【ツ】أحلى تجمع لأحلى حوامل التوائم 【ツ】 ‏الجزء الثالث

[ام رفا]

اهلا رضاك ربي
البنات انا غسلت يدي منهم مرا وحده يختفو ومرا وحده يظهرو مافي حل وسط

[ام رفا]

كيفك رضاك وكيف البنوتات مع البرد

أخواتي جميعاً كيفكم

كيف الحمل معاكم ياكروشات ربي يفرجها عليا وعليكم ونولد بالسلامه

[REEMAS]

أخباركم بنات انا الحمدلله بخير واليوم ان شالله رائحه بيت اهلي وحدي فرحانه وحشوني امي وابوي ما اشوفهم الا بالويك اند
اي صح نسيت أطولكن شي صار في موعدي امس بالصراحة الدكتورة انا وايد ارتحت لها وأعجبتني بس امس قالت لي شي شككتني في راي ههههه قالت لي جنس احد الاجنه بس مب أكيد على قولتها 80بالميه واللي اعرفه ان الجنين ما يبين جنسه الا باخر الرابع بدايه الخامس انزين الجنين جداً صغير شلون أعرفت جنسه وقالت الثاني مب واضح.. شكلها تبي تبهرني انها شاطرة*
وسالتها عن الطلعه قالت مافي طلعه بصراحه ابي اطلع أخذ لي شي البسه لي رحت بيت هلي احس اللي عندي ضاقو شوي احس بطني كبر حتى بيت هلي لأحضو قلت لها بس محل واحد عند الباب بس باخذلي ميني جلابيه كم وحده وبطلع
وايد سولفت هذاحق يومين بغيبهم خخخخخ

[أم عائشة]

السلام عليكم
شخباركم خواتي
وحشتوووووووووووووووني واااااااااايد

توني اليوم طالعة من المستشفى وماقدرت اشبك من هناك الارسال كلش ضعييييف

المهم انا سويت عملية الربط امس ولله الحمد
بس بصراحة تعبت وايد من البنج حده تعبني
بس الحين الحمدلله احسن من قبل
بروح ارتاحلي شوي وارجع اقرى الصفحات اللي فاتتني عشان اعرف اخباركم
ماطاوعني قلبي مااطل عليكم

[أم عائشة]

المشاركة الأصلية كتبت بواسطة الوردة النرجسية

أم عائشة هلا وغلا الحمد الله أنك قررتي اتسوي الربط هذا أفضل لك وانا سمعت ناس كثير بيعالجوا في مركز البركة قولو لهم الدكاتره هناك لازم يعملو عملية الربط .
أنت دكتورك في الخاص حاتم وفي السلمانية بتابعي ومع من ؟ أنا كنت أتابع في السلمانية عند دكتور أسمه عبدالله عيسى واجد ممتاز وهو برفسور أصله أوردني ومازلت معاه أتعالج عن مشكلة الاكياس وقرر أني لازم من هل الشهر أني أحاول أحمل لان الأكياس نزلت والرحم اوكي وانا وكلت أمري الى الله على رغم أني تعبانه من التوأم إلى عندي وبعدهم صغار وبنسبة لحكه أنا صار معي مثلك قالت الدكتورة فطريات الجلد وعطتني كريم حاولي تروحي لدكتور أفضل تأكد بن لا يوجد ألتهاب إذا في لا سمح الله ماراح تقدري أتسوي عملية الربط.
.

.

