【ツ】أحلى تجمع لأحلى حوامل التوائم 【ツ】 ‏الجزء الثالث

[أم عائشة]

مساكم رضى من الرحمن

ريماس وحشتيني والله شخبارج حبيبتي وشخبار التوينز عساهم طيبين
ويلا مابقالج شي وتجينا الخامس ربي يتمملج على خير يارب

الوردة النرجسية الله يسلمج حبيبتي من كل شر يارب بشري شخبار الحمل معاج وان شاءالله بعد توينز وناسة هههههههههههه ربي يتمملج على خير يارب

ام منصور ربي يعينج على الوحم يارب يلا مابقالج شي وتخلصين منه

دلوعة عبودي حلو انج تروحين نادي وجذي بعد بتتغير نفسيتج شوي وصحيا بعد زين لج

احساس رؤعة الله يسلمج قلبؤ
وبالنسة لتحليل السكر انا اللي اعرفه انه اذا كنتي صايمة النسبة الطبيعية تكون من 90الى 106
وبعد الاكل بساعتين المفروض ماتكون اعلى من 160
انا جذي قالتلي دكتورتي ومااعرف حق شراب الجلوكوز والله
انا اتذكر اني شربته يوم حملي باولادي كان يلوع الجبد واكيد ماهو مضر بس مااعرف اذا لازم تكونين صايمة او لا نسيت يختج هههههههههههه

[عزتي بايماني]

السلام عليكم ورحمة الله , الله يعطيكم العافية كلكم
ماقصرتوا ومشكورين على السؤال وانا اعتبركم اخواتي واتشرف اني كسبت اخوات
نفسكم انا الحمدلله بخير والى الان بالمستشفى الضغط يرتفع عندي
بس الحمدلله كل شي تمام واحد منكم امهات التوائم اللي عملوا قيصري
قد احد جاه ارتفاع الضغط
وبنتي ماعليها الحمدلله في تحسن ودعواتكم لها
واللي سالوا عن المشيمة انا مشيمة وحدة وسبب انفصالها والله مااعرف
شي ربي كاتبة انا كنت رايحة لموعد في مدينة ثانية لاشعة ماهي موجودة عندنا
وجيت بالهوتيل وارتحت وبعدين تعشيت مافيني شي
وفجاه تعبت وجاني الام في بطني وظهري مرة لدرجة ماقدرت اتحمل
ورحت للمستشفى سووا كشف وقالوا مافيه ولادة وبعدين سووا سونار للتوينز وحدة تتحرك بقوة
والثانية لا شوي وودوني غرفة العمليات ماكنت ادري انها غرفة العمليات بس اقول لهم عطوني مسكن ويقولون بنعطيك دوا وتنامين مادريت انهم بيسوون عملية وفجاه وهم ينقلوني
لسرير العمليات صرت انزف كثير ومعاد دريت عن نفسي الا الممرضة عندي تكلم واسمع اصوات وهي تقول ان وحدة ماتت ومافهمت وش قالت عن الثانية الا زوجي دخل وعلمني بالبنت
والحمدلله على كل شي

[رضاك ربي]

عزتي حمدلله رب العالمين قدر الله وماشاء فعل

ام عائشة وين هالغيبة طمنينا عنك

[رضاك ربي]

دلوعة عبودي الله يحفظهم لك لاتعودينهم على الدلال الزايد ترى بيتعبوك حاولي ما اتمي قربهم لانهم بيتعودون على ريحتك وما بينامون الا بوجودك جمبهم انا من بعد الشهر الثالث صرت بس احس بنعسهم احطهم عالسرير واشغل الالعاب الموسيقية المعلقة بالسرير اول شي استغربوها بعدين حبوها ترى بالتعويد كل شي يصير


ام عائشة ما عليك الا العافية والله يحفظ البحرين واهلها وكل بلاد المسلمين

[REEMAS]

عزتي الحمدلله عالسلامه وانا في اجهاضي الاول وكنت في الشهر الخامس وولدت بطلق صناعي وبعد الولادة ارتفع ضغطي وضليت في المستشفى اربع ايام لين صار طبيعي وقالت لي الدكتورة انه ارتفع من الخوف والتعب وفي أجهاضي الثاني وكنت ثلاث شهور وسويت تنظيف بالمستشفى ببنج نصفي بعد ارتفع ضغطي بعد العمليه وكان من الخوف فاعتقد انه مرتفع من الألم والخوف والتعب اللي انتي فيه وان شالله بينزل بس انتي ريحي شوي ولا تفكرين وتطلعين ان شالله انتي والبنوته بالسلامة يارب *

[دلـــوعــه عـــــبوديـ]

عزتي بيماني الحمدلله ع سلامتك انا بعد العمليه ارتفعت حرارتي بقوووه بس الضغط مادري والله
الله يخليها لك ان شاءالله وانا اقولك بدايه الايام بتكون شوي تعبانه البنت بس بعد اسبوع اوعشر ايام بتتحسن انا اولادي جاهم سكر وضغظ واحد جاه نزيف براسه بس الحمدلله الحين مافيهم شي
رضاك انا عودتهم ع اغنيه اذا سمعوها يسكتون ودي والله اخليهم لحالهم بس يبكون بقووه الين مايوجعهم حلقهم ويكحون بالله وش الحل؟؟؟؟؟وكمان يبون احد يسولفلهم ولا مايرتاحون الله يحفظهم يارب
ام عائشه من جد اذا رحت نادي بغير جو احس اني خلاص اكتئبت

[احساس روعه]

ام عائشه
شو زهايمر الحمل بدا معاك هههه >>>الحال من بعضه
الله يعين ومشكوره ياغاليه على التوضيح
ايوه شراب الجلكوز لوعه كبدي مررره حلي وانا قبل التحليل بساعه اكلت وراحت والمستشفي وسويته شربت الجلكوز وجلست بعده كمان ساعه وبعدين سويت التحليل الله يعين ويسهل يااارب
طيب سكر الحمل خطر مررره ولا لا
وان شاء الله يارب مافيني
وحابه اسالكم الدكتوره ليش طلبت منى تحليل السكر الحمدلله ماحس باعراض سكر
وايش هي اعراض سكر الحمل
معليش يااااكثر االاسئله الي عندي هههه

عزتي بايماني
الحمد لله على سلامتك وسلامه البنوته
والله يحفظها لك ياااارب
وان شاء الله تكونو بخير وصحه وسلامه

[REEMAS]

بنات بسالكم متى أبدا اجهز انا مفكرة في السادس أبدا بتجهيزاتي وفي السابع تجهيزات البيبي أنتو شرايكم ؟؟!

[ام منذر]

صبااااااح الفل والكادي على جمييييييع الكروشات

وش اخباركم مع الثقل

اليوم ان شاءالله عندي موعد بالمستشفى واخبركم

وش بتقولي الدكتوره

ضوء السحر رفيقتي اهم شي باسأله في اي اسبوع انا

انلحس مخي من طول الخامس
اشوفكم على خيييير

[أماني آل ظاهر]

السلام عليكم ورحمة الله وبركاته
شحالكم خواتي ؟ لكم وحشة والله
عزتي إيماني ، الحمد لله ع سلامتج
ولا تفكرين حبيبتي باللي صار ، هذي ارادة رب العالمين ، انا لما افكر باللي يصير معي يرتفع نبضي هههههه سوري قصدي ضغطي ، وان شاء الله تتطمنين على البنت الثانية


رضاك ربي وينج ؟ وحشوني سوالف البنات ، وانا حلمت اني الاعبهم فديتهم عقبال ما الاعب توامي

ريماس ، لا تستعجلين ع التجهيز ريحي شوي ، بالسابع حلو تطلعين تجهزين ، وقبل ما تطلعين بلغيني رح ارسلج لستة بالأغراض اللي ابيها حق عيالي لأني متكاسلة اطلع ، أذكر بولدي كنت متخبلة رحت اتسوق من الشهر السابع ، لما جهزت الأغراض كامل كل يوم كنت ارتبهم هههههه
والملابس كنت اخليهم جنبي ع السرير وانام هههههههههه ( حنونة زيادة فديتني ) هههههههههه


ام منصور ان شاء الله الوحام بيروح ع الرابع لا تحاتين ، انا قبل لا ادخل الخامس ع بالي بالخامس وكنت بعدني بالرابع ، ولما رحت ع موعدي حسبت لي الدكتورة صح وطلع حسابي غلط ومن عرفت اني ما عديت الرابع ، رجع لي الترجيع واللوعه مرة ثانية ههههههههههههههههه
يعني الموضوع شكله نفسي بحت فلا تقعدين تحاتين


والباجين السموحة منكم مستعجلة بس برجع لكم ثاني