تجمع الجزائريات الغاليات المتأخرات في الحمل ‏

[ام عمر و هبة]

السلام عليكم واش راكم كلكم ان شاء الله تكونو كامل بخير

ما تزعفو ما والو يجي نهار الي نرفدو ويباركو لنا كيما رانا نباركولهم ونفرحولهم ربي كي يحط السبب الاطباء ةيحيرو و كي ينحي ربي السبب حنا نحيرو كلش بربي
انا شحال قسيت من الهدرة بصح ماكاش هدرة توجعني قد هدرة تع عجوزتي راهي حابة تقنع وليدها باش يعاود يزوج وديما تبيكيني كي نكونو عندها تبدا تقولو صحابك كامل راهم بولادهم وكي نتفكرك نبدا نبكي هو مسكين ينوض يخرج و ان نبقا نمص في القارص و لي توجعني كثر وكثر كي لافامي تع راجلي يرفدو يقولي راس لوكان غير كاش ما يصرالي ما نحضرش القهوة ولا السبوع ولا كاش ما يديرو
اييييه واش نحكو واش نخلو راكم لعبتو على الوتر الحساس في حالتنا كل التوتر الي رانا عايشينو بسبب النظرة تع الناس

فكرتني اخت نور الهدى على بلغربية انا رحت عندو والله غير قالي ماعندي ما نديرلك بنتي روحي وما تزيديش توالي ايماجينو كل ما نروح عند كاش طبيب يقولولي نفس الهدرة و الله غير نحشم من راجلي نقولو قالولي استناي تتحسن حالتك ووالي نداويوك وهو فايقلي ويقولي خليها على ربي وخلاص و الله غير صعيب تنحيها من بالك انا وحدة مستحيل نرقد ولا ننوض بلا ما نفكر في الدراري وليت ما نقدر نفكر في حتى حجا واحد اخرة غير هذه الفكرة كيفاش راح نرفد انا ووقتاش ربي يكون في العون وان شاء الله يفرحنا في القريب العاجل

[bara]

صباح الانوار

المشاركة الأصلية كتبت بواسطة nourelhouda

لاحول و لا قوة الا بالله العلي العظيم،،، اختي برا و الله الناس هبلت واش دخلها سلفت عجوزتك الله يهديها برك،،،،،
اسما نصبرو واش نديرو،،،، انا رجعت نحس الناس تستشفى فيا مافهمتش علاش،،،،،، من هدرتهم الجارحة و كلامهم المسموم،،،،
انا درك راني صليت ركعتين قيام الليل و راني نستغفر رفدت راسي باش ندعي و شفت الحيوط تاع داري و الستائر تقول اول مرة نشوفهم تفكرت نهار دخلت لداري و انا عروسة شحال كنت فرحانة و نشري و نوجد و نتول تفكرت بلي كنت ناوية نبدل الستائر تاع داري نهار اللي نولد و ندير عقيقة،،،،، درك شفتهم هما هما مابدلتهمش كامل غاضتني عمري بزاف،،،،،،و درك راح نرحل من هذ الدار في اوت و انا مافرحاش فيها كيما دخلتها كالم راح نخرج منها كالم،،، كيما دخلت انا وحدي كيما راح نخرج منها وحدي لا بيبي لا ذراري لا والو،،،،،، عييت و كرهت راه هبطلي المورال راه يحفر ذاق خاطري بزاف ماعرفتش لوين انصد، علابالي راح تقولولي اصبري و استغفري،،،، راني صبرت و راني نستغفر بصح قلبي عيا و راسي راح يطرطق من التفكير و رغبتي في الحنل زادت فوق حدها لدرجة لوكان تجيني الدورة هذ الشهر بالاك نهبل ،،،،،،، ربي اغفرلي و يسرلي،،،،،

اله يهديهم ولله هبلو

المشاركة الأصلية كتبت بواسطة amal jadid

مكنتش حابا ندخل و نكتب بصح و الله نقلك حاجا

رانا في نعمة

والله وواش راني نقولو من قلبي

تعلمت صوالح بزاف بلا الدراري و منزيدش نحزن خاطرش عندي امل في ربي يجي نهار
واذا مجاش نحمد ربي لانو دراري ماشي كلش في هاذي الدنيا

شعال من وحدا متزوجوش ممبا

هاديك واش تحكي؟؟؟

شعال من وحداا راجلها عندو 0 حيوانات منوية و معندوش حتى امل هاديك واش تحكي؟؟؟


شعال معندهاش مبايض او حكمها كونسار ربي عافينا هاديك واش تحكي؟؟؟

انا شفتهم بنات في عمر الزهور منحيينلها الرحم كامل بالمبايض حكمها كونسار هاديك واش تحكي؟؟