هلا قلبي شخبارج فديتج وشخبار توينزج عساهم بخير
انا سمعت وايد عن الدكتور عبدالله وانه وايد ممتاز بس انا قلبي حولوني من المركز لعند الدكتورة زينب الجفيري الصراحة وايد حليوة بس اللي تحتها اهم اللي كل مرة يشوفوني عندها دكتورة اسمها بالا ودكتورة هناء وفي بعد دكتورة هندية هالثلاثة الستاف مالها
بس اهي ياتني يوم ترقدت هالمرة في السلمانية وشرحتلي العملية وياتني ثاني يوم بعد تطمنت علي وكتبتلي الدوى وخروج والحمدلله على كل حال

حبيبتي جم عمر توينزج ماشاءالله
اذا صغار والله تعب عليج
الله يكتبلج اللي فيه الخير ان شاءالله

المشاركة الأصلية كتبت بواسطة ام رفا

استودعتك الله ياام عايشه والله يحفظك

وبشرينا عنك بكرة

)

ماقصرتي قلبي شخبارج وحشتيني والله

المشاركة الأصلية كتبت بواسطة ( غلآ )

ام عائشه : الله يقومك بالسلامه وماتشوفي شر ان شاءالله
طمنينا عنك وان شاءالله خير ..

..

..

الله يسلمج بعد قلبي
انا ولله الحمد بخير انتي بشرينا عنج شخبارج قلبؤ

المشاركة الأصلية كتبت بواسطة احساس روعه

ام عائشه
الله يسهل لك يااارب والله معاك

ماقصرتي قلبي
الله يسهل علينا جميعا شخبارج مع الحمل عساج طيبة

[أم عائشة]

المشاركة الأصلية كتبت بواسطة عزتي بايماني

ام عائشة الله يسهل عليك

وعليج قلبي ربي يتمملج على خير يارب

المشاركة الأصلية كتبت بواسطة reemas

ام عائشه الله يسهل عليك وتقومين بالسلامة ان شالله

الله يسلمك حبيبتي ماقصرتي والله
شخبارج قلبؤ وشخبار التوينز عساكم بخير يارب

المشاركة الأصلية كتبت بواسطة دلـــوعــه عـــــبوديـ

السلام عليكم اخباررررررررررررركم كلكم والله مرررره تعباااانه الله يهديهم بس
انا سميت ابراهيم ع ابو زوجي وعبدالرحمن ع بابا
ام عائشه الله يكون معك يارب

ماشاءالله تبارك الرحمن وايد اساميهم حلوة
ترى انا وايد احب الاسامي القديمة احسها لها هيبة وثقل
ربي يخليهم لج يارب
حتى انا ان يبت ولد بسميه ابراهيم ان شاءالله
وومشكورة على دعوتج حبيبتي

المشاركة الأصلية كتبت بواسطة آهاات22

الله يسهل عليك ويحفظك ياام عائشة .
.

مشكورة قلبي والف مبروك الحمل وربي يتمملج على خير يارب ويعدي شهور وحامج على خير

المشاركة الأصلية كتبت بواسطة صغيره بالعمر

الله يسهل ويتمم لك ع خير يارب

طمنييناا عنك

وعليج حبيبتي انا الحمدلله بخير من رب العالمين
انتي شخبارج مع الثقل ربي يتمملج على خير وسلامة يارب

[اسماء ف]

حمد لله علي السلامه ام عائشه وعقبال الولاده بالسلامه
كيفكم يا بنات ايه اخباركم طمنوني عليكم

[أم عائشة]

المشاركة الأصلية كتبت بواسطة صغيره بالعمر

بقول لكم شي

اهتميت بموضوعي عن نوعهم بس محد اهتم واطمني ع وزنهم :(


انا مو هامني النوع كثر مو هامني هم يكون بخير

طمنوني ع الاوزان ايش الفرق اللي يكون خطر بينهم

اليوم موعدي بالحرس وبشوف الدكتور وش يقول عن السونار دعواتكم لي وربي خايفهاااا

والله ياقلبي انا ناعندي خلفية عن هالموضوع
ربي يطمن بالك وطمنينا

المشاركة الأصلية كتبت بواسطة رضاك ربي

السلام عليكم

اخييييييييييييييييييييييرا فرجت وقدرت اشارك كنت متابعتكم وانقهر لاني مو قادرة اشارك وارد على كل وحدة تبي نصيحة او دعاء او غيره

مشكورين اللي سألوا عني ماقصرتوا شنتورة وام رفا والوردة النرجسية والسموحة لو نسيت احد
عواشة ربي يفرحك بطلعتهم سالمين وتزفيهم للبيت لاتنسي تعزمينا ههههههه
ام عائشة ربي يكتب لك الخير
البقية ربي يطمنك ويسهل اموركم ويهونها عليييييييييكم السموحة لو نسيت ابارك لاحد او ارد على احد عنده احداث جديدة ومميزة لان بسلامتهم بناتي ماتركوا فيني عقل المهم انتو بخير وعافية يقولون اصبري كل ما كبروا يهدوا اكثر وينتظم امورهم تاري العكس صايرين يعاندوا وصرت انقهر من نفسي لاني بديت بدون قصد اضرب لاتقولون مجنونة بس يستفزوني لما يخرجوا عن السيطرة الله يهديهم اخر اكشن لهم بسلامتهم صار لهم ثلاث ايام وانتو بكرامة مايخرجون وهبلوني معهم يجوعوا وما يشربوا حليب كفاية يصيبهم المغص ولو شربوا يشربوا بانفعال وصياح لانهم جوعانين وبنفس الوقت الضغط يزيد عليهم بالمعدة والامعاء واخيرا ولله الحمد فرجت عليهم اليوم الشي اللي قاهرني لحد البكاء اكتشفت انه عندي اسلوب الضرب وهالشي ما احبه ابدا واتمنى تكون شي صار وانتهى وما يتكرر لان بعد الضرب انقهر عليهم ومن نفسي اكيد ما اضربهم ضرب قوي لكن ابكيهم لو وصلت حدي من الاستفزاز

ياحبيبة قلبي حاولي تتحكمي باعصابك شوي
انا معاكي انه انتي تعبانة بس اهم شفهمهم وعليه وترى انا مثلك كنت اضرب ولدي ومن ينام اقعد يمه واصيح واتندم
انتي من تجوفينهم زادوا بالبكى تركيهم عند زوجك شوي وبعدي روحي توضي اواغسلي وجهك ورجعيلهم وان شاءالله ربي يهديهم لج يارب

المشاركة الأصلية كتبت بواسطة الوردة النرجسية

السلام عليكم ورحمة الله وبركاته

وشخباركم أخوات وحدة وحدة؟

أم رفا أنا كان حملي طبيعي بدون منشطات كنت أبغي أحمل خصوصا كنت أعاني من مشكلة الأكياس والدكتورة كانت تقول لي ماراح تقدري تحملي طبيعي لازم طفل أنابيب وتركته كلامها وراي ولا أهتميت وتوكلت على الله و داومت على قرأة سورة البقرة ولزمت الآستغفار قدرت الله أني أحمل طبيعي ولا توأم لك الحمد والمنه.
وهدا دكتوري الثاني خبرني أني لازم أحمل قبل لا تتفاقم المشكلة وقال لي إن لا توجد أي عوائق لحمل وإلا رب العالمين بيعطيني توأم وبيعطني واحد أنا راضيه فيه أهم شيء سليم ومعافي.

صغيرة بالعمر أنا يوم كنت حامل كان الفرق في الوزن تقول لي الدكتورة 100غرام قالت أوكي ما يأثر قبل الولادة ب5أيام قالوا لي الأولى كيلوين 500غرام والثانية كيلوين و400 غرام وعند الولادة كانت الصدمة إن الأولى كيلوين و400 غرام والثانية كيلو و900غرام سونار مثل ما قلت ليش يعطي تقدري للوزن.
بالنسبه للعملية لان في الشهر الثامن كانت الاولى مقعدية والثانية بالعرض فقررت لي العملية وبداية التاسع تغيرت الوضعية صارو الرؤس تحت بس كل يوم بنتي الثانية تغير الوضعية مرة بالعرض مرة تحت ومرة فوق قالت لي أختي وهي تعمل قابلة ولادة لا تجازفين لان هي شافت حالات ان البيبي الثاني ما يقدر أغير وضعيته ويتعب التنفس والنبض ويطرون يعملو عملية قيصرية لأم لأنقاذ البيبي.
الله يبعد عنك كل شر أن شاء الله.

