دردشة بنات مصر , دردشة حوامل مصر , تجمع بنات مصر

[Reemz]

اه والله لسه كنت بقول محدش عاجبه حاله
الوحم ده يانا ياهوا عشان بدأ بقي وربنا يقويني :))
انتي عامله ايه وازاي أروي والبيبي؟

[*رحمه*]

ازيكم يا بنات عاملين ايه كلكوا
النهارده رحت للدكتور و طبعا شاف الهيموجلوبين 9 قعد يقولي كده ما ينفعش ولازم على الاقل يكون 10 و نص و وصفلي حقن حديد عضل عميقه بسن 10 سم و قالي اخد مخدر موضعي قبلها و تلج بعدها عشان شكلها بتوجع لمدة 15 يوم و قالي لو ما جابتش نتيجه لازم يعملي نقل دم قبل الولاده
بس الحمد لله طمني على البنت انها كويسه

و بالنسبه لأحمد خلاص رفضوا اجازته و بيقولي ان اول ميعاد ممكن ينزل فيه 15-3 و طبعا حالته النفسيه وحشه جداااااا لانه كان حاجز يوم السبت الجاي
و اشترى حاجاته و جاب الهدايا

ادعولي يا بنات ربنا يفك كربي و يسهل لنا امورنا و يقدر ينزل
ده انا كنت بعد الايام عشان ينزل
بقالي شهرين بعد و لسه باقي شهرين تانيين ربنا يهون الأيام

[Reemz]

ازيك يادينا ألف سلامه عليكي
اه كده عندك أنيميا جامده اوي حاول تاكل جرير كتير وبتنجان وتفاح كل اللي في حديد عشان الأنيميا غلط أوي عليكي ربنا يقومك بالسلامه ان شاء الله
معلش متزعليش متعرفيش الخير فين ان شاء الله ينزل في شهر 3 تكوني شديتي حيلك وقمتي بالسلامه ويفرح بالبنوته ان شاء الله

[*رحمه*]

ربنا يخليكي يا ريم
والله انا كنت باكل كل الحاجات اللي فيها الحديد بس الدكتور قاللي في ناس في الحمل بيحصل معاهم كده و الجسم ما بيمتصش الحديد الحمد لله على كل حال

و تعرفي لو اعرف انهم هيعملوا معاه كده في الاجازه ما كنتش هنزل و كنت هعمل لماما زياره وخلاص
بس انا قلت ننزل عشان نفرح هنا و عشان احمد بقاله سنه و نص ما نزلش اجازه
بس هنعمل ايه الحمد لله على كل حال

انتي عامله ايه يا ريم و اخبار الحمل ايه ؟؟؟

[Reemz]

معلش يا حبيبتي ربنا يقويكي ويقومك بالسلامه ان شاء الله
معلش الخير ربنا اختاره انك تكوني هنا "وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ"
ان شاء الله ربنا ييسر الحال ويجي بألف سلامه
الحمل بدأ قرفه معايا والوحم بقي ربنا يقويني ويكملنا كلنا علي خير ان شاء الله

[رنا خالد]

معلش يادينا استحملوا
المفروض دلوقتي تكوني سعيده جداااااااااا
حلم عمرك اتحقق يابنتي ماشاء الله
هو كمان لازم يكون فرحان
مالوش لزمه الضيق خالص
ده انا لما دخل عليا الشهر التاسع والله ماكنت بنام من فرحتي
مش متصوره ان في حد فاضله ايام ويشوف ابنه او بنته ويبقي مضايق
مهما كانت الاسباب
خليها علي الله ويمكن تلاقيه فجأه قدامك لو ربنا رايد
ويارب تقومي بألف سلامه ان شاء الله

[*رحمه*]

و الله يا ريم ده كان اشترى لها فستان للسبوع و جاب لها بامبرز و هدوم
حتى عمال يقولي ابعت لك الحاجات دي شحن ، قلت له لأ انا مش عايزه حاجه
لا حول ولا قوة إلا بالله
يااااااااااااااارب حلها من عندك يارب

معلش يا ريم ربنا يهون عليكي الايام يا حبيبتي و يكملك على خير
معلش يا ريم دوشتك

[*رحمه*]

ربنا يخليكي يا رنونه
بس هو صعبان عليا قووي كان عايز يبقى موجود و قت الولاده و كمان محتاج ياخد اجازه بقاله سنه و نص هناك و ضغط الشغل و الغربه بس هنقول ايه و زي ما انتي بتقولي حلم عمري و كان نفسي يبقى معايا فيه احنا بقالنا كتير قوي مستنين و كان نفسنا نفرح و احنا سوا :(
بس الحمد لله

[رنا خالد]

ممكن يحنوا عليه وينزلوه ماتخافيش خليها علي الله
قلبي حاسس انك هتلاقيه قدامك ويعملهالك مفاجئه
ناويه تولدي فين صحيح
وكشفتي نسا ولا لسه عشان يحدد هاتولدي طبيعي ولا سزرين
ربنا يرزقك بالطبيعي يادينا وباللي فيه الخير ليكي ياقمر ياام جوري

[رنا خالد]

هدخل انا اناملي شويه
تصبحوا علي خير ياريم انتي ودينا
سلامو عليكوا ياقمرات