حبيباتى سيدات ليبيا تفضلو لأعرف ما حالكم

[sosolibya]

فاهمة شعورك اكيد أهلك داروها فى راسك صح

[sosolibya]

اللبس إحتمال نلبس إن شاء الله يعنى
قونة مش قصيرة مش طويلة فى النص ورااااااااااقية زمان خديتها ب35 كانت تعتبر غالية نار زمان
ومعاها بدى خديته من محل زهرة الهريجينيا فى القرضابية تهبلللللل حمراء ومشبكة شوية بألأسود وكمامها نص وعبارة عن شبك أسود
والقونة سودة
ومن لوة كل مشبك
شنو رايك

وطبعا لأنى لبستها فى العرس الأسبوع الفات والكل ماتو فيا هههه
صارت عندى ثقة فى نفسى وعجبتنى اللبسة

[sosolibya]

والبدى فيه لقطة فى الرقبة فيوكة على جنب
وكمان فيها لقطة القماش مشدود شوى شوى
اووووووووه سخنت شورنى بنمش وخلاص

[أم أجنادين 80]

ههههههههههه نفس كلام راجلي
والله القضية اول رمضان ماخديتش بس رمضان الفماضي خديت جوز الهند وزبيب وكاكاو ساده متاع الحلويات
ونشا كمية كبيرة منهم لدرجة قعد منها لبعد رمضان
ومثلا جبنة وتن وb.b كمية كبيرة وفي من ياخد في صندوق حليب وغيره لما تكون العيلة كبيرة
بس انا راجلي يحب كل شي في وقته
بس الحق يلي خديته رمضان الماضي ريحني من كلمة جيبلي وجيبلي اقل شي الاشياء يلي متفسدش

وعادي حتي لو ماخديتش المهم الخبزة والصلصة تريح هلبة
مرت خالي خدت رشدة وطعمية من قريبتهم تشكر فيها الباين بندير زيها
بس مش مقتنعه بالناس يلي تطلع كل رمضان لللمواد المنزلية وتاخد في طواجين جديدة وصحون وهيا حاجتها عندها
كل رمضان يبوا جديد
زي قبل زي توا في حوش بوي ولا حوشي مناخدوش او ناخدوا شي معندناش نهائيا مش قصة تجديد

[sosolibya]

جنوووووودة وينك

أهل خالى الجديدة مريضة وحتى فى النجاح ماجتنيش
طبعا ألأعراض دوووووووخة
وهنا قالولها فيروس

ولما مشت لتونس طلع عندها
إلتهاب فى ألأذن متع التوازن حاجة زى هكى
باهى أنا اتصلت بيها
مش الواجب نزورها
بس خايفة نطلع يعقبنى حد
للبارح بس جاينى ناس
أهل خال راجلى وام وأخت مرت خالى ومن نفس العيلة تقربا
ماشاء الله عمتكم سوسو تواصل هلبة خخخخخ

[أم أجنادين 80]

حلوة اللبسة بسيطة امشي فيها

ايه والله حطوها في راسي والله البارح الا نحلم بيه

ومادا بيا حاجة حلوة ومش مكلفة مزال يبوا هلبة اثاث وغيره

والرخامي فكرت انديروه في الممر الرئيسي حسبته بيكلف 2000

[sosolibya]

والله حالة الناس يللى تاخذ تعرفى ناس قول
ضرورى شربة رمضان فى طنجرة جديدة والله حرام

حتى احنا عائلاتنات بصفة عامة مانديروش هكى الحمد لله

[أم أجنادين 80]

ماشاء الله تواصلي عكسي

انا بنت صاحبتي قبل جتها دوخة طلع عندها التهاب في الأذن الوسطي

وانا فترة جتني الدوخة فكانت من الجيوب الأنفية وحسب ماقال الطبيب تسبب ارتفاع ضغط دم عند النساء وانخفاضه عند الرجال

[sosolibya]

باهى قداش ميزانيتهم هما

ونقولك حاجة لو بالنسبة ليا انا
غرف الاستقبال تكون حاجة كويسة ومش ضرورى المغالاة فى ذلك والباقة ابسط مايكون

يعنى هما فى ألأخير غرف نوم ومابيشوفهم حد خليك على أبسط شىء أبيض أو ألوان تانيةوتمت المشكلة
والفلوس يللى حاطينهم ديروهم فى حاجة ثانية
أثاث أو أو أو
ماهو حتى بعدين بديرو عشاء ولاعزومة أكيد

لو أنا هكى حندير

وبصراحة هذا التفكير مقتنعة بيه
يعنى علاش الصرف وهما غرف النوم مسكرات

اسمعى الكلام ياجنودة وديرى زى مانقولك

[أم أجنادين 80]

حتي احني هكي سواء حوش عمي او بوي او حتي الاقارب

بس انا مرات يبدا خاطري نمشي لسوبر ماركت كبير ناخد شن نبي بروحي ونشوف شن نازل جديد من مواد غدائية

رمضان الماضي درت هلبة اكلات جديدة بيتزا الابواق والملفوفة ودوار الشمس بيتزا بعدة تشكيلات
وكيكة الباونتي وكيكة الناسكافيه وبسبوسة عده انواع بس مزالت المحشية بالقشطة
ودرت دبلة لسان العصفور
ومزالت البيتزا المقلية والعصبانة