ديوانية البحرين - دردشة حوامل البحرين - البحرينيات

بنوتة حلوة · 03-11-2011, 03:05 AM

اختي احنا متابعين الاخبار أول بأول .. بس هنيه في تجمع من الطائفتين وبخصوص الحمل والولادة ومانبغي نسوي طائفية ومشاكل لأن هنيه مو مكان النقاشات .. أتمنى انش تحترمين هالشي طالما احنا محافظين عليه طول هالمدة في الديوانية هنيه .. مايمنع الواحد يجي ويستفسر ويسأل عن أحوال الناس حتى لو كانت البلد فيها فوضى ومشاكل :)

om khalil · 03-11-2011, 03:06 AM

روز
اني كتبت رد وكلما اسوي رفرش للصفحه ماهي راضيه تفتح خيرتي قعدت اعور في الصرح،، كنت كاتبه لش ان لازم تعطينها ماي، واعطيها مرقدوش وماي حلوه يوميا شوي يعني المرضعة الصغيرة لانه الياهل اذا كبر وماشرب منهم مايحب طعمهم..
بس زين حركة مراخ البطن وكله اسدحيها على بطنها بس انتبهي لا يصير خشمها في الفراش. ويمكن فيها اسهال، انصحش دايما انش تغسلين صدرش قبل ما ترضعينها.. فوطة نظيفة بلليها ومرريها عليه او حتى بيدش تصرفي،،، وماعليها شر يارب

ام حسن العباس
ريحي راسش وش بصير يعني؟ بظلون على ماهم عليه، مانملك الا الدعاء الله يشغلهم بانفسهم عنا.. والله عالم بما في القلوب.. ياريت تظلين ويانا..

ام حسين
بتهون ان شاءالله وبتمر الشهور بس اهم شي لا تحسبينها وبتمر بسرعه ان شاءالله

بنوته يارب تختفين بكره من الديوانية ويينا خبر بنوتتش الحلوه يارب

تصبحون على خيررررر

ام جياد · 03-11-2011, 04:48 AM

بنات الله يخليكم ادعوا لاختي لورررررررا يجيها طلق من ربنا وتخرج الي بطنها ويعوضها عن الي فقدتو خير ياااااااااااارب
عارفه داخله عندكم وانتو ماتعرفوني ولاعمري دخلت بس والله من حبي ليها ابغى الكل يدعي لها

أحلام أم · 03-11-2011, 10:21 AM

صبااح الخير
أم جيااد ربي يهون على إختك الطلق وتقوم بالسلامة
أم حسين الدار
هلا ومرحبا ،هونيها ولا تحسبين وتعديين أيام الحمل وبتعدي على خير ياارب وتولدي بالسلامة ،تسلميين إختي الحمدلله أحسن ربي يتمم ليها بالسلامة وتنتظر موعد العملية وهي على المثبتات والأبر وطمنينه على البيبي والأشعه
أم خليل
إختي الحمدلله ،دعواتكم ليها بثبات حملها وسلامة جنينها وتمامشهورها وولادتها به
بنوته حلوة
ياارب اليوم تولديين وتبشرينه بقدووم البنوته ياارب
أم بشورة
ربي يفرج عن بنتش هالغازات ويحفظها
صعب تنساني
سكتي أني بعد من قريت خبر إللي ولدت في المحرق في الجريدة وأني خااايفة ربي يسهل علينه ونقوم بالسلامة مع بيبياتنه ،وصيري عاقلة مو تتمنين عملية قيصرية مرة وحدة التساهيل من عند الله وحده الحافظ
باقي الغايبات
طفطووفة وروز وأم علاااوي وشمس الصباح وأم السادة تعالي مته بتدخليين وإعذروني إذا غفلت عن ذكر أحد
ياارب الجميع بخير بحق محمد وآل محمد

Roze · 03-11-2011, 12:09 PM

الله يستر منها دنيا

عجل عجل يابوصالح

ام حسين الدار · 03-11-2011, 02:22 PM

هلا ياحلوين اخ نفسي مره اجي البحرين الله اهدي الامور ويسمحو اليناانجي اليكم
المهم اخباركم؟؟؟ كيف النونواتكم اتمنى الجميع ابخيروصحه اني اشوي وبروح المستشفى دعواتكم الله يجعل اموري ابخير اذا رجعت راح اطمنكم

rose soul · 03-11-2011, 10:24 PM

سلام
غريبة محد دش؟؟!!
انا اليوم اول مرة اطلع بالبشاير
امي العودة كانت تبي تجوفها .. وجافتها هالنتوفة
بس انا احس عصعصي عورني من الظهر لي الليل وانا هونيك
ما قدرت آخذ راحتي..عيال خالي..وازواج خالاتي..من جذي ما ارتحت مع بنتي
بس الحمدلله انقضى هاليوم على خير

rose soul · 03-11-2011, 10:26 PM

غريبة..بنات السهرة ما بينو من امس لي اليوم
طفطوف..و روزي
وان شاء الله بنوتة ولدت خلاص..لأن بعد ما لها حس اليوم

ام حسين الدار · 03-11-2011, 10:47 PM

مساء الخير اخباركم؟؟ اتمنى الجميع ابخير ماسويت الاشعه لان المستشفى اجازه مافي الابس الاطوارى قلت بشوف على هل يومين الله اسهل بس احس الحركه اشوي صارت اخف هل عادي؟؟؟ اوبدري اني احس بل حركه عدل

rose soul · 03-11-2011, 10:51 PM

ام حسين ..يا مساء النور..بالنسبة لحركة البيبي..ترا عادي..بتوضح لج الحركة اكثر شي لين دخلتي السابع..وانتي توج الحين ف الرابع..الجنين صغنطووط

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
توزيعات وهدايا وستاندات _ في البحرين	بنت البحرين	منتدى السوق التجاري	4	10-07-2010 11:45 PM
ديوانية حوامل البحرين	أم _ أحمد	إستفسارات حوامل من الشهر السابع إلى الشهر التاسع	3129	09-19-2010 11:26 PM
نداء الى حوامل البحرين	اشراع الهوى	إستفسارات حوامل من الشهر السابع إلى الشهر التاسع	0	06-18-2010 12:47 AM
ام البدرين الله يعطيك العافيه	عاشقة طيور الجنه	منتدى علاج العقم و تأخر الحمل	9	06-13-2010 04:37 PM
عين عذاري ( اهل البحرين )	الشوق عطري	المـنـتـدى الـعـام	2	08-18-2009 12:16 AM