تجمع حوامل سوريا-دردشة ورود سوريا-دردشة الغاليات

[hadeel al rouh]

ندوشة مانسيتك كيفك
شو حاسة هادا الشهر حكيلي
نسيت خبركون انو الدكتورة عطتني دوفستون عشان الدورة تنتظم
انقطع الدم نهائيا الحمد الله
ووانتي حكيلي شو عندك اعراض هلق المفروض تكوني عديتي ايام التبويض ماهيك؟؟؟
ربي يبعتلنا الخير

[رنووومة]

مشكورين يا احلى بنوتات وكله بأجره انششاء الله والله تعبت ومو عارفة اكمل ازاي الحمد لله على كل حال وخصوصي النا يومين مكركبة عنا هون وصرنا نسمع صوات الرصاص الله يسترها مع الكل يارب

سيلا يا قلبي الله يتمملك على خير والدوخة يمكن فقر دم انا كل شهر بزيد والدوخة هالكتني خصوصي اني ما عم اقدر اكلل الله يتممها معنا على خير

ام عائشة التوقيع الصحيح بينما الفلاش حاططه قبل اسبوع والاغلب انو الولادة باخر هاد الشهر 10 الشهر بفوت بشهري وبعدين بدي اروح لنجدد وقت القيصرية انشاء الله

[رنووومة]

هدولة انشاء الله الشهر الجاي تفرحينا بحملك يا رب

عبورة تسلمي يا قلبي وانتي شو اخبارك

[عبير اسماعيل]

سيلا يسعدلي صباحك كيفك والله اني اشتئتلكون وكيف البوب ومبروكة حركات النونو ان شاء الله

هدوله سلامه قلبك وماعليكي الا العافيه انتي دلولتي واشتئتلك كتييييييير

ام عائشه انا منيحه الله يخليلي ياكي يارب بس صاير نفسي ديييق كتيييير
وصايبني تقللللللل ماعم بقدر احرك بسهوله مع انو بكير بس مابعرف الله يعين


رنومه حبيبي الله يقومك بالسلامه انتي والنونو وربي يفرجها
والله انو وضع البلد مساوينا غصه كبيرة والله والله انو نفسيا مكركربه
من هل امور ربي يهونها وبالي بيضل عنكون ياااااااااارب تفرجها يارب ‏



سروءه مدري شو وضعها مالها بالعادة تغيب هالقد

[hadeel al rouh]

كيفكون ياحوامل
ربي يعينكون جميع
تسلميلي عبورة ياغاليتي انتي الله يعينك ذكرتيني بمرة اخي صارت تتحرك بصعوبة من بداية السابع يعني معلش لاتقلقي عادي ياقلبي
ربي يقومك بالسلامة

[hadeel al rouh]

عبورة انشالله راحت الحرقة عنك؟؟؟؟
وجربتي متل ماقاللولك البنات؟؟؟
الله يشفيكي ويعافيكي

[أم عائشة]

سلام
عبير الله يكون بعونك يارب وكله اجر وعافية ان شاءالله وحاولي ماتعبي نفسك كتير انا متلك والله التقل مومخليني امشي خطوتين الا وبلهث الحمدلله على كل حال


هديل شواخبار اهلك ان شاءالله بخير يارب الله يطمن قلوبنا على اهلنا وبلدنا يارب

وينهي هايدي وسرؤة وجوري ؟؟؟

[silla]

لك روحوووووووووووو
الله يصبركم ويكون بعونكم ويهون عليكم الايام الباقية وتلدوا بكل يسر وسهولة الهي تستجيب دعائي

بربي عم ارتعب وحاطة ببالي انو جاييني شغلات صعببببببببببببببببة بقول لرفقيتي عم يرفس عند المثانة والله عم يوجعني وقت تكون قوية بتقلي هااااااد لعب لسا مافرجاكي العين الحمرا
مو حاج عند الولادة بدو يفرجيني كل الوان العيون حمرا وزرقة وبيضة وصفرا واورنج وخضرا بعيييييييييييييييييين الله
يارب دخيلك اتوكلت عليك وسلمتك امري ...

[silla]

ام عائشة ياقلبي هايدي طلقتنا من يوم اجا جوزها
وسروءة طلقتنا مابعرف شو السبب
وجوري بعالم تاني

ان شالله يكونو بخير ويحنوا علينا بطلة صغيرة ....

[silla]

والله احلى شي هدولة عم تاخد كووووورس بالحمل مو بالله هدولة ؟؟؟؟
هههههههههه

بكرة كللللللللللل شي بتمري فيه رح تعرفيه
يلا قريبا باذن الله ..

وندوشة هاي وينها كمان بلشت عصب انا ها....

اي هدولة شو عم تطبخي هات لنشوف انا اليوم معزومة ههههههه عند بيت رفيقو بس زعلانة لان معزومة هالحمل مارح اعمل ولا عزيمة وهيك فتحولي باب العزايم ياشحاري ههههههههه
بس قالي جوزي خلص حبيبتي ولا يهمك بطبخلن انا احلى عشا مليااااااااااان مطاعم
قمت ابتسمت ابتسامة الرضى وقلتلو لك تقبر قلبي انت اللللللللله يرضى عليك
ههههههههه


طبعا انا عم كر لحالي متل ...... بعين الله عسى ولعل حدا يعبرني


يا بنات اكيد مابدكم توصاية بس حبيت قلكم انو لازم بكل صلاة ندعي لاهلنا بسوريا
لازم نتكاتف بكفي ماعم نقدر نقدملن شي اقل منها دعوة !!! الله يخليلي ياكم متاكدة عم تدعو اكتر مني يمكن بس حبيت زكركم.. مو اكتر
يالله مالنا غيرك يالله ..
يااااااااااالله عجل نصرك يالله
ياااااااالله عجل فرجك يالله
اللهم ارزقهم النصر عاجلا غير اجل ..