفين طرشي رقمها على الخاص رحم الله والديش

[أم عائشة]

السلام عليكم جميعا
شخباركم خواتي عساكم طيبين

ترى بقول لكم انا كنت بتجمع التوام من مدة يومين هاللون وشفت طفلي حياتي كاتبة هناك انه يالها طلق وودها المستشفى وجنه وقف عليها
فاذا احد يعرفها يطمنا عليها مسكينة

خواتي ادري مللتكم بس الوسواس لاعب بحسبتي
انا دخلت الاسبوع السابع اليوم بس مااحس بشي كلش
عادي ذي؟؟
يعني كلش لانساة ولاشي
ياربي ميتة من الخوف

[شمس الصباح]

هلا وغلا ام عائشة

قصدش حروف لان هي فيها توائم وطفلي حياتي ما اذكر ان فيها توائم اللهم اجعله خير يا رب ونسمع عن كل وحده غايبه اخبار حلوه يا رب

لا تحاتين شي ولا تفكرين وانتظري موعدش وان شاء الله خيرررر
وبقول ليش شي كل ما يجيش وسواس روحي اقرائي قراءن لان راح يهدي نفسك وايد وقراءة القران الكريم زين وايد للحامل

[حروف عاشقة]

هلا حبايبي شخباركم حبيت اطل عليكم اليوم معني كلش دايخة حدي ما ادري ويش فيني رادة علي النساة عدل ترجيع وما اكل شي ما ادري ويش اسوي تعبانة حدي والآلام إلي مثل الطلق إلي ما توقف احس روحي خلاص بودع ولا ادري باليهاااال مساكين يالله الله يعدي هل الايام على خير تعبت :( ..

[أم عائشة]

المشاركة الأصلية كتبت بواسطة شمس الصباح

هلا وغلا ام عائشة

قصدش حروف لان هي فيها توائم وطفلي حياتي ما اذكر ان فيها توائم اللهم اجعله خير يا رب ونسمع عن كل وحده غايبه اخبار حلوه يا رب

لا تحاتين شي ولا تفكرين وانتظري موعدش وان شاء الله خيرررر
وبقول ليش شي كل ما يجيش وسواس روحي اقرائي قراءن لان راح يهدي نفسك وايد وقراءة القران الكريم زين وايد للحامل

هلا فيج زود يالغالية
ويه صج قصدي حروف
معليش السموحة من كثر القلق ماانتبهت شنو كتبت
ومشكورة على النصيحة في ميزان حسناتج اختي
الله كريم
باجر عندي موعد جربته كان على اساس الاثنين اللي بيي بس قلت حق الطبيب ماقدر ايي الا الخميس لانه اولادي االاسبوع الياي كله اختبارات مايمديني فقالي تعالي باجر
ادعيلي حبيبتي

[أم عائشة]

المشاركة الأصلية كتبت بواسطة حروف عاشقة

هلا حبايبي شخباركم حبيت اطل عليكم اليوم معني كلش دايخة حدي ما ادري ويش فيني رادة علي النساة عدل ترجيع وما اكل شي ما ادري ويش اسوي تعبانة حدي والآلام إلي مثل الطلق إلي ما توقف احس روحي خلاص بودع ولا ادري باليهاااال مساكين يالله الله يعدي هل الايام على خير تعبت :( ..

هلا اختي شخبارج الحين ان شاءالله صرتي اشوى
والله من قريت ردج امس ماادري اول امس بتجمع التوام وانا احاتيج

الله يتمم حملج على خير اختي
اختي ارتاحي حاولي ماتعبين نفسج الله يكون معاج اختي

[فلونة]

مرحباا ،، متباركين بالموووولد جميعااا
والله يعوودكم بصحة وعافية ويا بيباتكم قولووا ان شاء الله

ام خليل // شخبارج ,, وحشتينا ،، وين تشتغلين انتي؟
حلوة ذي مقشر تبين تاكلينه يقشوره :P
جربي وان شاء الله تضبط معاج ،، تدرين انا سمعتج تسولفين عن السمج وصار خاطري في العنفوز ،، امس ريلي ياب لي .. باسويه بعدين مقلي :d

شمس الصباح // اذا جربتي قولي لي النتيجة ,,, انا سويت على الغدى وما كليناه كله والي تم من الربيان سويته ويا معكرونة باستا وتعشينا فيه ،، حتى زوجي يقولي بسنا من هالربيان

ام عايشة// انا كل ماجوفج توسوسين انا اوسوس زوود ،، توكلي على الله وما خاب من توكل عليه ،، وان شاء الله مافي الا الخيرر

حرووف/// ماعليج شر وتحملي في روحج ,, الراحة في الثامن وايد مهمة وان شاء الله ادشين التاسع نفس حماتي وتولدين ولادة طبيعية ،، انا كان خاطري في توأم نفسج صبي وبنية بس الله ما كتب ،،


الباقي شخبارركم؟

[بنت الأياويد]

السلام عليكم حبيت اسألكم عن صبغ الشعر يأثر على الجنين ؟ مفكرة اسوي نيو لوك حق الولادة؟الي عنده خبره او سائل دكتورته يخبرني

[أم عائشة]

الله يتمم حمالنا كلنا على خير يارب ونفرح فيهم
تدرين فلونة انا يبت اثنين قبل هالحمال ولا كنت اوسوس ولاشي اصلا حتى ادوية ماكنت اخذ الا بالموت والزف حتى حبوب الحديد كانت الممرضة تزفني لاني مااكلهم والحمدلله ولدتهم وماشاءالله كككل واحد كان فوق ال 4 كيلو تبارك الرحمن

بس ذي الحمال يختج مغربلني وايد اوسوس فيه ماادري ليش رغم اني اخذ ابر ومثبتات يعني
يمكن لاني حملت من بعد عقم مؤقت 10 سنين وتعالجت وايد فيمكن خايفة اخسره
وارجع واقول قل لن يصيبنا الا ماكتب الله لنا

انا بعد خاطري بصافي وكل ماقول لزوجي يبلنا يقول باجر
اليوم مسوية مضروبة طبخة سريعة مالي نفس