¤ô§ô ~أحلى تجمع حوامل التوأم 2011~ ô§ô

[طوق الياسمينا]

السلام عليكم
كيفكم بنات واخبار الحمل معاكم؟



بنك لوف
الله يعوضك بالتوام الثاني ويخلية لك واحمدي الله على قضائة وقدرة يمكن خير لك



ام دحوم
هلا فيك بيننا وبصراحة كلنا نرحب بك وبما انك خبرة نتمنى نستفيد منك في حمل التوم
ايش اصعب شهر مر عليك ؟
وكم عمر توامك ؟
الله يحفظهم لك

[ام دحوم]

ام دحوم
هلا فيك بيننا وبصراحة كلنا نرحب بك وبما انك خبرة نتمنى نستفيد منك في حمل التوم
ايش اصعب شهر مر عليك ؟
وكم عمر توامك ؟
الله يحفظهم لك[/quote]

هلابك اكثر اختي طوق الياسمين
اصعب شهر مر علي هو السابع والثامن وانا ولدة نهاية الثامن وعمر التوأم خمس سنوات حملهم تعب ولادتهم وتربيتهم الله يعظم الاجر وانا الحين حامل في الشهر السابع بس الحمدالله والشكر واحد والله يسهل لي ولكم يارب

[ماء المسك]

السلام عليكم ورحمة الله وبركاته

تســــجــــيل حــــــــــــضــــور



اعتذر اشد العذر عن التاخير عن هالمنتدى الغالي من غلات اعضاءه
لاكن تعرفون الحمل وعمايلة وظروف الحياة هي الي تحكم *

كيف حالكم اخواتي والله اشتقت لكم ح ــــــــيــــــــــــل

خبروني عنكم ايش مسويين من والدة من لاساااء مكافحة هههه

واشكر من سأل عني والله يتمم عليكم اخواتي*

ويااااارب تصبر اخواتي الي فقدو اجنتهم*

وترزق كل منتظره الذرية الصالحة *

واسموحة منكم لني مخبرتكم اني رحت رحلة (( استراحة ))

كل العيلة راحو والحمد لله انبسطنا كلة على شان اولاادي
ابيهم يفرحون ولا كان مرحت *

ونلحق على الاجازة قبل متخلص *

وبعد مرجعنا من الرحلة ابني الكبير جاة العنقز حفظنا الله واياكم*

والله مرة متخوفة انة يعديني ويعدي اخوة لنة معروف يعدي*

بس دعواتكم يا خواتي العزيزات اني ماعنقز زي متعرفون *
انة مضر للمراة الحامل *
فا نفسيتي صارت زفت الستغفر الله*


وماشااء الله الصفحات طارت *





ويلا شدو همتكم خلونا نستفيد من بعض و نرجع مثل اول واحسن *

[عذب]

صباح الخير
كيفكم بنات؟

بنك لوف
الله يعوضك خير حبيبتي
وأكيد أن أصلاح لك وللبيبي

ماء المسك
من طول الغيبات جاب الغنايم>>خخخخ
رحله سعيده
وأنتبهي أنك تتعادين والله يعينك ومايشوف شر ولدك

[متلهفه لضمته]

السلام عليكم والرحمه

كيف حالكم مع الجو البارد ؟؟

وكيف حال البيبيز ؟؟

اختي المها

ان شاء الله وانا منتبهه حتى لما صحيت من النوم

كان في .. مادري شسوي ؟؟

ان شاء الله يكون طبيعي وما يأثر

واختي بنك لوف

يارب يعوضك بالأحسن منه

كل شي من ربي خير

وكلي امرك لربي

وكيف البقيات ؟؟

و أول غرام مو باينه وين مختفيه ؟؟

تتوقعون راحت بيت أهلها تريح ؟؟

الله يسهل عليكم ويهون عليكم

[الياه]

أَصْـبَحْنا وَأَصْـبَحَ المُـلْكُ لله وَالحَمدُ لله ، لا إلهَ إلاّ اللّهُ وَحدَهُ لا شَريكَ لهُ، لهُ المُـلكُ ولهُ الحَمْـد، وهُوَ على كلّ شَيءٍ قدير ، رَبِّ أسْـأَلُـكَ خَـيرَ ما في هـذا اليوم وَخَـيرَ ما بَعْـدَه ، وَأَعـوذُ بِكَ مِنْ شَـرِّ هـذا اليوم وَشَرِّ ما بَعْـدَه، رَبِّ أَعـوذُبِكَ مِنَ الْكَسَـلِ وَسـوءِ الْكِـبَر ، رَبِّ أَعـوذُبِكَ مِنْ عَـذابٍ في النّـارِ وَعَـذابٍ في القَـبْر.{أخرجه مسلم]

