دردشة بنات مصر , دردشة حوامل مصر , تجمع بنات مصر

*رحمه* · 10-09-2011, 08:44 PM

دندووونه يا حبيبتي انا موجوده بس هنا الوقت بيجري غير هناااااك مش بلحق اقعد على النت
و انا الحمد لله حامل في بنوته عملت السونار الفور دي
و طبعا احمد صعبان عليا وانا هنا بس كنت اتخنقت قووي يا دينا هناك و كنت محتاجه اشوف اهلي انا بقالي هناك 11 شهر ما نزلتش اجازه
بس هرجع ان شاء الله يوم السبت و انزل تاني على السابع كده
انتي عامله ايه يا دندونا في الحمل

*رحمه* · 10-09-2011, 08:47 PM

إحساس رائع

عندما أصرف نظري عن صورة عارية أو منظر قبيح لأنني أستشعر أن الله ينظر إلى وجهي

إحساس رائع
...
أن أرى نظرة الرضا على وجه أمي وأنا أقبل يدها ودعاءها لي يخترق طبلة أذني فيرقص قلبي طربا

إحساس رائع

أن تنتظر الصلاة...وتتأمل عقارب الساعة لأنك تحب أن تقف بين يدي الله

إحساس رائع

أن تجد من يحبك في الله...يتفقدك
إن غبت..ويسأل عنك إن اختفيت...ويقف بجوارك إن أذنبت ليذكرك
بالتوبة...ويشد على يدك إن أطعت الله لأنه رفيقك إلى الجنة

إحساس رائع

أن تتساقط قطرات ماء الوضوء من وجهي وأنا أسرع لأكون في الصف الأول خلف الإمام

إحساس رائع

أن أصوم تطوعا ويأتي أذان المغرب وأمسك التمرة وأقربها من فمي...الله يحبني وأنا أحبه

إحساس رائع

أن أرى الإبتسامة تشرق على وجه أبي لأنني انحنيت أقبل يده وهو وسط زملائه فاحتواني بحضنه الدافيء وعرف أنني أحبه

إحساس رائع

أن أسير بحجابي الفضفاض كطائر يحلق في رياض الجنة وأستشعر أنني أكتسب بكل عين أطوف بها ولا أفتنها حسنات كجبل أحد لأنني متسترة

إحساس رائع

أن أتم قراءة وردي كل يوم...وأشعر أنني أنجزت شيئا وأرسلته ليؤنسني في قبري

إحساس رائع..

دودى مجدى · 10-09-2011, 08:48 PM

ما شاء الله الف مليون مبروك يا دينا وانا طلعت عندى كتكوت بس هيبقى اصغر من بنتك يا خسارة اصلى بدورلو على عروسة ربنا يفرحك يا حبيبتى يا رب
كويس انك نزلتى غيرتى جو 11 شهر فعلا كتير اوى بس انا افتكرتك هتعدى لحد ما تولدى ربنا معاكى يا رب وتوصلى السعودية بالف سلامة يا رب

توتة السيد · 10-09-2011, 08:48 PM

دينا هتسافري وتنزلي في السابع يابنتي انت في السادس داانت مش هتلحقي

وليه الشحططة دي ماتخليكي لحد ماتولد وخلاص ايه لازمة السفردلوقتي

دودى مجدى · 10-09-2011, 08:50 PM

يا توتة اكيد جوزها زهق من القعدة لوحدو اسالينى انا دة انا شايلة هم محمد من دلوقتى
بس يا دينا اسالى الدكتورة قبل ما تركبى الطيارة عشان انتى كدة هتركبيها كذا مرة وربنا يسترها معاكى ومعانا يا رب

رنا خالد · 10-09-2011, 08:54 PM

دينا وحشاني اوووووووووووي
ومليون مبروك ع البنوته اللي هتبقي قمر زي مامتها

توتة السيد · 10-09-2011, 08:56 PM

ماشي يادينا جوزها زهق بس تسافر مرتين في شهر واحد صعبه ماتقدرش

يعني الشهر ده ولا نص الشهر هيعملوا ايه ياله بقيربنا معاها ويقويها

دودى مجدى · 10-09-2011, 08:56 PM

رنا امبارح بقولك ازييك مترديش عليا يومك مش فايت النهاردة يالا صالحينى قبل ما اعضلك لوجى

دودى مجدى · 10-09-2011, 08:58 PM

ايوة الواحد بيخاف من السفر الكتير دة يا توتة بس بنخاف اكتر لو جوزها قالها تيجى دلوقتى واولدى هنا دى بقى الاصعب طبعا

*رحمه* · 10-09-2011, 08:59 PM

دندونه
ربنا يبارك فيكي يا حبيبتي و يارب تشوفيه في احسن حال يارب

توتا
اصل الخروج و العوده 6 شهور يعني كده هتخلص بعد الولاده بشهر و هضطر اسافر على طول عشان كده هسافر اجدد عشان اقعد براحتي و عشان بابا مسافر معايا عشان الحج و هرجع معاه ان شاء الله و عشان ما طولش المده على احمد لانه هينزل على معاد الولاده ان شاء الله

و هروح للدكتوره يوم التلات ان شاء الله عشان اطمن قبل السفر يارب يكون الوضع مستقر

رنوووووووونه حبيبتي وحشاني و ربنا يرزقني ببنت حلوه زي لوجي كده ربنا يحميها يارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل الدمام - دردشة بنات الدمام - تجمع حوامل مدينة الدمام	قمرين	إستفسارات حوامل من الشهر السابع إلى الشهر التاسع	1904	01-01-2012 11:16 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM