【ツ】أحلى تجمع لأحلى حوامل التوائم 【ツ】 ‏الجزء الثالث

[دلـــوعــه عـــــبوديـ]

صباح الخير
بنات من زوجها مثلي بدوام وجالسه لحالها
رضاك تخيلي تعود عبدالرحمن الي هو الصغير ينام ع صدري احس اني مليت منهم تعبوني مره
ولا يبغون ينامون ع الارض لازم يون ع رجلي والمصاصه خلاص مره مايبعدون عنها الله يعين

[أم عائشة]

السلام عليكم ورحمة الله وبركاته

وحشتووووووووووووووووووني ورب الكعبة
حاولت قد مااقدر اقرى الصفحات اللي طافتني

ام رفا الف مليؤؤؤؤؤؤؤؤؤؤن مبرؤؤؤؤؤك يالغالية وربي فرحت انج قمتي بالسلامة انتي وبنوتاتج ربي يخليهم لج ويطلعهم بالسلامة يارب وتيين هني تشتكيلنا من شيطانتهم وتعبهم يااااااااااارب

[أم عائشة]

عزتي بايماني لاحول ولاقوة الا بالله
معليش حبيبتي قدر الله وماشاءفعل ربي يخليلج بنوتج والثانية ربي يجعلها شفيعة لج ولابوها يوم القيامة
بس اختي شنو سبب انفصال المشيمة؟؟؟هل اهو تعب او شنو؟؟وانتي موكنتي حامل بمشيمتين؟؟


دلوعة عبودي شخبارج اختي
وها اجوف بدينا بالتملل من الشباب ههههههه
خلهم ياخذون راحتهم فديتهم ههههههههه وانتي ربي يعينج على تربيتهم وتعبهم كلها شهور وان شاءالله ينتظم نومهم وترتاحين

عواشة الف الحمدلله على خروج بنتج والفال للثانية يارب
الا شنو سميتيهم؟؟ ربي يخليهم لج يارب

الوردة النرجسية ااااااايه عليج والله
والف مبرؤؤؤؤؤك على الحمل وربي يعينج على فترة الوحم يارب
بشريني شخبار الاميرات وشخبار التعب معاهم؟؟ربي يكون معاج والله

رضاك ربي ماشاءالله تبارك الرحمن كبروا الاميرات وزادوا حلاوة فديتهم بوسيهم لي امانة وربي يرزق اخوج الذرية الصالحة يارب

[أم عائشة]

احساس رؤعة شخبارج رفيقة دربي ههههههه
وشخبار الخامس معاج
تدرين انا توني من يومين بس بديت احس بالحركة والحمدلله
بس يختج للحين مااعرف اذا كانت حركة واحد او الاثنين انتي تميزين؟؟
وبسالج تحسين بالالم فوق اعلى البطن يعني تحت عضلات الصدر<<<ابوك يالشرح خخخخخخخ
انا وايد يالمني وخصوصا اذا طولت بالقعدة
انا اتذكر هالالم كان ييني وانا بالشهور الاخيرة بعيالي ماادري شسالفته؟؟؟

ام منصور شخبارج قلبي وشخبار الحمل معاج وشخبار الوحم ربي يعينج عليه
اايه عليج كنتي دايما تصبرينا على الم الوحم واحنا تونا والحين احنا اللي ندعيلج ربي يتمملج على خير ويعديلج ايام الوحم على خير يارب

اسماء شخبارج ياقمر وشخبار توينزج عساهم بخير وحطي بالج ياقلبي على نفسج وحاسبي لاتطلعين اي مكان يكون فيه زحمة وقلق
ربي يتمللج على خير يارب

غنو حياتي تدرين انج وحشتيني وتدرين انج تتغلين وااااااااااااااااايد
دشي عاد طمنينا عليج

الحوامل الجدد سامحوني والله الزهايمر لاعب فيني للحين ماحفظت اساميكم
بس كلكم اتمنالكم الخير والتمام للتاسع يارب
وان شاءالله مع الايام راح نتواصل مع بعض اكثر
واللي نسيت اسمه يسامحني والله حدي تعبانة وحاولت قد مااقدر ارد عليكم كلكم بس ماشاءالله العدد زاد ربي يبارك فيكم

[دلـــوعــه عـــــبوديـ]

هلا وغلا بام عائشه نورتي والله كنت خايفه عليك يصير فيك شي من التعب اخبارك واخبار الوالده ان شاءالله تحسنت
وع شباب الله يعين ودي اخذ بريك منهم هههههههههه

[أم عائشة]

الحين بقولكم عن اخباري

مثل ماانتوا عارفين انا كنت بلبنان عشان امي كانت مريضة والحبن اهي احسن ولله الحمد
ويوم الجمعة مو ذي اللي قبله رديت البحرين
ومن طلعت من المطار كانت المنطقة مليانة بريحة غازات المسيلة للدموع
حاولت اني اوصل للسيارة بسرعة وكنت مغطية وجهي بحكم اني منقبة
ومن وصلت البيت وقعدت مع عبالي بس ساعة وحدة وربي مايراويكم اللي صار معي
انا عندي ازمة ربو بسيطة يعي ضيجة وشكله هالغاز اللي شميته اثر علي
سويتلي بخار بالبيت وقلت الحين شوي وبيخف لكن لا الكحة تزيد وبديت احس بالحرارة والخمول واني موقادرة اتنفس خلاص
ومرة وحدة صرت موقادرة اتحكم بنفسي والله يكرمكم بالبول صرت من اكح ابول على نفسي
بسرعة وداني زوجي المستشفى تدرون كانت حرارتي 39.9
والدكاترة موعافين شفيني حطوا علي تخطيط القلب كانت دقات قلبي تنزل ل106 ومرة وحدة ترتفع
جابولي دكتور القلب والباطنية والصدر يبون يعرفون شفيني وانا والله كنت مودارية بشي كنت بس اشوف ارواب بيضة تتحرك جدامي وكنت بس اقوم ارجع وارجع للهذيان مرة ثانية
ومادريت بنفسي الا ثاني يوم العصر وكنت بغرفة الملاحظة ومن فتحت عيوني شفت زوجي وهله واولادي كلهم فوق اسي وانا اقولهم انا وين انا موكنت بالبيت شنو جابني هني؟؟
وخفت يوم شفت هاالويرات اللي موصلة بجسمي
جهاز القلب وجهاز للصدر والسيلان وتكرمون شي للبول
قعدت اسال زوجي انا شفيني وتوامي شصار فيه؟؟
وقعدت اصيح من قلب ورجعت لي الازمة مرة ثانية وبسرعة النيرس عطتني ابرة مهدئة ورحت نايمة لثاني يوم
والحمدلله ثالث يوم شالو عني جهاز القلب لانهم اكتشفوا انه المشكلة كانت بصدري كانت عندي حساسية بالصدر والتهاب قؤؤؤؤؤؤؤؤي والحمدلله عالجوني ونزلت الحرارة والحمدلله يارب
والله كنت بين الحياة والموت وامس طلعت من المستشفى قعدت فيها 10ايام
وقبل لاطلع سوولي التروساوند للبيبيز وطموني انهم بخير
بس ماادري وايد قلقانة لانه عطوني ادوية وايد بالسيلان اهو مضادات واهو ادوية خافضة للحرارة وادوية للصدر
الله الحافظ ان شاءالله
يوم الاربعاء موعدي بالخاص دعواتكم لي انه تونزي يكونون بخير
وبس ذي كل اللي صار معاي

[اسماء ف]

ام عائشه
مشكوره اختي علي السؤال
يا بنات ما حد رد علي اعمل ايه في مواعه النفس خلاص هتجن بعمل بانيه امبارح كان هيموتني لدلوقتي نفسي خلاص هتجنني
زوجي المسكين تعبان ومش قادر يروح الشغل بس لازم يروح صعبان عليا قوي وفي نفس الوقت نفسي يقوم بقي علان انام انا انانيه جدا بس اعمل ايه غصب عني

[اسماء ف]

ام عائشه
فديتك حبيبتي ان شاء الله يطلعوا التوينز بخير وبعدين انا لا اعلم ان البحرين فيها مظهرات ليه انتوا برده معترضين علي النظام ولا ايه لا تنزلي من البيت خالص الاام اللي فيها قلق انا لا انزل من البيت تماما اظل اتفرج من التليفزيون وخلاص الله يعينا علي حكامنا
حسبي الله ونعم الوكيل

[أم عائشة]

دلوعة عبودي فديت قلبج والله انا ولله الحمد بالف خير الحين ومشكورة على سؤالج يالغالية
وعن البريك مافيه الحين بدري هههههههههههههج
ترى بقولج انتي اكيد بحاجة لبريك بين وقت والثاني فليش ماتودين عياللج ربي يحفظهم كل اسبوع مثلا ساعتين بيت امج وانتي روحي مثلا صالون غيري تسريحتج او اخذي حمام دافي يريح اعصابج ترى لاتحسين بتانيب الضمير اذا سويتي هاللون بالعكس اح ترجعين فرش اكثر
وكلج نشاط وحيوية
والله يكون معاج يارب

اسماء على مااظن حبيبتي انتي للحين الوحم معاج
شربي عصير ليمون يخفف اللوعة والغثيان
وبالنسبة للبحرين والله انه ملكها مافي منه ربي يحفظه ويخليه بس في ناس موعارفة شتبي مااقول الا ربي يهديهم يارب
وبالعكس البحرين امان ولله الحمد بس اجيانا يطلعون شوية مراهقين ويضطرون يقطون عليهم مسيل للدموع عشان يفرقونهم ولانه البحرين صغيرةوايد فالريحة توصل بسرعة لكل الاماكن
الله يديم علينا الامن والامان يارب

[ام منصور]

الحمدلله على السلامه يا عيوني ام عاشه وماتشوفين شر
اجر وعافيه ياقلبي
هي والله كنت ااصبركم والحين محتاجه حد يصبرني. الحمدلله. الله يأجرنا