ليه الرجل يحرم اشياء على اخته ويحللها على زوجته ارجووووو التفاعل

[الحب لك وحدك]

السلام عليكم ورحمة الله وبركاته

كيفكم بنااااااااات انشالله منااااااح

حبيت اطرح هالموضووووووع

ليه الاخوو يحرم على اخته اشياء
ويحللها على زوجته

مثلا عباية الكتف يحرمها على اختها
وبعد اسبوعين من الزواج نشوف حرمته لابستها
ليييييييييش
يعني زوجته حرمه واخته لا

ابي رايكم وتفاعلكم بالموضووع
هل له الحق انه يحلل ويحرم على كيفه

[دلوعة حبيبي]

بصراحه موضوعك عجبني حسيت انو بيكون فيه حماس
والله انا اقلك هو الرجل موبيده يحلل ويحرم على كيفه بس احيانا بعض البنات الله يهديهم يعاندون اخوانهم واخوانهم يحبون يعاندونهم
وتدرين احنا يالحريم كل وحده بطريقتها تغري رجالها وتسويله الهوايل وقتها لوتبي يوصلها لسطح القمرقال ابشري
وبصرااااااااااحه الزوووووجه فوووووق كل شي لانها صااااااااارت جزء منه ولايقدر يقولها لا لانها بالنهايه امانه برقبته وبالنهايه هاي حرية شخصيه بالنسبه للرجل وللزوجه

[ام اتوكي]

الرجل صار تركيبة صعبه وفيه كل عبر الدنيا00كانه معاه انفصام في الشخصيه00صعب انك تفهميه00بس احسن شي الواحد يعتبر الرجال اللي بهذه العقلية مرضى نفسيين (الا من رحم ربي)00بالعربي مرفوووووع عنهم القلم000هههههه

[عزيزة النفس]

لا ياالحب المسئله مو مسئلة يحرم على اخته لكن هو ينظر لزوجته انها سيده متزوجه وهو المسئول الاول عنها وتسوي كل شي وهي تحت مراقبته ولكن اخته وده يحافظ عليها بكل طريقه وصدقيني مجرد انها تتزوج رح يقول كيفها تلبس اللي تبي دامها اتزوجت وصارت تحت مسئولية زوجها لو تلبس ما تلبس وترا دايم سمعة المتزوجه غير عن اللي مو متزوجه المتزوجه اذا شافو الناس منها شي يقولون زوجها راضي ولكن البنت يقولو وين اهلها عنها اذا تزوجت هذيك الساعه تسوي اللي تبي علشان كذا الاخ مجبر انه يحافظ عليهم ويمنعهم من اشياء الين الله يستر عليهم بالزواج اسفه على الاطاله ولكن اشكرك على الموضوع

[ديار]

انا اوافق الاخت عزيزة لكن ليش الاخ بالذات

هو الى يمنع ليش يكون مكان الاب رغم وجود

الاب اعتقد بان السلطه الى يمارسه الاخ

نتيجت الحريه من الاب وعدم طرح المواضيع للنقاش

بس هذا الاخ يبيح كل شي لزوجته لان الزوجه مفتاحه

عكس اخته الى ماله حاجه عنده غير خدمته وطوع امره

بدون نقاش........


اعرف انسانه غاليه على قلبي لما كانت تدرس بالكلية

كان اخوه ياخذ مكافئته وذلك بمساعدة الام

يعني السبب الرئيسي هو الوالدين هداهم الله

وحكايات الاخوه مع خواتهن كثير بس مااقول

غير الله يهدي شياب المسلمين..............آمين...

[سموة الشوق]

صادقه ياديار

وأنا رأيي من رأي أخواتي

الله يهديهم بعض الأخوان
فيهم حب التسلط
وهذا التسلط يقدرون فيه على أخواتهم أكثر
يتحكم باللي تسويه
ممكن يرجع هالشئ بمجتمعنا
لسيادة الرجل على المرأة
أنا أشعر اللي يعملون كذا
ماقدر على زوجته
فيتسلط على أخته
ويمكن الوالدين لهم دور في هذا الشئ
معطين الأخ سلطه شوي
مع وجود الأب
الله يهديهم
ماباليد حيلة
بس لو تسلطه بالخير أمشي معاه
بس بالشر والله ماأتركه
وأشتكيه عند أبوي
طبعا لأن الحكم بالأول والأخير للأب
بس صدقتي يالحب
بموضوع العباءه
والله أعرف واحد على أخواته يخاصم يوم يلبسون عباة الكتف ومايخليهن
وبس
يوم تزوج ماقدر على زوجته أبد
تلبس على الكتف ومزركش بعد
الله يهديهم
عقوووووووووووووووول غريبه
بصراحه ماله شخصيه أبد
حلوووووو النقاش ...

[الحب لك وحدك]

يسلمووووو عزيزة
دلوعه حبيبي
ام اتوكي ديار
طيوووفه
بس حبيت اضيف
ان الاخ اللي انا اقصده اللي يتحكم بالطالع والنازل
يعني شي يسوى وشي تافه مايسوى
شاكرة لكم مروركم العطر
بصراحه نورتوا صفحتي يالغوالي
وانا مع كلامكم
الاخ مايتحكم باخته
الا اذا صار الوالدين معطينه الضوء الاخضر
والله يهدي شباب المسلمين
ويوفقنا جميعا لما يحبه ويرضاه

[عزيزة النفس]

انا ضد التسلط على البنات اخواته لاني جربت هذا الشي لكن لو كان مجرد انه يمنعها من لبس وغيره وهو في صالحه فانا اكيد معه ولكن زي سالفة انه يتحكم ويسيطر والاب موجود او بغيابه والله ما ارضاها وانا عانيت من هذا الشي بعد وفاة والدي وكانت الوالده الله يعافيها تشوف تصرفاته صح ولاني احس فيه امهات يحبون العيال اكثر وانا عندي ولد وبنت والله اني ما اسمح له يمد ايده عليها رغم انه يغار منها وتوهم صغيرين اضربه واساوي بينهم في الحلويات والالعاب لاني ارحم البنت والله يارب يرزق البنات الزوج الصالح

[الحب لك وحدك]

اللهم امين
انا ماطرحت الموضوع الا عن تجربه
خيتووو عزيزة
لان قبل لااتزوج عشت عند اخوي وزوجته
وشفت انواااااااع التحيز والتفرقه
نورتي صفحتي ياقمرنا

[فتون]

والله صااااااااااااااااادقين يتفرعنو بس علينا اما حريمهم ياسلاام
عكسي والله انا زوجي مايناقش اخواتو في العباية وكذا يقوول عندهم اب وانا يدقق علي بالحبة
الله يهدي الجميع
يسلمووو على موضوعك ربي يسعدك