تموت؟؟ عايشين والله بالاك خير مني

لانو الحيات ماشي غير دراري

كاين مليار حاجا راهي معطلتنا عليهم جريتنا للدراري

مضيعين حاجات بزااااف

كي ترفدي يبانولك شعال من سنا راحو في تخمام

انا وكلت امري لربي و عندي ثقة في ربي ميضيعنيش خلاص عيشي حياتك عادي و ربي يفرج

وقولي كلامي قاسي

بصح هادي هي الحقيقة المرة الحمد لله رانا خير من غيرنا

ولله مغلطتي راه قالهالي راجلي وحمدلله على كل حال
امال ولله توحشتك رانا قع مش نتلاقاو انا راه كونيكسيو تتقطع

المشاركة الأصلية كتبت بواسطة ندى الوردة

صباحكم ورد ورياااحين

صباح الانوار متعرفناش ندى الورد

المشاركة الأصلية كتبت بواسطة asma layal

بارا ناس كيما سلفت عجوزتك ندعولهم بالهداية وخلاص

ناس جاهلة الله غالب

ربي يفرحك ان شاء الله في القريب العاجل

امين وانت اختي وجميع بنات تجمع

المشاركة الأصلية كتبت بواسطة امال3

السلام عليكم بنات

وعليكم سلام واش احوالك امال ان شاء الله بخير

المشاركة الأصلية كتبت بواسطة bassouma

لبنات صباح الخير
نور الهدى أنا نقرى في كلامك و قلبي يتقطع واش نديرو الحمد لله مزية لي نعمة أطفال يمدها و لا ما يمدهاش تجي منعند ربي ماشي منعند العباد ربي يفرج علينا و يحل حزامنا و يرزقنا الذرية الصالحة

ان شاء الله الله يهديهم
واش احوالك بسومة كملتي خلطة ولا مزال
انا شرية الاعشاب ووجدة الزيت لكن الاسف مدرتهاش عجوزتي جات من العمرة ولله مصبة نديرها

المشاركة الأصلية كتبت بواسطة ام عمر و هبة

السلام عليكم واش راكم كلكم ان شاء الله تكونو كامل بخير

ما تزعفو ما والو يجي نهار الي نرفدو ويباركو لنا كيما رانا نباركولهم ونفرحولهم ربي كي يحط السبب الاطباء ةيحيرو و كي ينحي ربي السبب حنا نحيرو كلش بربي
انا شحال قسيت من الهدرة بصح ماكاش هدرة توجعني قد هدرة تع عجوزتي راهي حابة تقنع وليدها باش يعاود يزوج وديما تبيكيني كي نكونو عندها تبدا تقولو صحابك كامل راهم بولادهم وكي نتفكرك نبدا نبكي هو مسكين ينوض يخرج و ان نبقا نمص في القارص و لي توجعني كثر وكثر كي لافامي تع راجلي يرفدو يقولي راس لوكان غير كاش ما يصرالي ما نحضرش القهوة ولا السبوع ولا كاش ما يديرو
اييييه واش نحكو واش نخلو راكم لعبتو على الوتر الحساس في حالتنا كل التوتر الي رانا عايشينو بسبب النظرة تع الناس

فكرتني اخت نور الهدى على بلغربية انا رحت عندو والله غير قالي ماعندي ما نديرلك بنتي روحي وما تزيديش توالي ايماجينو كل ما نروح عند كاش طبيب يقولولي نفس الهدرة و الله غير نحشم من راجلي نقولو قالولي استناي تتحسن حالتك ووالي نداويوك وهو فايقلي ويقولي خليها على ربي وخلاص و الله غير صعيب تنحيها من بالك انا وحدة مستحيل نرقد ولا ننوض بلا ما نفكر في الدراري وليت ما نقدر نفكر في حتى حجا واحد اخرة غير هذه الفكرة كيفاش راح نرفد انا ووقتاش ربي يكون في العون وان شاء الله يفرحنا في القريب العاجل

ان شاء الله ربي يرزقك بتؤام عمر وهبةفي القريب العاجل

[Nourelhouda]

كل وحدة ربي ابتلاها بحاجة في هذ الدنيا و كل وحدة راهي تشوف بلي غير هي اللي بلوتها اعظم،،،،،،، رانا نشوفو في ناس ربي اعطالهم كلش و هكذاك جهلو،،،،، راني نحمد ربي صبح و عشية على نعمة الصحة،،،، بصح كي ماشي الدراري كلش في هذ الدنيا علاش الواحد يتزوج؟؟؟؟؟ كون هكذا كون قعدت في دارنا و خلاص، اسمحيلي هذ الهدرة تاع الدراري ماشي كلش في هذ الدنيا هدرة نقولوها فوق القلب برك باش نصبرو روحنا،،،،،،
راني نشوف في الذرية تاع درك كيفاش راهي دايرة و الناس كامل لحقو يحلو فمهم يقولو ربي هناك ربي يحبك ما اعطاكش ذراري و الله مصيبة؟؟؟؟ حتى في هذي يحسدو و يجرحو،،، و انا نقوللهم ايه عندكم الحق على خاطر ماحسيتوش،،،،، انا راني حابة نجيب ذراري نربيهم نسهر معاهم يمرضو نداوي يقباحو نعاقب نفرح بيهم قدامي يكبرو، نشريلهم نقريهم نفرح بنجاحهم نزوجهم نفرح نهار نرجع جدة ،،،،،،، كي نشوف مصائب الناس ننسى مصيبتي بصح حتى انا راني مبتلية و الحمد لله،،،،،

