|
قصة ولادتي تفضلو لوسمحتو
السلام عليكم مش عارفة كيف بنبدا hwaml5 يلا ( بسم الله الرحمن الرحيم ) وأخيرا شرف حبيب قلب ماما عبودي بعد معاناة 9شهور الحمد لله اول شئ اني بكرية متل ماتعرفو يعني اللي يشوفني يقولي حتكملي شهرك وتخشي العاشرhwaml15 وكنت خايفة من اني نعطل هلبة وأول شي اني في غربة مش في بلدي وبعيدة علي أهلي كان عندي موعد عند دكتورتي يوم الجمعة يوم 21/9/2012 مشيت كشفت عليا وقالتلي أن رحمي في وضع انقباض مع العلم أن موعدي 4/10/2012 يعني مازال اسبوعين تقريبا قالت لزوجي البيبي وزنه زايد فاخم فااحتمال تولد بهاليومين دارتلي تخطيط لقلب البيبي قالتلي لو قلبه كويس اصبري ولو تعبان علي طول انولدك hwaml10hwaml10 طبعا قريب متت من الخوف وقعدت نبكي بنطول عليكم تعرفو دكتورتي والله ريحتني كويسه ماشاء الله عليها حتى لما تكشف عليا تقرا قران وتكبر hwaml7 نخليكم شويه التكملة بعد الفاصلhwaml7 سوسبنس عادي
|
رد: قصة ولادتي تفضلو لوسمحتو
ايوا كملي بعدين وش صار
|
رد: قصة ولادتي تفضلو لوسمحتو
ننتظر التكمله ،*-*
|
رد: قصة ولادتي تفضلو لوسمحتو
مبارك ما اجاكي
|
رد: قصة ولادتي تفضلو لوسمحتو
دنيتي محمد وغلادنش ومدام شكرًا ع المرور حبيباتي
|
رد: قصة ولادتي تفضلو لوسمحتو
الحمد لله على سﻻمتك
|
رد: قصة ولادتي تفضلو لوسمحتو
عدناااا هههههههه مع كوكب اكشن هدة ولت سبيستون hwaml7 المهم طبعا اني مقيمة بماليزيا زوجي يشتغل دكتور في نفس المستشفى اللي ولدت فيها الحمد لله بلا طول سيره المهم طلع تخطيط البيبي سليم والحمد لله فقالتلي الدكتوره أستني بهاليومين حجتك وجع روحت فرحانه طبعاhwaml7 لكن زوجي رفعني لحديقة كبيرة جداً بجنب البيت طبعا الحديقة تلف حول بحيره والبحيرة ماشاء الله مغطية بالزنبق منظر لاقوه إلا بالله المهم تخيلو عملت لفتين على البحيره يعني مشيت لين طاح جهدي وزوجي سبقني يهرول مباش يخليني انوقف بكل معااااااش فيا جهد وقت وروحنا للبيت درت دوش سخون ورقدت من التعب الساعة9 الصبح كان يوم السبت وماليزيا سبت واحد عطله المهم زوجي عطلة طلعنا وروحنا في الليل وطبعا قبل ما أنام شربت شئ سحري نحكيلكم شن هوا بالتفصيل في موضوع تاني يوم الأحد طلعنا الصبح فطرنا برا وبعدها مشينا لمول اسمه ماينس جميل نبي نشري ملابس بيت قطنيه تمشينا وأنا من الصبح انحس في نخس اسفل المهبل واستمر معاي لحد مادخلنا لمطعم نتغدو أحلا مطعم في العالم عندي اسمه ناندوز خاص بالدجاجhwaml7 هههه أسفة غيرت الموضوع المهم انقول لزوجي فيا وخز زي الابر يقولي عندك وجع اسفل بطنك أو ضهرك انقوله لا يقولي خلاص مافي شئ رحت دخلت الحمام شفت مانزل شئ كملت دوران في السوق عادي جداً روحت للبيت المغرب قالي تحسي بشي قلت نفس الوخزه مره مره ومش قوية المهم صلينا العشاء وقالي هيا ورفعك تطمني قلنا يلا وما اخدتش معاي ولا شئ على أساس مروحهhwaml5 والله تعبت من الكتابه ارتاح واكملhwaml16
|
رد: قصة ولادتي تفضلو لوسمحتو
وصلت قسم السعاف في المستشفى واني نضحك مع زوجي مافيا حتى حاجة بعدها لقيت زوجة دكتور مع زوجي موعدها في نفس اليوم معاي لقيتها تتوجع ومريضة مسكينه قالي زوجي هدة مريضة صح مش انت تضحكي مافيك شئ واول شي هيا مش بكرية هدا خامس ولد ماشاء الله وانت بكرية المهم دخلت كشفت عليها الدكتوره لقت رحمها مسكرhwaml02 واني كشفت بعدها لقت رحمي مفتوح 3سانتيhwaml7 زوجي مش مصدق هي روحت لبيتها وأنا دخووووووووووووووووولhwaml10 الساعة 11بالليل قعدت لساعة 3 الصبح تجي الدكتوره مره مره تكشف عليا وااااااااااك ع الكشف وألم الكشف والله يبنات وجعني الكشف اكتر من الولادة المهم الساعة 4. رحمي 5سانتي وأنا مش حاسه والا شي مااااااااااااشاء الله جتني دكتورة التخدير قالتلي تبي ابديورل أي إبرة الضهر المسكنه وطبعا اني أكبر جبانه وافقت فاخدتها hwaml03 قعدت لساعة 8الصبح 5 سانتي بس جت الدكتوره قالت لزوجي البيبي بيتعب من لما اخدت الإبرة الرحم معاش انفتح اكتر لو قعدت لساعة 10 على طول عملية hwaml15 خفت وبكيت طبعا زوجي بكي من قلبه وجلس جنبي وقرا علي جزء عما كامل ونزل لمسجد المستشفي قعد يصلي ويدعي جت الدكتوره الساعة10 وادا الرحم 10 ماشاء الله لا قوه إلا بالله فرحنا الحمد لله وهنا بدي المشوار بووووووووووووش يلا ادفعي مع كل وجعة وألم ادفع طلع الراس الله أكبر وهنا طبعا الماليزيين في الولادة أحلا شي تقرا عليك قران ويكبرو اول مايشوفو البيبي يعني ولدت بالتكبيييييييير (تقول بالجبهه هههههههه) وشرف حبيب ماما عبودي hwaml03 ماشاء الله عليه كعبول وشعره ناعم واسود الحمد لله وعدة قصة ولاتي وإنشاء الله ينوض كل حامل بالسلامة وتشوف ابنها سليم يااااااربhwaml7
|
رد: قصة ولادتي تفضلو لوسمحتو
الحمدالله على سلامتك الله يحفظلك ولدك يارب ويسهل على كل حامل
|
رد: قصة ولادتي تفضلو لوسمحتو
مشالله لا قوه الا بالله حمدلله علي سلامتك وربي يحفظلك عبدو الحلو
|
| الساعة الآن 10:50 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .