فقتدك ياجنيني قبل ماافرح فيك الله يصبرني

[ام جياد]

السلام عليكم ورحمت الله وبركاته
اول شي اتمنى منكم تتدعولي ربي يصبرني انا الحين نفاس ليا4 ايام لكن والله مانسيته ولااقدر انساه الله يصبرني
الحين ببدء اقص لكم قصتي من بدايتها عشان تكون عبره لاحد غيري والله يابنات اني ندمانه لاني في يوم من الايام قلت ماابغاه ايو لاتستغربو قلت كذا لاني يوم ماعرفت اني حامل بحسن كان عمر ولدي 6 شهور فزعلت وبكيت وقلت ماابغاه لكن والله من غير قصد كنت اقول لاني ماكنت حابه احمل لكن والله في الخمسه الشهور تعلقت فيه بصوره مو طبيعيه لدرجة اخترت الاسماء اذا كان بنت او ولد واذا رحت السوق اقول خلاص بشتري هذا وهذا الحمدالله على كل حال مر حملي زي اي حمل وماكان فيه شي بالعكس كل مره الدكتوره تتطمني وتقولي بخير الين جات مراجعتي الاثنين لي طاف انا كنت حاسه لانه الحركه توقفت وهذا الي قلته للدكتوره اول مادخلت وقالت عادي انتي ببداية الخامس وعادي اذا ماتحرك قالت يالله نطلع نشوفه بالجهاز واناكلي شوق ابغى اشوفه واتطمن عليه وبالمره اعرف جنسه لاني لسه مادريت المهم اول ماحطت الجهاز جلست الدكتوره تقلب يمين شمال وسالتني من متى ماحسيتي بالحركه قلت قرات الشهر قالت الله يعوضك موسامعه نبض الجنين عيوني دمعت وماقدرت اسمعها هيا تحاول تصبرني وانا في عالم ثاني اتمنيت اني احلم وهذا كابوس واصحى خرجت من عندها عيوني كلها دموع واذكر يوم ماعرفت بالحمل وكيف اني سخطت وقلت ماابغاه وتمنيت انو ينزل شوفو كيف ربي خالني اتعلق فيه بعدين اخذه عشان لااسخط ولااقول ماابغى مره ثانيه جلست ابكي الين جاه اليوم الموعود الخميس ولدته كانت ولادته اصب ولاده اعطوني طلق صناعي وطبع الجنين ماكان يدف نفسه لانه ميت كنت اضغط على بطني عشان ينزل والله تعبت مرررره بولادته عرفت وقتها وفهت انه المفروض اذا حملنا نشكر ربنا ومانعترض على عطاياه المهم خرج الطفل جثه هامده شالوه زوجي وغسله ودفنه ومن يومها وانا قلبي والله مافارقه الحزن امثل على من حولي وانا والله مرره حزينه عليه الله يصبرني ويجمعني فيه بجنة الفردوس يااااارب وربي يسامحني واعذروني طولت عليكم بس لاتنسوني من دعاكم

[يمكـ دروبي]

الله يصبرك حبيبتي
ويجبر قلبك
شافع لكم باذن الله
الله بيعوضك خير ان شاء الله

[الأنيقة]

اسم الله عليك حبيبتي
لا تحطي في بالك انتي السبب لاأن هالشي مقدر ومكتووب وراح يكون شفيع لك يوم القيامة
وانتي اللي قلتييه كل مرأه بتحمل تدلع ماتبي بس بعدين لما تحس بوجوده في بطنها تبدأ تتعلق فيييه
ويكون أغلى من حياتها

حبيبتي أنا مثلك ولدت بالشهر السادس بتوأم وكان مثل الحلممم لما خسرت بناتي
بس الحمد لله الله يعوضنااااا

[دلوعه فصولي]

الله يعوضك ويصبر قلبك يارب
ان شاء الله شفيع لك يوم القيامممه

(وبشر الصابرين الذين اذا اصابتهم مصيبه قالوا انا لله وانا اليه راجعون )

[نازك الملائكة]

الله يعوضك خير. لاتفكري هكذا لله مااعطى ولله مااخذ.. هو اختبار من رب العالمين لمدى صبرك قولي الحمد لله. اللهم اجرني في مصيبتي، واخلف لي خيرا منها..

[زوجة السهلي]

الله يعوضك باحسن منه ويخلف علي وعليك انا مثلك قلت مابيه سبحان الله كملت شهرين واسبوع وسقطت انا لي يومين من سقطت والحمدالله الله يخلي لي عيالي ويبارك فيهم

[ام منة المصرية]

غاليتى الله يعوض عليكى بخير منه ويصبر قلبك والله حاسه بيكى انا قلتها مره والان ليه ثلاث اجهاضات اللهم اجرنا فى مصيبتنا وعوضنا خيرا

[شموخي غير..]

الله يعوض عليك يارب استغفري ربك والله كريم حبيبتي ما يضيع تعب احد خيره يالغلا فديتك لاتزعلين امانه وانردت لرب العالمين راح ربي يعوضك ويعوضنا خيرا خلي املك بالله وفوضي امرك له وعن قريب راح تبشرينا بخبر حمالك ضيعي وقتك مع زوجك وولدك راح تنسين وادعي ربك ماراح ينساك المؤمن مبتلى اللهم اجبركسرك يالغلا لوتشوفي حالي لاكن نقول الحمدلله
لله مااخذ ولله ما اعطى بشرينا قريب عنك

[دروب الأمل]

الله يعوّضك بكل خير

[روحي ملاك]

الله يعوضك ياحبيبتي ويصبر قلبك
وربي قطعتي قلبي الله يرزقك ياارب