دردشة حوامل من الشهر السابع للتاسع ( جديد )

[يالله رضاك والجنه]

كروشات


انا يجيني التحجر ع خفيف بس اليوم مشيت كثير يمكن ساعتين
ولا ثلاث ساعات بس بينهم راحه والتحجر مايفارق بطني كل اشوي

طبيعي ولا شو

[ام ديووومه]

الله ييسرها لكم جميعااا

الحمد لله وربي ييسررر ماتبقى لنا من ايام

[رنيم1]

سماري توكلي على الله وربي يكتب لك مافيه الخير

وان شاء الله يتعدل وبصير وضع البيبي طبيعي

[ام دحومي1]

صباح الخيرات كروشات
سكر صلالة
هو150بس الدكتورة قالت مرتفع
دف القمر
ربي يهونها وما احتاج طلق او عملية
سماري
مافهمتك تقصدين ان النسبة هذي مرتفعة؟؟

ربي يهونها علينا جميعا ويجعلها ساعة سهلة علينا(انما امره اذا اراد شيئا ان يقول له كن فيكون)

[حظنك يدفيني]

صباح الخير كيفكم بنات الله يسهل علينا جميعا
بنات والله تعبت معاد اقدراتحمل خلاص قولولي حل ماخليت شي الا وسويته استودعت الله بالنونو ان شاءالله مايتأثر منها اللي كنت اشربها
بنات زوجي ذبحني يخاف من الجماع يقولي لا اخاف عشان راس الجنين ومدري وشو تخيلو حتي لمااقوله طيب ابغي امشي يقولي عندك الحاره امشي فيها اوامشي بالبيت واذا وداني ممشي لازم يكون فيه حديقه عشان يوري وابتلش اجلس العبها وهو مرتاح يعني لاني مشيت ولاني ارتحت
المهم البارح الساعه 9 ونص تنرفزت عليه وعصبت وبدون وعي لبست عبايتي وطلعت يناديني طنشته ومشيت ورحت الصيدليه وهي تبعد عن بيتي نص ساعه بس انها علي شارع عام والسيارات لاحول مسرعه ربي ستر وربي المهم شريت علبتين زيت خروع بنكهه الكرز وبعدين رجعت ومريت بطريقي النجار اللي سوي غرفه بنتي اخذت منه تنر عشان المع دولابها وطلعت منه ورحت البقاله واشتريلي شبس ليز حار كبير ولبنه وزبادي وسنتوب لبنتي ورجعت البيت وطبعا انا تركت جوالي بالبيت وصامت وابوالشباب احترق وهويتصل وانا ماارد
شوي الا وانا داخله ويطالعني قلت بكيييييفي خلاص واني اروح اساويلي الصوص حق الشبس واحط قناه زي الالوان واتمدد واكل وهو مطرظع مني بس الحمدلله عدت علي خير ههههه بس بجد تعبت وربي قولولي وش اساوي ابي نصايحكم

[الماسة26]

عزيزتي حضنك

ربي يعينك ويسهل عليكي وعلى كل المنتظرات عاد باين عليكي عصبيه مره ههههه شوي شوي على أبوالعيال خذيها بالهداوه والسياسه و راح يطلعك تمشي ربي سترها معك لا تكرريها مره ثانيه إنتي دخلتي التاسع صح يعني حاولي ما تطلعي لوحدك ما تعرفي شو راح يصير معاكي وربي يقومك بالسلامه إن شاء الله

[حظنك يدفيني]

الله يسلمك الماسه قلبي
بس بجد شي ينرفز موحاسين الرجال فينا هذا يقهر وربي لاوكل شوي يقولون تعبانين وهم علي جوالاتهم والمصيبه لوتكتشفينه يلعب بلوت اوسلتر اوبلياردوو كانه طفل بالابتدائيه وش تساوين لحظتها وقال ايش مريض تعبان وبس يتبطح اوووف
كيف لويحملون مثلنا وش يقولون يمكن يقول مرتاح ومبسوط ااو وش رايكم

[الماسة26]

حبيبتي ما أعرف ويش أقولك بس أنا كانت تجيني حاله أصيح فيها وأقول لأخوي يجي ياخذني ويطلعني من كثر الملل والتعب من البيت ولما أخبر زوجي إنو أخوي بيجي يطلعني ويمشيني يقول أنا راح أطلعك ما يقصر يطلعني هو بحكم دراسته يطلع من البيت الصبح لحد المساء وقت النوم كل إسبوع إختبار كرهت عيشتي ومليت بس والله ساكته وصابره لما يفضى أريده يطلع معي أنا بس الاسبوع الماضي طلعنا يوم الخميس يوم الجمعه طلع مع أخوانه زعلت كثير لانه أخوانه يطلعوا يتونسوا انا من يطلعني وهو ما يرضى أطلع وحدي من البيت أحس نفسي بنفجر من بدايه حملي نفسي أروح البحر ما رحت لحد الحين ولا بس يفضى في البيت يحطولوه مشاوير مره أمه مره جداته وانا ضحيه ساكته والله كريم والغم إنو ما يبيني أروح بعد ما أولد النفاس عند أمي يقول نفسي هنا عندي أمه بس أقنعته اروح أسبوعين وأرجع بس بحاول معه اجلس فتره أطول عند أمي .


خخخخخ كأني تكلمت كثير ههههههه

[um saloom]

لا شكلك حظنك صدق متضايقه ربي يسهلك ولادتك وتولدين بسلامه

بس مثل ما قالتلج الماسة شوي شوي عشانج بعد وعشان الجنين

ربي يسهلك ان شاء الله وعليج بقراءة آيات مريم

[!اميرة الورد!]

حظنك يدفيني

انتي غلطتي ترا مايجوز طول ما انتي تمشين والملايكة تلعنك

هو صح يقهر زوجك بس كل الرجال كذا مالنا غير الصبر

انتي كم لك بالتاسع

الماسة

ماله حق زوجك المفروض شي بديهي تنفسين عند امك وخاصتا اذا كنتي بكرية

بس مثل ماقلتي قوليله اسبوعين وعاد خلال الاسبوعين قولي والله تعبانه اتركني كم يوم وكل

مرة زيدي كم يوم يعني سايسيه

والله يقومنا جميعا بالسلامة