هنا تجمع حوامل الشهر (الاول والثاني والثالث)

[صعب تنساني]

زهور الورد يالغلا احسك نفسي وفمشكلتي حتى انه تعبانه من الوحم وما كل شي حتى الماي تلوع جبدي منه وخايفه يصيدني جفاف قمر ماجد انه سمعت انه الفلفل الحار الوايد مو زين تحملي بروحج يالغلا حتى عمتي تحذرني منه وساعات اتوحم عليه واذابح معاها ههههههههه ام الجوررري يا هلا ويا مرحبا ولك بالمثل والله يتممم على الحوامل ويسهل ولا دتهم يارب حكايه عطر موضوعك عجيب
واتمنى اشارك معاك باقرب وقت مشكوره

[ام خطاب3]

بنات انا بالاسبوع الخامس
ومااحس باي وحم هل هذا طبيعي
بس احس بنغز بصدري واحيان دوخه ومغص ببطني ووظهري الم

[دلوعة فوفو حبيبي]

السلام عليكم انا جديده
وابي اجتمع وياكم اناحامل بالشهر الثالث توني داخله
والحمدلله وحمي خفيف جدا الحمدلله
واول حمل لي
وان شاءالله تستفيدون مني واستفيد منكم

[صعب تنساني]

ام خطاب الف مبروك الحمل والله يتممم على خير وهذي اعراض الحمل وراح تبين اكثر مع مرور الايام دلوعه فوفو يا مرحبا فيك نورتي المنتدى يالغلا

[شوق زوجها]

السلام عليكم أخباركم بنات يارب الكل بخير عندي خبر مو حلو لي 14 يوم نفسيتي تعبانه وارجي رحمة ربي الدكتوره قالت فيني داء القطط (توكسوبلازما) أدعولي بالشفاء وربي يحفظ جنيني
بنتقل لحوامل الشهر الرابع وكلي خوف بس اني متكله على ربي أشوفكم على خير

[ام خطاب3]

الله يششفيك يارب

[أم عائشة]

السلام عليكم شخباركم امهات المستقبل

ام خطاب ترى انا نفسج وجنه موعد ولادتي نفسج ؟؟ انا 8\6\2011 ان شاءالله
انتي معاي صح؟؟

وبالنسبة للوحم ترى انا كلش ماحسيت بشي حتى كنت اشك اني حامل
بس من يومين بديت اتحسس من ريحة عطر زوجي وولدي اما الاكل فكل شي اكله هههههههه
فلا تحاتين يمكن حمالج بلا وحم


شوق زوجها الله يشفيج اختي اكيد عندج قطاوة بالبيت طلعيهم اختي مايسوى عليج تمرضين بسبتهم

دلوعة فوفو
هلابج اختي مراحب نورتي المكان


صعب تنساني شخبارج اختي عساج طيبة

[شوق زوجها]

الله يحفظكم بنات ومشكووورين عقبال ماتفرحون بعيالكم
اي والله في قطوه والجيران حذروني منها بس وش اسوي انا عايشه عند اهل زوجي مااقدر افرض عليهم شي هم مره طيبين معاي ومتعلقين بالقطاوه

[أم عائشة]

كان الله بعونج اختي

بس بعد صحتج وصحة حفيدهم اهم من القطوة
اختي انا ماابي اخوفج بس ذي المرض موزين للحامل

انتي خلي زوجج يكلمهم بهدوء وان مارضوا يتخلون عن القطوة انا براي تروحين بيت هلج ليمن يروح منج
اسال الله العظيم رب العرش العظيم ان يشفيج ويثبت حملج ويتتم لج على خير يارب

[شوق زوجها]

الله يبارك فيك ياام عايشه ماقصرتي وتفرحين بتمام حملك وصحته بحاول وربي معاي