[الياه]

صباح الخير ،، يا وجوه الخير

أخباركم يا أحلى كروشات
وأخبار التوينز؟؟؟

أول غرام

لج وحشة، مالتقيت وياج
عسى المانع خير
الله يعين يوم تقومين بالسلامة
وتنشغلين بالتوينز؟؟؟

ماء المسك

حي الله الغايبة، وزين يوم طلعتي وغيرتي جو
ويستاهلون العيال يتكشتون
بس لازم تحطين بالج على التوينز حبايبنا
مافهمت شو قصدج
بالعنقز؟؟؟؟
أظني هو الحمجه ولا الجدري بلهجتنا
خلج بعيد عن ولدج مب زين للحامل
لو تودينه بيت أهلج
لين ما الله يعافيه
والله يحفظكم من كل شر

عذب

أخبارج الله يعيطيج الصحه والعافية
أخبار الثقل وياج؟؟؟
كان عندج موعد من يومين
طمنينا على وضع الأجنة وعليج

أحلى توينز

أول غرام من السعودية بالتحديد من الدمام
" الأخت المستشارة الخاصة بغروووم مثلا هههههه"

متلهفة لضمته

هالله هالله بعمرج ولا تجهدين عمرج
أتعذري عن الزيارات
ألزم ما عليج صحتج وراحتج
خاصة في الشهور الأولى
ولا تنسين تستودعين حملج صبح ومسا
الله يثبته لج ويتمم لج على خير

[الياه]

أم دحوم

يا حياج الله بينا، ويا مرحبا بج
الله يحفظ لج عيالج ويتتم لج حملج على خير
وبالعكس الكل يرحب فيج بينا
وأسأل مجرب ولا تسأل طبيب

طوق الياسمين، مجرد أنسانة

أخباركم وأخبار الحمل وياكم والثقل
سوي لكم توقيع بشريط الحمل عشان نعرف أنتم في أي أسبوع؟؟؟


maha8181

أخبارج وأخبار الحمل وياج
أقولج البنات مب مأثر عليهم البرد إلا
أتجمدوا ومب قادرين يحركون أصبوووعهم على الكيبورد
هههههههه

فوفو الأمورة

الله يعطيج الصحه والعافية ويجازيك خير الجزاء
عن تربية عيالج
مثلج عندي بنت ولد
بس يمكن يكون وضعي أخف عنج
لأني أودي ولدي الحضانة"سنتين و5 شهور"
وبنتي kg 1 ، ثلاث سنين و10 شهور
ويردون يتغدون ويلعبون وبالكثير 8:30
هم راقدين، وعندي خدامة تساعدني
بس يوم يقومون بالليل وشلهم
أحس بآلام الله لا يراويج
عشان جذي حاسة فيج
الله يعطيج العافية

[الوردة النرجسية]

سلام عليكم كرشات وشخباركم؟

أني تنومت في المستشفى وبالأخص غرفة الولادة وسبب أن واحد من بيبياتي نبض قلبه مو زين وكانو مجهزين للولادة القيصرية بس دكتورة قالت ننتظر بعد كم ساعة ونشوف إذا اعتدل النبض ما في قيصرية وخلاص تتطلع من غرفة الولادة والحمد الله صار كل شيء زين وامس طلعت من المستشفى.

بنات حبيت أخبركم قررت أسوي عملية قيصرية خلاص راح تكون يوم الأثنين 14-2 لان الأجنة واحد راس تحت والثاني بالعرض وأني ما أريد أولد ولادة طبيعية والثاني يمكن ما يعتدل وأحتاج حق ثاني قيصرية مثل ما عملو لأم دحوم خصوص أني بكرية حتى القابلة إلا كانت وياي في غرفة الولادة قالت لي ونصحوني كثير وترددت في بداية بس ألحين عملت إستخارة بالقرآن طلعت أتوكل على الله.

أطلب منك أنكم يا بنات ما تنسوني من دعائكم وبحاول بعد العملية أدخل وخبركم بكل شيء وسامحوني كلكم إذا غلطت على أحد منكم .

[pinkypinky]

حبيبتي الورده النرجسيه ام دحوووم تنصح باننا ما نجازف فاذا وضعيه الاجنه مب كلها مناسبه للولاد ه الطبيعيه توكلي علا الله وسوي قيصري والله يسهل عليج وعلينا ياااااا رب


احلى تونز حبيبتي انا الحمد الله بخيييير بس ظهرت من وقت البارحه لان ولدي زيووووود يبا يرقد انتي من وين من الامارات ؟؟؟؟؟؟؟؟
انا في السابع وما اعرف اسوي توقيع ولا كان سويت من زمااااان