دردشة حوامل دولة الجزائر- تجمع بنات الجزائر

[رونق الروح]

مرحبااا وينكم ياابنات البلاد ادخلو وفضفضو على لي بداخلكم والله المستعان

[om mar]

انشاء لله خير افرزات دليل على ضعف الحمل لازم تروحي لطبيب مختص انا كنت مثلك
ورحت لطبيب وعطاني تحميلات (شميعات ) ايستروجيت لتشجيع الحمل من قدام لمدة 15يوم وبعد رجعت ليه والحمد لله قالي بيبي راه مليح ماتغفليش على روحك

[رونق الروح]

صبااح الخير ام عمر واش راكي اليوم صااافا

[om mar]

لحبيبه راكي عليا (أم عمر) .................أنا أم مريم او يونس اشاء لله بس ناديني أم مريم راني مليحة وانتي واشراكي لاباس وقتاه اخر دوره ليك ؟
أنا كانت ب02*11*2010

[رونق الروح]

ااهلالالا ام مريم اسفه معرفتش نقراه المهم انا بخير الحمد لله انا اخر دورة 5/11/2010 يعني انتي قبلي بثلاث ايام ونولدو بنفس الاسبوع ان شاء الله يعني في رمضاان ربي يعينا

[om mar]

لايهمك اه صح انا قبلك انشاء لله في نفس سمانه علاباك انا طيحت بهذا رمضان الي فات كان عندي شهرين ونص بالحمل كل يومين على يومين يطيح عليا افرازات بنية والدم وكي روح لطبيبه تقولي نورمالي حتى نهار الي رحت لها في 12 من رمضان قالت لي بلي بيبي نتاعي راهو خاسر في كرشي تعذبت بزاف ولي زادني راجلي خدام بعيد عليا بزاف بس الحمد لله على كل حال قعت 3شهور بلا مانشرب حتى دوى ورفت الحمل هدي مرة

[om mar]

لازم يثبتو الموضوع هذا ولا لا

[رونق الروح]

ربي يثبت حملك هاذ المرا امييين ياارب ويرزقك الذريه الصالحه حق قوليلي واش راكي حابه بنت ولا ولد انا عن نفسي حابه ولد لاخوه ايمن على خاطرش عندي 3 بنات ربي يخليهملي ولي جات من عند ربي مليحه

[randa]

مساء الخير بنات
واش راكم
رونق يعطيك الصحة اختي علي الموضوع
انا ثاني دزيرية وعمري 26سنة وعندى 29سمانة في نص السابع ادعولي نولد بخير الله يسلك وحلكم
راني خايفة

[رونق الروح]

المشاركة الأصلية كتبت بواسطة om mar

لازم يثبتو الموضوع هذا ولا لا

واه اختي لازم يثبتوه باش نتوانسو مع بعض ونحكو على مراحل الحمل عندنا ... بص شكون لي يثبت الموضوووع؟؟؟؟؟؟؟؟؟