سيدات ليبيا الحبيبات ..تفضلووو

[أم أجنادين 80]

ام اجنادين
حبيبتي وسعي بالك انتي في امريكيا وهكي تقولي ع الدكاترة امالا كانك هنا شن تقولي احمدي ربي انك غادي كلهم دكاترهم ممتازين واجهزتهم حديثة وتحاليلهم سليمة باذن الله واكيد الدكتورة شايفة الوضع طبيعي بس انتي خايفة حبتين من كترً ماتقري

<<<<<<<<<<

هلا سالي

تعرفي انا الدكتورة مش عاجبتين لان ملاحظة عليها نها اضيع بجديات

هههههههههههه تجيها لحظات تفصل زي مانقولوا

مرة وانا مش حامل لما كنت نمشيلها تحكي تحكي وبعدها قالتلي عم تاخدي فيتاميناتك

قلتلها فيتامينات شنو

وهيا مش واصفتلي قبل اي شي

واخر مشيتلها

بعد ماكشفت عليا قالتلي بنعطيك ملين للامساك ونكتبلك اجازة طبية

لما طلعت نستهم غير انا فكرتها

ومش انا ملاحظة هالشي حتي زوجي

ممكن لانها عندها هلبة مرضي والله اعلم


بس من حقي نخاف خصوصا انخفاض الهرمون هدا يأثر علي نمو الطفل وذكائه ولو بناخد علاج مفروض ناخده الشهور هذه

[خوله 2014]

السلام عليكم ورحمة الله وبركاته
كيف حالكم يا بنات كلكم نفره نفره والله ليييكم وحشة ليييين خلاص المهم سامحوني عالغياب غر بس كنت لاهيه ودرت لمتي وجت كيييف ما نبيها واحسن بهلللللبا والحمد لله وان شاءالله تو انزلكم الصور غر قاعدات في الكاميرا باش تعطوني رايكم

[dr.loly]

أم فروسي
حبيبة قلبي ،،،،،،،،،،،،،
لابأس طهور
إن شاء الله كفارة ذنوب ،،،
تشتكي من قبل من اللوز ؟؟؟؟؟؟؟؟؟؟؟؟؟؟

كيف حال الأطفال ؟؟؟ فطمت الولي !!!!!!!!!

مبارك الحويجات تبيديهم بعرق العافية يارب ،،،،،
امتى عرس أوخياتك إن شاء الله ؟؟؟

مرحبا اثوووره نورتينا من بعد غياب هل هلال العيد علينا
والله لايوريك باس عزيزتي
اي نشكي منهم من ذفوله وياكثر ماتعبووووني بس ليا سنووااااات ناسيتهم الحق

نفطم لولي.؟ هههه انحس فيه زي الحلم المستحيل تنفيده حاليا ههههه

تبي دعم من ماما المسأله هذه




وفرح خواتي ان شاء الله 14.9

[dr.loly]

جنوده الله يكون في عونك مع وحم وغربه وقرايه

بالنسبه للزنجبيل متوفر ف محلات اكيييد يعرفوا البهارات

هم بصفه عامه ...؟

ولا قعدت نحس في فرق كبير بين بريطانيا وامريكا الحق هنا كل شئ متوفر

واكثر حتي من ليبيا ههه

بس كان ماحصلتيه بالك تلقي ف امازون هههه مع ان ف اختلاف بيناااا


انا مره طلبت منهم حبهان مطحووون وزعتــر
وبعدها ريحان وجوزة الطيب مطحونات


رغم انهن متوفرااات ب الستور الحلال بس قلت نجرب منهم

خصيصا كان الديلفري ثاني يوم يجي طوول


من محل خاص بالبهااارات




بالنسبه لمضغ لوبان تصدقن اوشـــي وجنوده


فعلا ف فراس صارلي سماكه ف عنق الرحم


مش حاكيتلكم من قبل ان الليه قعدت فيا 3 ايام بقوةة

ازعمه ... منه ؟؟؟؟؟؟؟؟؟؟؟؟؟؟؟؟؟؟

اول مره نسمعها هالمعلومه ياريت اوشي تقولنا عليها بضبط...


بس نا مضغته ف الثاني نذكر ومش بكثره عمتي ام زوجي قالتلي عليه



بس مع لك سلفتي ديما تمضغ فيه وماشاء الله ماتتعبش ف ليه و لاجياب نفسي

[dr.loly]

فيفي الله يبارك فيك عزيزتي

شخبار الاموووره شن قررتوا تسموها والا مازلتي محتاره..؟


انحس في اسماء البنات ايحيرن اكثر من الاولاد

[dr.loly]

المشاركة الأصلية كتبت بواسطة خوله 2014

السلام عليكم ورحمة الله وبركاته
كيف حالكم يا بنات كلكم نفره نفره والله ليييكم وحشة ليييين خلاص المهم سامحوني عالغياب غر بس كنت لاهيه ودرت لمتي وجت كيييف ما نبيها واحسن بهلللللبا والحمد لله وان شاءالله تو انزلكم الصور غر قاعدات في الكاميرا باش تعطوني رايكم

وعليكم السلام ورحمة الله وبركاته

ماشاء الله الحمدلله انها جت أحسن ماتبي
وانتي كنتي مركزه عليها واجد من ايام حملك
فأكيد كانت ح تذلع حلوة
ونستنوا في الصووووور راك تنسي....؟


وكيف حال الامور الصغير؟؟

[dr.loly]

سوسو مش من عوايدك الغيااااب

هدوووو وينك طمنينا عليك وع اختك؟؟

[fefe93]

السلام عليكم
كيف حالكم اليوم
خولة
كويس درتيي لمتك و جت كيف ماتبي و نستنوا في الصور
ام فراس
الحمد الله كويسه خلاص نبي انجيب
في اسمين في بالي رندا او روان راجلي عاجبه روان قالي احلي

[اوشي]

السلام عليكم ورحمة الله وبركاته

[اوشي]

كيف حال الكل وشخبار الجميع وايش الحال والاحوال

ههههههههههه