قصة زواج بنت غريبة ومضحكة

[عبير الصيف]

هالقصه.. وبصراحه

ضحكت عليها واعجبتني وحبيت أنقلها لكم قصه حقيقيه عن

زواج بنت وبقول لكم عن قصه زواجها الغريب المضحكه هذي البنت سلمك الله عندها خوات أكبر منها وأصغر منها وهي توها متخرجه من الثانوي المهم بالبيت ماعندهم خدامه كل يوم الدور على وحدة من البنات تطبخ وبعدين ترمي الزباله عند الباب المهم جا دورهالبنت اللي أتكلم عنها كانت سهرانه مع اخواتها الين الساعة 2الصبح وبعدها خواتها طلعوا ينامون فوق.. وهي قعدت تنظف المطبخ وتشطب عليه.. وقامت وطلعت الزباله عند الباب..المهم البنت قالت ليش أحطها عند الباب خليني أتشجع وأرميها بالزباله أحسن وطلعت بره بالشارع وكان فاضي مرة وكانت الساعة حوالي ثلاث ونص المهـــــــــــــم

يوم جت تطلع ترمي الزباله قفل باب بيتهم هههههههه وقعدت المسكينه بالشارع...فكرت ترن الجرس خافت أبوها يهاوشها ويسوي ليها شي ( لأن أبوها شديد)... وهي بالشارع ماعليها إلا البيجاما حقت النوم ..المهم

سمعت أن فيه صوت يقرب منها .. صوت سيارة !! قامت مسكت الزباله وقلبتها ودخلت جواتها المهــــــــــم كان اللي جاي ولد الجيران .. كان توه جاي من استراحة..المهــم جا ولد الجيران وقف السيارة وطلع المفتاح علشان بيدخل للبيت إلا يسمع صوت يتحرك بالزباله !!

وأستغرب إن الزباله مقلوبة قام وقرب من عندها... وجا بيرفع الزباله ويا زينها

إلا صرخت وقالت : لالالالا.قال : بسم الله الرحمن الرحيم..أنتي إنس ولا جن

قالت: إنس قال إنتي وش جابك أهنا ؟؟

وقالت له القصة وهي متغطيه بال**الة وترجت ولد الجيران يساعدها قال خلاص لاتخافين قام قرب سيارته من باب البيت وركب فوق السيارة ونقز وفتح للبنت الباب.. وقالها:ادخلي بسرعة لاحد يشوفك قامت مسكينة ماصدقت رمت الزباله.. وطلعت كذا قدام ولد جيرانهم المهــــــم

دخلت وقفلت الباب على طووول...وولد الجيران واقف ماتحرك

يناظر فيها... المهم. مامر على هالسالفة يومين إلا جا وخطبها

من أبوها وتزوجوا والله قصة زواج غريبة وعلى فكرة

ترى هذي السالفه حقيقية وحصلت بالفعل

[إيـمـان]

هههههههه قصة حلوة
تزوجها عشان شافها على حقيقتها بالبيجامه و من غير مكياج و عجبته من غير ما تكون متصنعة
تسلمييي حبيبتي

[عبير الصيف]

هههههههه الله يسلمك يالغلا
مافي أحسن من البساطة و التلقائية
مشكورة حبيبتي على مرورك

[أم أحلى بنوتهـ]

ههههه حلوووه

[عبير الصيف]

الله يحلي أيامك حبيبتي
مشكورة على تفاعلك

[بحــ العيون ــــــــر]

[عبير الصيف]

مشكورة يا أحلى بحر العيون على المتابعة و التشجيع الدائم

[jojo 123456]

هههههه اتخيل وقت يحب يغازلها ويدكرها باول يوم شو رح يقول تدكري حبيبتي يوم شفت اول يوم بصندوق الزبالة هههههههه والله بتكون اسوء دكرى طول حياتها

[عبير الصيف]

هههههههههههه تخيلت المنظر ههههههههههه