[AMAL JADID]

المشاركة الأصلية كتبت بواسطة nourelhouda

كل وحدة ربي ابتلاها بحاجة في هذ الدنيا و كل وحدة راهي تشوف بلي غير هي اللي بلوتها اعظم،،،،،،، رانا نشوفو في ناس ربي اعطالهم كلش و هكذاك جهلو،،،،، راني نحمد ربي صبح و عشية على نعمة الصحة،،،، بصح كي ماشي الدراري كلش في هذ الدنيا علاش الواحد يتزوج؟؟؟؟؟ كون هكذا كون قعدت في دارنا و خلاص، اسمحيلي هذ الهدرة تاع الدراري ماشي كلش في هذ الدنيا هدرة نقولوها فوق القلب برك باش نصبرو روحنا،،،،،،
راني نشوف في الذرية تاع درك كيفاش راهي دايرة و الناس كامل لحقو يحلو فمهم يقولو ربي هناك ربي يحبك ما اعطاكش ذراري و الله مصيبة؟؟؟؟ حتى في هذي يحسدو و يجرحو،،، و انا نقوللهم ايه عندكم الحق على خاطر ماحسيتوش،،،،، انا راني حابة نجيب ذراري نربيهم نسهر معاهم يمرضو نداوي يقباحو نعاقب نفرح بيهم قدامي يكبرو، نشريلهم نقريهم نفرح بنجاحهم نزوجهم نفرح نهار نرجع جدة ،،،،،،، كي نشوف مصائب الناس ننسى مصيبتي بصح حتى انا راني مبتلية و الحمد لله،،،،،

انا حبيت نرمي عليك الماء باش تفطني شويا

تكملي في البيسيميست و السلبية مترفديش اديها رسمي من عندي

و كانت وحدا معانا ربي يذكرها بالخير هي وراجلها تحاليلهم سليمة 6 سنين بلا ذراري كل يوم مضاربا مع الراجل

في التالي نسات الحمل درك راهي ام و الله مادارت والو


حنا رانا نشوفو لروحنا مساكن كيفاش مستغربينها الناس تشوف ليك مسكينا !!!

انتي راكي تشوفي لروحك مسكينا

لالا انا مانيش مسكينا

السلبية متجيبلك غير السلبية

والله كاين الي حاسدينا

تصوري انو 2 تزوجو مورايا درك راهم بولادهم والله غير حياتهم جحيم كل يوم مضاربا نسمعهوها عليهم انا وراجلي
و درك راهم في الطلاق انا كي سمعت راسي حبس


عندهم الدراري بصح حيات نكد انا وراجلي معندناش ضفرو بصح منكدش عليه كلما يجي نبكي !!!!

شوفي للنعم الاخرى الي مدهالك ربي و احمديه متشوفيش من الزاوية الذيقة و تبعي بليس يديك للهاوية


شوفي روحك هانيا الناس بسيف عليهم يحترموك و يعرفو بلي قوية


مرة من المرات قعت نحكي مع وحدا على الدراري حتى حشمت من روحي

المرا مزوجينها بواحد عندو 0 ميولدش و مخبيين عليها من قبل الزواج و عرفت من بعد

تصوري قعدا في وسطنا 2 تصبر فيهم انا قعدت مذهولة

نحيو السلبية و الي حب يهدر يهدر على روحو اااا
جيبي دراري يعودو يهدرو على حاجا اخرى هادو هوما الناس

[bassouma]

أهلا بارا واش حوالك كيفاش جات عجوزتك كانش ضياف و وقاف هههه
أما على خلطة كملتها سبت لي فات
نور هدى قلتلكم سمنا لي فاتت طبيبة قاتلي ننصحك بتلقيح صناعي و عولت نديره منقعتش نستنا و عمري يفوت لواحد راه ماشي و يكبر و فرص تقل دعولي ربي يسهل

[bassouma]

أم عمر ربي يهديها عجوزتك
أمولة أهلا واش راكي لاباس أنا منوافقكش الرأي لزم لواحد يقفز مع روحه و يجري ماشي مجمع و حاط يده على خده و يقول ما جابش ربي كما خدمة لواحد لكان ميتعبش ما يكلش نديرو أسباب و ربي رزاق

