شاركينا بتجربتك متى علمتي بحملك؟؟؟ وكيف علمتي ؟؟

[فجر المحبة]

صباح الخيرات والمسرات ياحبايبي الكروشات.......
أولا:مشكورة حبيبتي على الموضوع؛؛؛
كيف عرفت إني حامل بصراحة من بعدماتزوجت ودورتي تتلخبط بس آخر خمس شهور قبل حملي الحمدالله إنتظمت وبشهر 12تأخرت بس ماسويت شي ولاشكيت حتى مجرد شك أكون حامل لأني أعرف نفسي قبل لاتجي بيومين بس معصبة أما هالمرة من قبل موعدها بأسبوعين وأنا معصبة وكنت أقول أكيد بتتقدم من بعدكل هالشغل تعرفون أيام الضحايا مرة الغدا عند أهل زوجي ومن بكرا صار عند أهلي ومن بعده زوجي سوى غدا لخالي أحس إني هلكت وهذا اللي خلاني ماأشك أبد إني حامل المهم رجعنا نداوم وكنت طول الوقت معصبة على صديقاتي بالكلية(لدرجة حسيت لساني متبري مني) ومعي مغص مايبطل أبد المهم كنت بالمدرسة عندي ميداني وكنت ميتة جوع يوم شميت ريحة الفطور وتلوع كبدي ولاأفطرت وأحس بدوخةـطبعا متعودة كثير يجيني هبوط بالضغط قبل الدورةـوكان درسي السادسة قلت لمدرسة المادة أحس مو قادرة أشرح بي دوخة راحت وجابت لي مسكن وأكلته وقالت إدخلي وأنا بدخل معك وشرحت بس تخيلوا طول ماأشرح وأنا ماسكة السبورة أحس بدوخة والعصر رحت لأهلي وأتعشى عندهم ومن يوم خلصت وعلى الحمام على طول أرجع_تكرمون_وبعد هذا كله قلت لا يمكن أكون حامل ويوم جاء زوجي قلت أبغى أغراض من الصيدلية طبعا نزلت لحالي وجبت تحليل حمل وعشان مايسأل أخذت فوط ومعجون أسنان ومن بكر أصحى مع أذان الفجر وأسوي التحليل والحمدالله طلع خطين وعلى طول أصحي زوجي ومن الفرحة طالع لصلاة الفجر مصحصح وداومت والعصر سويت تحليل دم بالمستشفى عشان أتأكد والحمدالله(طبعا متزوجة من سنة ونص)وتأخير الحمل بإرادة من رب العالمين ماكنت أستخدم ولا شيء ولو على كيف زوجي كان من كملنا 3شهور حملت لأنه يموت على البزارين مع إني راجعت عند مستشفى ويقولون سليمة مافيك شي والحمدالله..............
أحس طولت عليكم بس طبعي كذا أحب التفاصيل........