السلام عليكم...مساء الخير حبايبي....
راح أبدأ بمشكلتي وأتمنى تساعدوني,,,,وأدري بطول عليكم بس من القهر ودي أفضفض لكم ماعندي أحد بعد الله غيركم....
متزوجة من سنة و9شهور وساكنة بشقة متكاملة بحوش أهل زوجي وزوجي يحبني..
بس فيه شي بصراحة يكدر علي حياتي اللي هو إعتماد أهله عليه بكل صغيرة وكبيرة.....تخيلوا عندهم إستراحة وفيها (طيور وغنم) طبعا أمه لازم تروح لها بعد الفجر وبعد العصر ومايوديها إلا زوجي مع إن فيه إثنين أصغر منه عندها ماتزوجوا _والعام كانوا عاطلين لكن هالسنة توظفوا ونقول ميخالف أبعدوا شوي مع إنهم يجون أسبوعيا_بس يجلسون سهر بالإستراحات إلى الساعة8 الصبح..
طبعا زوجي بشركة وراتبه 2000ريال والله إنه بالصيفية ماأدري أغلب الأحيان إذا ماكان كل يوم إلا هو طالع الساعة10من داومه إذا سألته قال:دقت علي أمي عشان شغل أخلصه وإخوانه نايمين عندها ماتصحيهم,,
و(طبعا كلمتهم المعتادة,,مايعرف لهاالشغل إلا زوجي)طبعا الشغل كان أخوه متزوج وساكن بحي ثاني يوم ولدت زوجته بالصيفية جاء بيسكن بشقة ورانا واللي مسك شغلها زوجي المحترم بحجة إن زوجي هو اللي يعرف العمال ومحلات الدهان والسراميك والحوسة *طبعا أخوه ضابط بمحافظة تبعد30 كيلو قلنا ميخالف صعبة يترك دوامه بس مستحيل يوقف عند العمال ببيته بس يشوف وش سووا ويمشي حتى العصر ولاكأنه بيته*وياليت على كل هذا يسمع كلمة زينة لا إذا تأخر بشي واحد أصلا تجيك أمه هالولد ماعمره خلص شغله أبد لا بعد وقدامي
أما أخوه صاحب البيت لاوالله مايتكلم عليه بشي مجرد مايقول بسوي كذا يحول له فلوسه..
وغير إنه ماسك شقة أخوه مايودي أمه إلا هو والباقين جالسين ماأحد يرفع لسانه عليهم &وبصراحة كنت إذا رجعت لبيتي قلت ماعليك منهم إذا هذا اللي عندهم خلاص كل واحد يخلص شغله بنفسه عشان يعرفون قيمتك^صاروا سالفة إعمل خيرا شرا تلقاه^& عدا كل هذا على خير مع إني ماكنت أشوفه إلا أول مايصحى وعلى الغدا وبعد صلاة العشاء يجي يتعشى بس ويدور الفراش وبصراحة ماألومه دايخ وجميله ماينشاف...
توظفوا إخوانه السنه هاذي ومافيه إلا هو وأخوه المتزوج ويجي الإستلام الثاني من خواته فيه 2بالكلية وماتزوجوا ويالله شوفي الطلبات كل ليلة قائمة<مرة السوق طبعا حنا بالقصيم ومانبغى إلا سوق بريدة,مرة المكتبة ومانبغى إلا جرير وبصراحه انصدم لازم المكتبة أسبوعيا حتى أنا بالكلية ماأحتاج المكتبة إلا كل بداية ترم,مرة الصيدلية>وإذا قال ماأقدر ولامشغول شوفي السب والشتم له وكل وحده تعصب من جهة لدرجة مرةأخته الصغيره كنت عندهم بالصالة وتدخل غرفتها تكلم أختها المتزوجة وتعلمها تقول إيه ماني بفلانة يلبي طلباتي"تقصدني" واللي يقهر إنهن ينسن كل اللي قبل ويقولن أصلا كل مرة نطلب تقول هالكلام مع إنه يجيب لهن أغراضهن وهو إذا شافهن كذا خلاص يضعف قدامهن ويروح وإذا قلت لاتضغط على نفسك’’يقول لا خواتي ماعندهن غيري من وانا بالثانوي وانا أبوهن مع إن فيه ولدين أكبر منه" طبعا أبوهم موجود بس مريض سكر وبصراحة حبيب وطيب وحاطنا مثل بناته ودايم كلمته "يابنيتي لا يقصر عليكن شي تراك آلحين وحده من بناتي صدق لاسمعت كلامه ودي أبوس رجوله"" يارب يطول بعمره ع الطاعة وتجعله ممن يدخل الجنة بغير حساب....
خلصنا من شقة أخوه.. حاليا خواته..وبشهر 6 أخوه الكبير مدرس بقرية يجي أسبوعيا بيبني له بيت وانصدمت اليوم أشوف صك وكالة موكل زوجي يبني بيته.....المشكلة بكون باآخر شهور حملي_آنا آلحين بالخامس وبكرية_ يعني محتاجته بجنبي بنفس الوقت عنده بيت أخوه وبكرا عندي إختبار ومو قادرة أذاكر من الصدمة.... ولا تقولون روحي لأهلك على آخر حملك لأن إخواني2 متزوجين و3 أكبر مني ماتزوجوا وبصراحة مستحية أروح لهم أنا وكرشتي لا وإذا قربت أولد هم يودوني لالاأستحي...
آآآآآآآسفيييييييييييين ع الإطالة بس بصراحة إنكم تريحون الواحد يفضفض لكن.......ومشكورييييين........