قصة ولادتي

[سما--]

بسم الله الرحمن الرحيم
بالحمد لله ولدت قبل عشرين يوم وجبت بنوته زي القمر على مامتها
طبعا تعرفون العذاب والانتظار قبل الولاده والاحباط
انا طبعاً ماخليت شي ماسويته مشيت وحبيت وشربت واكلت كل شي يقولون انه يولد بس ماطلع الا باليوم اللي ربي كاتبه
المهم قبل اولد كان يوم السبت اخذت قهوتي مع زوجي وطلعنا للبر لاني مبعده الولاده من كثر ما انتظرت
وافصخ جزماتي تكرمون وابدا امشي بالرمل وادعي دعاء الكرب المهم ماطولت لانه كان برد
وارجع واحط لي منبه عندي محاضره الساعه 9 الصباح وانام
واقوم الساعه 4 وانا احس بوجع ببطني واروح للحمام والاقي دم انبسطت بس خفت لاني ماكد فكرت كيف بولد كنت اتجاهل ومابي افكر بالولاده والامها وطاح الفاس بالراس
المهم واجلس افكر. وش اسوي؟ مابي اكلم ماما لان عندها ضغط وتخاف وتوسوس وتصير حالتها حاله
قلت اصبر لين تقوم لدوامها واقولها واصبر مع الطلوق لين 7 قلت بكلمها لاني بكريه وجاهله بهالامور اخاف يصير مايصلح استنى ويضر البيبي :( كلمتها وقلت لها قالت اشربي قرفه و روحي للمستشفى اذا قالو لك ولاده كلميني حتى اجي لانها كانت بدوامها
واروح اصحي ابو الشباب قال مو بتروحين لدوامك 9؟ قلت بروح اولد ويقوم مفجوع
المهم شربت القرفه ورحت قالت لي مفتوح 3 سانتي ويودوني ويحطون بي جهاز متابعة الطلق ونبض البيبي
واستنى مع الطلوق مذهوله من الالم طبعا جا دكتور قال لازم افتح موية الرحم حتى تعجل الطلق وفتحها وقال البيبي متبرز هفيف بالرحم بس مدام نبضه سليم اماراح يصير شي وراح وابدا ادعي وادعي لين خلاص ماعدت اتحمل الوجع اكثر

جاء مره ثانيه قال مفتوح 6 سانتي بس النبض ضعف لازم عمليه انا هنا انصدمت لاني مافكرت ابداً اني راح اولد عمليه :(
واقلبها مناحه وصياح ولاني لحالي مامعي لا ماما ولاحد زادت الطين بله المهم واكلم ماما قلت لها يقولو عمليه قالت عادي يابنتي الحين كل الناس يسوو عمليات وتهون علي وهي خايفه اكثر مني ههههههه
المهم وقعت ع الورق وبسرعه غرفة العمليات وانا ابكي والناس يهدوني والحمد لله صار من حظي احسن الدكتورات :)
المهم كنت ابكي ودكتورة التخدير تقولي ليش تبكي تحسي بالم ماتخدرتي؟ قلت لا خايفه خخخخخ
المهم ماكنت احس بشي ابدا كنت طالبه بنج نصفي وماحسيت الا بنتي تبكي وازود ابكي معها واحمد ربي على هاللحضه الله يرزق كل محرووم بكيت لين حسيت دموعي خلصت
ويطلعوني لغرفة الافاقه واسمعه ياذن حسبته الظهر واشوف الساعه الا هي 6الا ربع المغرب شلون ماحسيت ابداً
واطلع والقى امي تبكي بالجناح وزوجي من الصبح ينتظر
وانا كنت ع الصامت بس سارحه وافكر باللي صار لي خخخخخ
صدمه نفسيه ماتكلمت الا بعد ثلاث ايام خخخخخ
حسيت نفسي ضعيفه ما اقدر اتحرك الا بمساعدة ماما حتى ملابسي ماقدر
يالله حسيت بقيمة العافيه اشياء كثير ناسين نشكر ربنا عليها
وانا امر بكل هالحالات افكر شلون الناس يحملون ويولدون ثانيه وهم مجربين هالتعب
قلت لزوجي خلاص مافيه الا هالوحده انسى هههههههه
الحمد لله على كل حال والله لايذوقكم العذاب اللي ذقته ويجعل ولاداتكم سهله يسيره

[lala1]

الف مبروك على البيبي القمر
وحمد الله على سلامتك ...
والحمد الله الولادة تساهيل من ربي
ومايصير الا اللي كاتبه الله .

[υм вtℓαα]

الف مبرؤؤؤك البنوته تتربى بعزكم يارب
والحمدالله على سلامتك
كلها تساهيل من ربك

[ام جوري&&]

الحمدالله ع سلامتك .. الله يصبرنا ويجزانا الجنه على صبر الولاده

[أم ولاء]

الف الف مبروك والحمدالله على سلامتكك
وسلامة البنوته
اجر وعافيه آنشآآآءَ الله "̮

[NERMO]

ههههه ألف ألف مبروك حبيبتى والله حلـو كتير شرحـك للموضوع بتآعك وقصه ولآدتك حلووه
ربنآ يكرم كل مشتآقه للحمل يآرب
وآن شآلله كلنآ نقوم بالسلأمه يآ حوآمل

[♡حبي في عيونك♡]

الف الف مبروك اختي
تتربی بعزكم
فعلا لحظات الولادة علی قد ماهي مؤلمه الاانها من اسعد اللحظات
الله لايحرم كل من تبغی هاللحظه

[violy]

الللللف مبروووك البنوته
والله يخليها لك يارب

[" امنية حياتي "]

الف الف مبروووووووووك حبيبتي وحمدلله على سلامتج وسلامة النونو جعلها الله من بنات السلامة