أم عائشة طمنيني عليك وش قرروا لك عملية بكرا الله أقومك بالسلامة.

رضاك أنا بناتي كبرو صار أعمارهم 10 أشهر بس تعالي شوف الحركة وشطانه بجنوني أحيانا أقعد أصرخ عليهم وأنفعل بضرب وحده منهم بس امسك أعصابي زين .
بنتي فاطمة بتمسك شعر أختها بتشدة وتضربها لما بتكون نايمه بس علشان تقعد وتلعب معاها وبعملو عفايس بغرفتهم وحركين ومتعبين الله يعينك ويعيني وأمي يوميا تاخذهم منى لين أروح الدوام تاخذهم 8 ساعات ولا عندي شغالة ولا هي بس أختي موجوده معاها بتحلفني يوميا أني ما أصرخ عليهم ولا أضربهم الله يهديهم ويهدي بيبياتك وأنا قلت لدلوعة عبودي ترى ما شفتي شيء للحين من التعب الله أعين الجميع.
اسموحة منك أخوات طولت عليكم بكلامي جني كاتبة قصة.

أم منصور الله يعطيك العافية وينك طلي علينا .

وباقي الأخوات دون أسثناء شخباركم ؟

ااااااااااااايه عليهم ربي يخليهم لج الاولى فاطمة والثانية شسمها؟؟؟
احس اسمها مريم ههههههههههههه
بسالج انتي كيسين ومشيمتين؟؟؟
يعنب انا كيسين ومشيمتين ممكن ييون نفس الجنس

[أم عائشة]

المشاركة الأصلية كتبت بواسطة رجواي بالله

سلااام
كيفكم كروشات ومو كروشات
رضااااك نورررتي التجمع كيفك وكيف البنوتاات،، التعب لابد منه حبيبتي لازم تهدي اعصابك وتبردي على قلبك
الورده النرجسيه يعطيك الف عافيه ،، انبسط لما اشوف ردودك تبردي القلب
ام رفااا كيفك ياقلبووو
كلكم بدون تحديد اخبااركم
انا اليوم رحت موعد التصوير والاستشاري ،، التصوير الحمد لله كل شي اوكي ووضعهم زين واوزانهم زينه وحبيت اتاكد من الجنس تقول صعب احدد مرره صعب ويحتاج وقت ولازم عند اخصائي السونار
وبعدها دخلت ع الاستشاري ومرررره ارتحت له بصراحه احسن من الطاقم النسائي ،، يجاوب على كل الاسئله بالتفصيل ومايمل وكل استفساراتي يفهمني اياها باسلوب مرح وحلوو
طبعا خلاااص الحين بدينا شغل الجد،،، يقول من الاسبوع الجاي ابدا اخذ ابر الرئه لاني احتمال اي وقت اتعرض للولاده لاسمح الله،، الربط الحين مايفيد،، لو بيسوونه لي على طول بولد بس قال لي انه مايوقف الولاده المبكره يعني مابينفعني اصلا،، وكلامه اللي خوفني انه يقول هدفه الحالي انه يوصلني للشهر الثامن يعني احتمال كبير مااوصل،، قلت له مايصير اوصل للتاسع قال لا مايتحمل الرحم اكيد قبل بس اذا وصلت للثامن يقول انتي محظوظه وكل ماتاخرتي بيكون احسن ،، ووصاني بعدم الحركه والمشي الكثير والاكل الصحي واني اهم شي اتجنب التهابات البول لانها تسبب ولاده مبكره
بنااات انا خايفه حسيت الدكتور قرب لي الولاده وانا مبعدتها عن بالي
الى الان ماجهزت ولا شي للبيبيز يقول لي بلاش حركات الاسواق والحوسه روحي مكان واحد واتركي عنك التخفيضات،، ادفعي وامشي هههههههههههه
بنات اللي جربت ابر الرئه ايش اعراضها؟ هل صحيح ترفع السكر؟
اسفه على الهذره بس لازم كل موعد نعطي التفاصيل هههههههه

