ألذوأطيب الطبخات السورية

[jorri sham]

حبيبة قلبي ام ارجوان والعالي ممستواها و ياهم ربي كبير
نورتوو وعلى قلبكن نشالله
شكرا اسعدتوني بمرووركم

[jorri sham]

ليوم طبخت رز ب بزالية والكل اكيد بيعرقها اكلة طيبة وسهلة كتير ..
رح اكتبلكن ووصفتها ..

المطلوب
لحمة ناعمة
بازلاء
رز
ماء
ملح
فلفل
زيت قلي
صنوبر او لوز للتزيين ..
((بعتزر ما بعرف المقادير بضبط انا بعيين بنظري ))

مننقع الرز نص او ربع ساعه بماء دافئ بعدما نغسلو منيح ...
منجيب طنجرة منحط فيها زيت بس يحمى شوي منحط اللحمة الناعمة ومنقليها ومنحط فوقها رشة ملح وفلفل وبس تتستووي


منضيف البزالية الخضرا ومنقليها معها شي 3 او 4 دقايق بعدين منغمرها بالمي ومنخليها على نار متووسطة ربع ساعه







بعدين منصفي الرز من المي ومنضيفهن فوق البزاليا ومنغمرهن بالماء وبس تنشف الماء شوووي مننووص تحت على ناار خفيفة


بس تستوي منسكبها ..
بصراحة هي الصورة من النت لانو نسيت صوورها وقت خلصتا مشان الامانة يعني ههههه



وطبعا منكون حضرنا اللبن والخيار

واللوز والصنووبر المقلي ومنزينها فييييين





وصحتين وهنا على قلووبكن
نشالله تكوون هطريقة الصحيحة وتحياتي ^^

[زهرة الحب]

يم يم يم يسلموا هالايدين ياعسل شكلها مغري الله يعطيكي ألف عافية يارب

[زهرة الحب]

اليوم أكلتنا طيبة وشهية
المقالي السورية أكلة ظريفة وخفيفة وسهلة واطبية بتكون إلا مع الجمعة الحلوة أو بمكان فيه في ومي وخضرة بكون إلها طعمة غير

أول الأكلة بطاطا مكمورة:
المقادير مالها محددة على كيفك
بطاطا مقشرة ومغسولة ومفرومة نص دائرة ومقلية بالزيت
بندورة مفرومة ناعمة
توم وكزبرة يابسة
فليفلة خضرا مفرومة مكعبات
الطريقة:
في طنجرة منحط زيت نباتي وبس حمي مزبوط منضيف التوم المهروس والكزبرة اليابسة ومنحركها بسرعة حتى ماتعلق وبعدين منحط الفليفلة ومنحركها حتى تستوي منحط البندورة ومنتركها تغلي منيح وهون عنا البطاطا مقلية وجاهزة منضيفها فوقها مع رشة ملح ورشة مي مقدار كاسة شاي صغيرة ونغطي الطنجرة ونتركها تنكمر شوي وصحة وهنا

أكلتنا التانية كمان سهلة كتير
المقادير :
كوسا نص كيلو مفروم دوائر ومقلي بالزيت نباتي
كوب لبن
3 فصوص توم مهروس
رشة ملح
الطريقة:
نخفق اللبن ومع التوم والملح وإذا كان سميك كتير منحطله مي ونحركه منيح وبعدها الكوسا بكون مقلي وجاهز منضيفه على اللبن ونقلب لحتى الكوسا يتغطى باللبن وصحة وهنا
نقدمهن مع صحن فتوش وفليفلة حدة مقلية بالزيت نباتي
وهي صورة الأكل

[jorri sham]

واللهي بيشهوو خاصة تبع الكوسا باللبن
يسللموو اديكي

[أيوش الحلوة]

ماشا الله فعلا هي اطيب اكلات .. الله يعطيكي العافية

[عآشت للحب]

بجد يسلموووو ايديكم

حآجة تحفة ..

بعد هيك ما في أكلآت

[استغفرالله(مي)]

كثير حلووو فكرت الموضوع
اغلب الاكلات حفظتها عندي بمسودات
واليوم بجرب اسوي مشبك حلو لانو مقاديره سهله ومتوفره هههههههه
ورح اجرب شيخ المحاشي شكلووووووووو يشهي
يسلمووووووووووووووووو على الاكلات الحلوه والله يسعدكم

[jorri sham]

اسنغفر الله مي
اهلا وسهلا فيكي حبيبتي
واي سؤال عن الطبخات السوورية ننحن جاهزين
هلا والله ..

[تيم ليث]

يا رب فرج هم السوريين في سوريا وانصر شعبها شكرا الموضوع كتير حلو رح شارك في واكتب اكلات بلدي الطيبة شكرااااااااااا