دردشة بنات ليبيا , دردشة حوامل ليبيا , تجمع بنات ليبيا

~~sosolibya~~ · 09-13-2012, 04:04 PM

اجنادي حبيبتى ماتزعليش
هده صنعة الفاضى يللى ماعنده صنعة

تعرفو دكرتونى فى موقف لما كنت ليا سنة او اقل متزوجة

طبعا انا اول 6 شهور حمل قعدت ناخد فى حبوب
لانى كنت شهادة تانوى
وطبعا انا كنت الكنة الصغيرة مرت الولد الكبير

يعنى هما حاسين بيا ناخد فيهم
اعزوزتى ماتتكلمش تقول على راحتكم
بس عمة بابا مراة كبيرة وبصيرة وساكن مع حوش عمى لانها خالة عزوزتى

وطبعا هما واتقين فى كنتهم الكبيرة مرت الصغير انها مستحيل ادير مانع

فمرة سألتنى هده عمتى قدام حمواتى

وقالت شنو مافى شىء لا انت ولا سلفتك
فتلها لا ماسخرش ربى

تعرفو شن قالت

كلمة حااااااااااااااااااااااااااااااااااااااارة

وعاودتخا حتى لسلفتى على قد ماوجعتنى

((( ايه ماسخرش ربى اشبح شن تديرو ((قصدها مانع)) واقعدو لقو زى المعييز)))

بالله عليكم
كيف بتتصرفو فى موقف زى هدا

هما مداييرينى انى انا الصغيرة
ومانعرفسش ومش ح نحمل الخخ

وتعرفو شن صار ربى يحبنى

انا بعد سنة وشهر من زواجى حملت

وتخيلو قبل سلفتى ههههههههه
قهرة فيهم وهى بعد 4 شهور بعدى حملت

فيا حبيبتى اجنادين
هدا مش غير عندك كلنا مارين بيها ونشوفو فيها المواقف هده

تعرفو ان بنت خالتى متزوجة بعدى ب3 شهور
لما انا حملت تقوللها عزوزتها برى شوفى بنت خالتك

ولتو ماحملتش ربى يرزقها اصلا هى لاهية فى قرايتها طب بشرى

وان شاء الله لما تحملى تسكتىهم كلهم

~~sosolibya~~ · 09-13-2012, 04:05 PM

يعنى كسكسى بالبصلة

لوليته لولو · 09-13-2012, 04:40 PM

استغفر الله العظيم وأتوب اليه
لا اله الا الله محمد رسول الله
سبحانه الله وبحمده عدد خلقه ورضا نفسه ومداد كلماته

لوليته لولو · 09-13-2012, 04:42 PM

سبحانه الله وبحمده عدد خلقه ورضا نفسه وزنه عرشه ومداد كلماته

ابتسامة الصباح · 09-13-2012, 04:56 PM

السلام عليكم كيف حال الجميع شكرًا اتري وسوسو وأم اجنادين ماتتغششيش ادعي لربي اللهم لاتدرني فردا وانت خير الوارتين وإنشاء الله ربي يرزقك ودوة الناس عمرها مااتم حتى اللي عندها يقولولها جيبي وخي لبنيتك والاماتزوجتش شنو مازال واللي مخطوبة مازال العرس دوتهم فاضية اهم شي تفاهمك مع راجلك والباقي. يملحو يا غزاله

ابتسامة الصباح · 09-13-2012, 05:00 PM

حتى اني غداي كسكسي بالبصلة ومعاه مبطن وسلاطة عربية ومسير كيف درته ليا تلاتة ايام

لوليته لولو · 09-13-2012, 05:18 PM

السلام عليكم ابتسامه الصباح صحه غداك

ابتسامة الصباح · 09-13-2012, 06:00 PM

وعليكم السلام يالوليتا سلمك وانت شن غداك

~~sosolibya~~ · 09-13-2012, 06:15 PM

السلام عليكم
امس زى الفالحة
من 8 وراجلى بيمشى لطرابلس قالى بتمشى توا باهى كان هدا برى بروحك
وكيف بنمشى بروحى بفروخى
وتيت روحى ورفعت الكسكسى يللى بارماته وموتياته والحمص المنقع
والصغار وساكواتهم
وانطلقت لحوش عيالى
ماهم بيروحو امس من تونس
وفرحت الساحات وظميت
وخوى ماشى يخدم فى شبكة
وفطرت انا وولدى
كلمناهم قالو مازال كونش المغرب نوصلو
تغدينا كسكسى انا جايباته معى من الحوش طايب

والعصر نضت درت باسطى جانى يهبل زى النشاف

وجونى نساوين عمامى
وقدمتلهم الباسطى بالعسل الطبيعى
وجوز الهند والكاكاوية

وقلبت التلاجة ظميتها

وصيت راجلى على دجاج
وبعدين بديت فى العشاتء كسكسى عرس يهبللللللللللل
هدا يللى روحت بباقيه اليوم

وعيالى جو بعد المغرب

وتعشينا وهدرزنا وجو مش عاااااااااااااادى
طبعا هما استاحشو الصغاااااااااااار اكتر منىىىىىىى

وخوى الصغيرلا (6سنوات)
قريب زمط ريم
وقبل بنبات
لقيت روحى عياااااااااااااااانة
رلاوحت وخلاص

أم ورد · 09-13-2012, 07:30 PM

السلام عليكم ورحمة الله وبركاته
كيف حالكم
حمد لله على سلامة إماليك يا سوسو

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
تجمع حوامل ليبيا	ميرنا	إستفسارات حوامل من الشهر السابع إلى الشهر التاسع	21344	01-02-2012 10:29 PM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
شجرة تجمع حوامل ليبيا	أم أجنادين 80	إستفسارات حوامل من الشهر السابع إلى الشهر التاسع	6	12-19-2011 10:44 PM