خليها على الله حبيبتي انتي حاولي قد ماتقدرين انه ماتمشين وايد وريحي نفسج قد ماتقدرين وان شاءالله ربي بيوصلج للتاسع انه على كل شي قدير
انا صديقتي كانت حامل ب3 وماشاءالله وصلت للاسبوع 36
خلي احد من هلج يشتريلج اللي تحتاجينه وبعدبن من تقومين بالسلامة تشترين اللي ناقصج ترى البيبي يكبر بسرعة فما تكثرين اغراض له
ربي يتمملج على خير قلبي

المشاركة الأصلية كتبت بواسطة احساس روعه

السلام عليكم
اخباركم فرد فرد
ان شاء الله الكل بخيــــــــــر

اليوم كان موعدي ولما دخلت على بالي زي دايم تكون دكتوره ولما دخلت الغرفه تفاجئت لقيت دكتور وانقهرت المهم النيرس اخذت الوزن والظغط وبعدين قلي الدكتور اطلعي فوق السرير واكشف على بس احس مو فاااااااااهم شي اقوله كم بينهم فرق يقول ايش كم بينهم مو فاهم ! استغرت وسكت وقلت طيب مايبان جنسهم الحين قاااعد يضحك على لسه بدري الحين مررره صغار ومايبان الجنس وقال سوي تحليل الهيموجلبين وبعدين اعطني ابر تثبت وفتامين ونزلت الحمد لله اني تطمنئت عليهم بس احس الدكتور مايفهم شي

بنات ابي اسالكم متى يبان جنس البيبهاااات؟؟

هههههههههه حسيتج حدج مقهورة منه
طيب كنتي قولي له جم الفرق بينهم بالوزن
وترى الجنس يبن من بداية الرابع بس عاد على شطارة الدكتور وشكله هالدكتور توه يديد
الله يعينج عليه اذا بيبقى كل مرة اهو يتابعج هههههههه

المشاركة الأصلية كتبت بواسطة مها نجد

الف شكر لك للي رحبووو واللي موجودين كلهم

كيف الصبايا مع الحمل

بنات بسالكم اللي حامل بتوائم ومشيمه وحده يطلعون نفس الشبه او لا

اللي اعرفه انه بمشيمة وحدة يطلعون متشابهين بالجنس والشبه
ان شاءالله يكون كلامي صح

المشاركة الأصلية كتبت بواسطة شنتوره

بنااااااااااااااااااات مره بدا التعب تصدقون اني اذا نمت وانسدحت وجيت ابي اقوم معاااناااه اتسند ثم اتكي ثم اوقف ثم اتواااازن لين اوقف على رجولي هههههههههههههه

زالسجود الله يعفو عني ويتووووووب علي ما اعرف اسجد خلاااااص اذا سجدت احس التونز بيطلعون مع حلقي هههههههههه شر البليه ما يضحك
كيف بالثااامن كيف بالتااااسع اذا الله كتب اوصل له يااارب انك المعين تعينني

الله يعينج والله
حبيبتي انتي معذورة صلي على الكرسي
انا من دخلت الرابع وانا اصلي على الكرسي الصراحة دكتورة نصحني بذي الشي والله غفور رحيم

المشاركة الأصلية كتبت بواسطة آهاات22

السلام عليكم . كيفكم يابطات .
انا توي بالاسبوع الخامس ولسا الوحم بس احس ثقل اسفل بطني زي ثقل الشهر السابع .عادي يابنات ولا بدري . واش رايكم اعلم امي دحين انهم توام ولا لا ؟ والله خايفة تهاوشني عشان عندي اربع قيصريات .ادعولي ان الله يتمم لي ......

