قصة ولادتي تفضلو لوسمحتو

[ابتسامة الصباح]

السلام عليكم مش عارفة كيف بنبدا يلا ( بسم الله الرحمن الرحيم ) وأخيرا شرف حبيب قلب ماما عبودي بعد معاناة 9شهور الحمد لله اول شئ اني بكرية متل ماتعرفو يعني اللي يشوفني يقولي حتكملي شهرك وتخشي العاشر وكنت خايفة من اني نعطل هلبة وأول شي اني في غربة مش في بلدي وبعيدة علي أهلي كان عندي موعد عند دكتورتي يوم الجمعة يوم 21/9/2012 مشيت كشفت عليا وقالتلي أن رحمي في وضع انقباض مع العلم أن موعدي 4/10/2012 يعني مازال اسبوعين تقريبا قالت لزوجي البيبي وزنه زايد فاخم فااحتمال تولد بهاليومين دارتلي تخطيط لقلب البيبي قالتلي لو قلبه كويس اصبري ولو تعبان علي طول انولدك طبعا قريب متت من الخوف وقعدت نبكي بنطول عليكم تعرفو دكتورتي والله ريحتني كويسه ماشاء الله عليها حتى لما تكشف عليا تقرا قران وتكبر نخليكم شويه التكملة بعد الفاصل سوسبنس عادي

[دنيتي محمد]

ايوا كملي بعدين وش صار

[غلادنس]

ننتظر التكمله ،*-*

[mdam.7ntash]

مبارك ما اجاكي

[ابتسامة الصباح]

دنيتي محمد وغلادنش ومدام شكرًا ع المرور حبيباتي

[هنا32]

الحمد لله على سﻻمتك

[ابتسامة الصباح]

عدناااا هههههههه مع كوكب اكشن هدة ولت سبيستون المهم طبعا اني مقيمة بماليزيا زوجي يشتغل دكتور في نفس المستشفى اللي ولدت فيها الحمد لله بلا طول سيره المهم طلع تخطيط البيبي سليم والحمد لله فقالتلي الدكتوره أستني بهاليومين حجتك وجع روحت فرحانه طبعا لكن زوجي رفعني لحديقة كبيرة جداً بجنب البيت طبعا الحديقة تلف حول بحيره والبحيرة ماشاء الله مغطية بالزنبق منظر لاقوه إلا بالله المهم تخيلو عملت لفتين على البحيره يعني مشيت لين طاح جهدي وزوجي سبقني يهرول مباش يخليني انوقف بكل معااااااش فيا جهد وقت وروحنا للبيت درت دوش سخون ورقدت من التعب الساعة9 الصبح كان يوم السبت وماليزيا سبت واحد عطله المهم زوجي عطلة طلعنا وروحنا في الليل وطبعا قبل ما أنام شربت شئ سحري نحكيلكم شن هوا بالتفصيل في موضوع تاني يوم الأحد طلعنا الصبح فطرنا برا وبعدها مشينا لمول اسمه ماينس جميل نبي نشري ملابس بيت قطنيه تمشينا وأنا من الصبح انحس في نخس اسفل المهبل واستمر معاي لحد مادخلنا لمطعم نتغدو أحلا مطعم في العالم عندي اسمه ناندوز خاص بالدجاج هههه أسفة غيرت الموضوع المهم انقول لزوجي فيا وخز زي الابر يقولي عندك وجع اسفل بطنك أو ضهرك انقوله لا يقولي خلاص مافي شئ رحت دخلت الحمام شفت مانزل شئ كملت دوران في السوق عادي جداً روحت للبيت المغرب قالي تحسي بشي قلت نفس الوخزه مره مره ومش قوية المهم صلينا العشاء وقالي هيا ورفعك تطمني قلنا يلا وما اخدتش معاي ولا شئ على أساس مروحه والله تعبت من الكتابه ارتاح واكمل

[ابتسامة الصباح]

وصلت قسم السعاف في المستشفى واني نضحك مع زوجي مافيا حتى حاجة بعدها لقيت زوجة دكتور مع زوجي موعدها في نفس اليوم معاي لقيتها تتوجع ومريضة مسكينه قالي زوجي هدة مريضة صح مش انت تضحكي مافيك شئ واول شي هيا مش بكرية هدا خامس ولد ماشاء الله وانت بكرية المهم دخلت كشفت عليها الدكتوره لقت رحمها مسكر واني كشفت بعدها لقت رحمي مفتوح 3سانتي زوجي مش مصدق هي روحت لبيتها وأنا دخووووووووووووووووول الساعة 11بالليل قعدت لساعة 3 الصبح تجي الدكتوره مره مره تكشف عليا وااااااااااك ع الكشف وألم الكشف والله يبنات وجعني الكشف اكتر من الولادة المهم الساعة 4. رحمي 5سانتي وأنا مش حاسه والا شي مااااااااااااشاء الله جتني دكتورة التخدير قالتلي تبي ابديورل أي إبرة الضهر المسكنه وطبعا اني أكبر جبانه وافقت فاخدتها قعدت لساعة 8الصبح 5 سانتي بس جت الدكتوره قالت لزوجي البيبي بيتعب من لما اخدت الإبرة الرحم معاش انفتح اكتر لو قعدت لساعة 10 على طول عملية خفت وبكيت طبعا زوجي بكي من قلبه وجلس جنبي وقرا علي جزء عما كامل ونزل لمسجد المستشفي قعد يصلي ويدعي جت الدكتوره الساعة10 وادا الرحم 10 ماشاء الله لا قوه إلا بالله فرحنا الحمد لله وهنا بدي المشوار بووووووووووووش يلا ادفعي مع كل وجعة وألم ادفع طلع الراس الله أكبر وهنا طبعا الماليزيين في الولادة أحلا شي تقرا عليك قران ويكبرو اول مايشوفو البيبي يعني ولدت بالتكبيييييييير (تقول بالجبهه هههههههه) وشرف حبيب ماما عبودي ماشاء الله عليه كعبول وشعره ناعم واسود الحمد لله وعدة قصة ولاتي وإنشاء الله ينوض كل حامل بالسلامة وتشوف ابنها سليم ياااااارب

[بنت ابويه]

الحمدالله على سلامتك الله يحفظلك ولدك يارب ويسهل على كل حامل

[يقين]

مشالله لا قوه الا بالله حمدلله علي سلامتك وربي يحفظلك عبدو الحلو