دردشة حوامل مصر - دردشة بنات مصر - تجمع حوامل مصر ‏

[أم إياد]

صوباااااح النووووور ياتوووووتي
أنا هناااا

ألا ماحد فيكم بيسأل عني أبدااااااا
اهئ اهئ
وانا اللي خلصت امتحانات من هنا وعييت من هنا
ماسي ياوحسيييييين

بس برضه وحشتووووووني اوي اوي اوي

وماتنسوش تدعولي يا ولاد شكلي هاعملها واولد بدري
طوووووول الليل عندي وجع جامد زي الطلق والله وانا لسه ماخلصتش السابع اصلا
وعندي رطوبة جامدة وكل شوية احس ان علامة الولادة هتنزل
وقلقااااانة آخر حاااااجة
ما عرفتش انام الليله دي كل ماعيني تغمض اصحى تاني من كتر الوجع

قلت لجوزي يرجع من الشغل بدري
عشان أروح للدكتور النهاردة بالليل ان شاء الله

خايفة اوي لأولد بدري ولا تحصل حاجة لا قدر الله

والله انا ما عارفة اعمل اييييه .. أديني نايمة على ظهري أهه اما نشووووووف
وربنا يستررررها ويجيب العواقب سليمة

انا كان جالي طلق مبكر في الخامس بس كان اخف بكتير من اللي عندي دلوقتي وماطولش اوي زي دلوقتي كده
انا ع الوجع ده من الساعة 11 بالليل والله

انا بجد بجد اللي مخوفني اني قبل الحمل ده كنت كشفت نسا كده عشان كان بيجيلي وجع جامد زلسع كده من يوم الولادة اللي فاتت
المهم الدكتور قاللي ان عنق الرحم عندي (متهربد) من عسر الولادة اللي فاتت
وان حصل فيه شرخ او قطع
ده اللي فهمته من كلامه ساعتها
بس هو ما قاليش خالص اني لما احمل اعمل ربط عنق والكلام ده خااااالص

والموضوع عدى وعلى كده

انا بقى دلوقتي خايفة خالص وعمالة استحمل الوجع واوقول هيروح زي اللي جالي في الخامس بس المرة دي طوووول اوي وانا تعبااانة

دعوااااااتكم يابنات بالله عليكم ربنا يتممها بخير المرة دي
انا خلاص جبت آخري من الخوف والقلق

[ام انس المصريه]

صوباع الخير ياتوته هههههههههههههه

[ام انس المصريه]

ربنا معاكى ياايه

ربنا يطمنا عليكى ياحبيبتى وان شاء الله خير

والله العظيم انتى فى بالى على طول وربنا يعلم بدعيلك

عارفه ياايه والله العظيم انا المغص فضل مش سايبنى تقريبا 3 ايام ورا بعض ومغص جامد جدااااااااااااااا

وكل شويه احس بحاجه تنزل منى الاقيها افرازات عاديه بيضاء ملهاش ريحه

والدكتور قالى ريحى على ظهرك خالص ومتقفيش كتير ومتمشيش

الظاهر التعب اللى جالك ده بسبب انك اتحركتى كتير وروحتى وجيتى كتير بسبب الامتحان

ربنا يكمل حملنا على خير يااااااااااااااااااااااااااارب

ويرزقنا طفل معافى وسليم

[ام انس المصريه]

والله ياايه المغص عندى بقى موجود على طول

حتى انا بقول المغص عندو شعره ساعه تروح وساعه تيجى

اتروشت خالص والله

بس نرمى حمولنا على ربنا ونسلم امرنا لله وندعى ربنا ونرجوه ونتوسل اليه

انه يكمل حملنا على خير احنا وكل المسلمات

[*رحمه*]

ازيكم يا بنات عاملين ايه ؟؟؟
انا كمان ادعولي النهارده عشان ان شاء الله رايحه للدكتوره ، ادعولي اطمن على البيبي

[أم إياد]

ربنا يخليكي ياشوشو
وحشيني خالص بقالي كتير ما اتكلمتش معاكي

عندك حق انا تعبت في فترة الامتحانات
وتاني يوم ماخلصت سافرت الشرقية عند حماتي يومين
وبعدها جيت تاني على شقتي في القاهرة الجديدة يوم
ورحت تاني يوم عند مامتي في الهرم ولسه جاية امبارح

يعني حتى ما لحقتش استريح من الامتحانات
وكمان عندي ضيوف في الشقة قرايب هيقضوا اسبوع تقريبا
ولازم طبعا اقوم بالواجب وزيادة في الضيافة وانتي عارفة
وعلى آخر الاسبوع ده عندنا فرح بنت خالة جوزي وهاروح الشرقية التاني في الزقازيق
عشان نحضره

وحاسه اني محتاسه وتعبانة ع الآخر
دا انا ايام الامتحانات كنت مستريحة عن كده والله

ربنا عالم بنيتي اني مش عايزة ازعل حد وباود الاهل وصلة الرحم وكده
وربنا يتمملي واياكي وكل البنات بخييييير
ويجيب العواقب سليمة ويستررررررها من عنده

[أم إياد]

دينااااااا ازيك ياحبيبتي وحشتيييييييني
ربنا يطمنك ان شاء الله وتكون كل حاجة تمام
وابقي طمنينا

نسبة الحديد بقت كام دلوقتي عندك؟
حافظي بقى كده في الحمل عشان ماتنزلش تاني

[أم إياد]

تصدقي بالله ياشوشو انا تعبانة اوي والله
بس قاعدة اقرأ اللي فاتني عشان اتطمن ع البنات
بقالي شهر مش عارفة اكلمكم
كمان دخلت ع الموضوع اللي البت توتة حطت الرابط بتاعه بتاع المحتارة والمخدر دي
وتعبت من التقليب في الصفحات كتيييييييرة عايزة اعرف عملت التحليل ولا لأ وطلع ايييييييييي مش عارفة
دماغي اتشغلت بيها اوي ومش قادرة اقفل الجهاز واقوم عايزة اكمل حكايتها مش عااااارفة
دا ايه الغم ده يا سااااااااتر

ست توووووووووووتة لو تعرفي نهاية القصة دي قوليهالي او ابعتيلي رابط ردها

انا دماغي ونننننننت وتعبت من التقليب في الردود مش عارفة اوصل لرد الست محتارة دي

بس قطعت قلبي والله
ربنا يعينها وينصرها

[*رحمه*]

ازيك يا آيه عامله ايه يا حبيبتي ، انتي كمان وحشتيني
والف سلامه عليكي يا حبيبتي و ان شاء الله تطمني النهارده
بس ايه يا بنتي المجهود الجبااااار اللي بتعمليه ده ريحي نفسك كده في البيت و المفروض اللي حواليكي يعزروكي عشان ظروفك و ان شاء الله ربنا يعدي اللي باقي على خير و تشوفيه سليم معافي

انا والله لما عملت التحليل كان 11 بس الدكتوره بتقولي ممكن النتيجه كده عشان انتي لسه موقفه البرشام قالتلي ممكن ينزل تاني
بس ربنا يستر ان شاء الله

[ام انس المصريه]

انتى تاعبه نفسك جامد اوى ياايه عارفه انا والله لما الدكتور قالى نامى على ظهرك وريحى خالص

عارفه

حماتى فى نفس البيت اللى انا فيه وتعبت جامد وراحو كشفو عليها

والله العظيم مانزلت لها جوزى كمان اللى قالى هى بتقولك متنزليش انتى معاكى عذرك

وفعلا منزلتش والله

مش انتى ياختى تاعبه نفسك اوى

وكمان الناس اللى مضيفين عندك دول وبطنك اودامك ايه الناس دى خليهم يخدمو نفسهم

اخدمى انتى نفسك والنونو اللى فى بطنك محدش بينفع حد ياايه والله

.....................

دينا وحشتينى اوى يابت والله

ربنا يطمنك ع الواد زئوبه وتروحى تسمعى دق دق دق دق

ونا كمان ربنا يطمنى على انوس مش عارفه قاعده احلم احلام غبيه بنت تييييييييت

ربنا يسلم انا مش بعتقد فى الاحلام خالص بس بضايق