الله يعينك على الوحم ان شاءالله
كلها ايام وتعدي حبيبتي

وليش تهاوشج ياقلبي ذي كله رزق من رب العباد
ترى فيه ناس يتمنون الحمل واحنا بنعمة مايعلمها الا المحروم ربي لايحرم احد من الاطفال يارب

[أم عائشة]

المشاركة الأصلية كتبت بواسطة awasha

أم عايشه طمنينا عليج وان شاء الله تربطي بيسر يا رب

انا الحمدلله بخير حبيبتي
انتي شخبارج وشخبار الشباب
متى بيطلعون ان شاءالله

المشاركة الأصلية كتبت بواسطة reemas

السلام عليكم توني راجعه من الموعد واول ما دخلت خت وزني وكان نازل نص كيلو وبعدين قاست ضغطي وقالت شوي مرتفع مب وايد وبعدين دخلت عالدكتورة وبدينه الالتراسوند وشفنا الجنين الاول وقاست عمرةوكان 11 اسبوع بالضبط وقاست سماكه الرقبه وقالت أوكي ورحنا للثاني وقالت عمرة 11 اسبوع ويوم بس ما قدرت تقيس الرقبه لانه كان معطينه ويها والحمدلله قاست طول عنق الرحم وكان الحمدلله أوكي بس قالت لازم متابعه كل اسبوع علشان اذا لا سمح الله قصر على طول ربط وبس هاذا كان يومي
بنات بسالكم أنتو لما قستو سماكه الرقبه كم كانت (اشتغل الوسواس)ههههههه*

الف الحمدلله انج تطمني
تصدقين انا ولامرة قلسوا لي سماكة الرقبة!!!!!!!!!!!
ذي حق شنو وليش؟؟؟؟؟؟؟؟؟
وووويه شسالفة كل يوم هالدكاترة يطلعون لنا بشي
مابقى الا يقولون لنا جم مقاس ريلهم عشان نفصل لهم الشوز هههههههههههه

المشاركة الأصلية كتبت بواسطة شنتوره

بنات لا تقولون لي اتحمللي الطعم عشان صحتك وكذا ما اقدر انا لو اشرب اي شي بااارد او حار شي سااايل عالريق استفرغ ولو ماااااااااااااااااء وش اسوي

هل فيه حل يكتشف سكر الحمل غير هالفكره هااااااااااااااه
\

حبيبتي ذي التحليل وااااااايد مهم لازم تسوبه
اتكلي على الله وسويه
انا معاج والله انه طعمه مقرررررررررررف بس شنسوي نستحمل عشان خاطر هالقمامير اللي ببطوننا

المشاركة الأصلية كتبت بواسطة reemas

رجواي اهو سماكه الرقبه اللي بعيد الشر عن طريقه يعرفون اذا الجنين عنده متلازمه داون او منغولي وهي تبان من. الاسبوع 11 الى14
بنات بسالكم متى أوقف حبوب اللوعه وهل لها تأثير لو طولت عليها انا الحين باديه العلبه الثالثة جربت الاسبوع اللي طاف وقلتها يوم ورجعت لي اللوعه واللي كانت تأخذها متى وقلتها
صغيرة بالعمر ما طمنتينا على موعدج شصار
ام عائشه. بس دخلي طمنينا
الجوجوي أخبارك ومتى موعدك *

عيل بقول حق دكتوري يسويها لي
بس يوم موعدي عنده بكون خلصت الاسبوع ال14
يصير يسويها لي؟؟؟
ومشكورة قلبو على اهتمامج فديت قلبج والله
وعن حبوب اللوعة والله ماعندي علم عنها ماقط خذيتها