[AMAL JADID]

المشاركة الأصلية كتبت بواسطة bassouma

أم عمر ربي يهديها عجوزتك
أمولة أهلا واش راكي لاباس أنا منوافقكش الرأي لزم لواحد يقفز مع روحه و يجري ماشي مجمع و حاط يده على خده و يقول ما جابش ربي كما خدمة لواحد لكان ميتعبش ما يكلش نديرو أسباب و ربي رزاق

كامل رانا نسببو و مقلتش متسببش

انا راني نحكي على السلبية و نضرت الناس

حتى الي الاطباء قالولهم معندكمش امل وراهم يتسببو حتى ولو بالدعاء

لكن السلبية متولد غير السلبية

والله بزاف بنات محملوش برك من هادا المشكل

الجسم تاعك يتفاعل مع السلبية و يولد معاه امراض عضوية
ماشي برك تعطل الحمل
حتى رسول صلى الله عليه و سلم قال نتجنبو مايحزن

[AMAL JADID]

الي راني نقولو لمصلحتنا كامل

العامل النفسي عندو دور كبير في العلاج

رانا نشوفو بزاف طلعلهم الحليب

من واش

اكثرهم من العامل النفسي

العامل النفسي ينقس الخصوبة بالنصف معناها في عود احتمال الحمل يكون 40 بالمية يوليلك 20 بالمية
حتى و تعملي تلقيح
و كاين الي في علاجاتهم يمدولك ادوية نفسية قبل التلقيح او اطفال الانابيب

لانو العامل النفسي مهم و عندو دور تصورو انو ييبس قنوات فالوب
وتصورو انو يتسبب في رحم زلق حتى البويضة متلسقش في الرحم

حتى الشواطن يتلايمو على العبد نهار يكون فشلان و قلقان و يبكي لانو في ضعف يتمكنو منو
وتلقاياه يتوسوس كثر من كي تكوني في العادي
و تلقاياه تانيك يتمكن منك

[Nourelhouda]

امال انا راحلي غندو صفر حيوانات منوية و دارولو الخزعة و مالقاولوش الخلايا غير ناضجة و غير قابلة للتلقيح و هكذاك حمدنا ربي و شكرناه و قلنا ربي يجيب،،،،
الهدرة اللي هدرتها مافيها حتى سلبية انا ماقطعتش لياس الحمد لله راني عارفة و متأكدة بلي ربي يرزقنا في القريب العاجل بصح الله غالب رانا من شحم و لحم و قلبنا راه لحمة و نحسو ايام نكون الحند لله مقتنعة بقضاء الله و قدره و ايام الله غالب مع عباد الله اللي تساميهم يخلوك تخرجي طريق رغم اني معاهم ندير روحي قوية بصح كي نكون وحدي مانقدرش نصبر مانحملش و نتفكر الهدرة تقيسني و توجعني،،،،،،، الحمد لله على كل حال،،،،،
انا راجلي منو المشكل و دار عجوزتي عارفين بلي وليدهم منو و هكذاك و لوستي تقولي زعمة صح خويا منو،،،،، يعني واش راهي تحوس ؟؟؟؟ و راكي تشرفي البنات واش راهم يحكيو،،، و على اللي عندهم ذراري و ماشي هانيين خلينا نشوفو للي عندهم و ذراري و راهم الحمد لله عايشين حياة جميلة و سعيدة ربي يكمللهم،،،،
السلبية يا امل انت راكي تشوفي فيها راكي تخرجي روحك من الواقع اللي راكي فيه تاع ماكاش الذراري و تربطيه بالسلبية من واش راكي تشوفي من عند نسبة من الناس،،،،،، علاش انت و راحلك ماتشوفوش للتاس اللي عندهم ذراري و راهم الحمد لله هانيين؟!؟!؟!؟!؟

و بلا هدرة الناس قوليلي كي تروحي للسوق و لا حوانت تاع اللبسة تاع الذراري ماتحسيش بحاجة في قلبك تعصرك؟؟؟ ملي كنا صغار و نلعبو بيتة نديرو روحنا تزوجنا و من بعد نديرو روحنا بالحمل و بلي ولدنا و نحكمو البوبية زعمة بنتنا،،،،،، انا هذو كامل عشتهم و ياما كنت ندير مخايد في كرشي باش نلعبها بالحمل و نشوف روحي في المرايا كيفاش نبان بكرشي هههههههه تفكرت راني نضحك،،،،،، الله يرزقنا،،،،

[bassouma]

أمولة ربي يفرج و خلاص
أنا راني كيما نور الهدى راجلي قاع معلبلهش يخسر عليا غير ربي يجيب ميحب يروح لطبيب و لا ياكل دواء