تجمع الجزائريات الغاليات المتأخرات في الحمل ‏

[basouma26]

المشاركة الأصلية كتبت بواسطة 20 سنة انتظار

يعني دارولك الانسولين ؟ حنونة ياك غير خلال فترة الحمل برك ؟؟؟ و على الجنين باذن الله ما كاين غير الخير بصح انتي ثاني سقسيهم و رجعيلنا الخير
و الحمد لله الطبيب متفهم هكذا بعدا تبقى معاك مرات ,,ما نقولوش متتوحشيهاش بصح كومام شوية


اهلا بسومة لاباس حبيبتي و نتي ؟ حتى انا توحشتكم كاملين

ايه نور الهدى دارولي لانسولين قالولي حتى نولد ان شاء الله و بالاك نكمل بيها من بعد الولادة حتى يعاود يتريقل وحده ان شاء الله و بالنسبة للبيبي راني دايرة اليوم ان شاء الله نجبدلهم عليه و نشوف واش يديرولي

و الانترنت ايه عندي في البيسي هنا في السبيطار تخلصي 3 اورو و 50 سنتيم مدة 3 ايام و يطلقولك انترنت و ادا ما عندكش بيسي يزيدو يكرولك بيسي ب 3 اورو

[bassouma]

أمال إن شاء الله نصبر معندي واش ندير واش راكي تحسي فرحم أنا تقولي حاجة راهي تتحرك عمري ما حسيت كيما هكذا خطرش هي مليحة لسحر الأرحام

[basouma26]

المشاركة الأصلية كتبت بواسطة bassouma

لخلطة لبارح 4 أيام ونانديرها منجمتش نرقد قعت كي نغمض عينيا تقولو شيطان يقابلني منظر منجمش نوصفهلكم قعت غير نستغفر و نقرى فالقرأن

لازم تكمليها و تصبري و داوميها حتى ان شاء الله ما تزيديش تشوفي هادوك الكوابيس و ربي يفرحك ان شاء الله

المشاركة الأصلية كتبت بواسطة غفران شكران

السلا م عليكن ورحمة الله وبركاته اسعد الله أوقتكن جميعا واستهل حديثي بالدعاء لبسومة بالشفاء العاجل والفرج القريب لكل محرومة وان يفرح قلوبكن بالذرية الصالحة أجمعين قولوا ااااااااااامين

ربي يخليك اختي غفران و راهم كاين زوج بسومات وحدة بالنميرويات و وحدة بلاش المهم ربي يشافينا في زوج ان شاء الله و ربي يفرج عليك و يفرحك عن قريب ان شاء الله

[AMAL JADID]

المشاركة الأصلية كتبت بواسطة bassouma

أمال إن شاء الله نصبر معندي واش ندير واش راكي تحسي فرحم أنا تقولي حاجة راهي تتحرك عمري ما حسيت كيما هكذا خطرش هي مليحة لسحر الأرحام

انا مانعرف اذا توسويس ولا عادي بصح كلي برا رقيقة تدخل و تخرج صراتلي 2 مرات
شكيت توسويس انا طالما مرقيتش منقدر نتأكد من والو

بصح منامات الي نمتهم يقولو كاين حاجا

مرة نمت ليباري و وين نشوف و نحوس يقولو روحي ترقي بصح واش بالضبط كاين مانعرف

[bassouma]

بسومة إن شاء الله ربي يشافينا كامل تدخلتي في شهر 4 و لا مزال
أهلا غفران واش راكي حنونة
لبنات أمومة منيش عارفا مالها الخميس لي فات راحت عند طبيبة و قالتلها مسمعتش نبض الجنين و قلتلها رجعي أسبوع هذا و معاودتش دخلت يارب تكون بخير هي و جنين و ربي يثبت حملها

[basouma26]

المشاركة الأصلية كتبت بواسطة amal jadid

انا مانعرف اذا توسويس ولا عادي بصح كلي برا رقيقة تدخل و تخرج صراتلي 2 مرات
شكيت توسويس انا طالما مرقيتش منقدر نتأكد من والو

بصح منامات الي نمتهم يقولو كاين حاجا

مرة نمت ليباري و وين نشوف و نحوس يقولو روحي ترقي بصح واش بالضبط كاين مانعرف

امال ربي يشافيك ان شاء الله بصح هداك ماشي توسويس اللي تكون عنده اي حاجة بالرقية تبان و اللي معنده والو كي يرقي ما يشوف والو و علاش الراقي كي يرقيلك و يشوف اي اعراض يعرف اذا سحر او مس او عين علاخاطرش كل حالة تبعها اعراض ما

[AMAL JADID]

المشاركة الأصلية كتبت بواسطة basouma26

امال ربي يشافيك ان شاء الله بصح هداك ماشي توسويس اللي تكون عنده اي حاجة بالرقية تبان و اللي معنده والو كي يرقي ما يشوف والو و علاش الراقي كي يرقيلك و يشوف اي اعراض يعرف اذا سحر او مس او عين علاخاطرش كل حالة تبعها اعراض ما

علابالي اختي بصح انا راني نرقي لروحي واحد مراه يرقيلي

و كي ترقي لروحك و مثلا تتقياي رغاوي
تروحي تقولي لكاش واحد يقلك كليتي حاجا مسعداتكش
بصح تقولي للراقي يقلك كاين حاجا بصح ماشي كامل رقات يفهمو
كاين الي يقلك توسويس كيما مع الحمل الكاذب

[basouma26]

المشاركة الأصلية كتبت بواسطة bassouma

بسومة إن شاء الله ربي يشافينا كامل تدخلتي في شهر 4 و لا مزال
أهلا غفران واش راكي حنونة
لبنات أمومة منيش عارفا مالها الخميس لي فات راحت عند طبيبة و قالتلها مسمعتش نبض الجنين و قلتلها رجعي أسبوع هذا و معاودتش دخلت يارب تكون بخير هي و جنين و ربي يثبت حملها

ان شاء الله يشافينا كاملين يا رب و بالنسبة للشهر الرابع نورمالمون 28 في هاد الشهر ان شاء الله نكمل 3 و ندخل في الرابع ان شاء الله اذا كان الحمل مليح و الله ما راني عارفة سيرتو راني نحس روحي خفيفة و كرشي راهي تبانلي هي هي ربي يجيب الخير برك

و امومة و الله كنت نخمم فيها اليوم الصباح يا درى وين راهي ان شاء الله يفرحها ربي هاد المرة و تشوف ولدها و لا بنتها بين يديها يا رب

[غفران شكران]

والله أختي أمل الحمد لله انت انشاء الله تكوني بخير لقد قرأت الأرشيف ووجدت مشاركتكم على خصوبة الرجل سأحاول أفادتكم انت وبانة وانوسنام وأخواتي الآتي لم اذكر اسماءهن في هذا الموضوع ولكن تأكدي انت وأخواتي الكريمات انني في مجال عملي في مخبر التحاليل لاحظت آلاف الحالات من الرجال تراجعت خصوبتهم كثيراً كأنه داء العصر شفاهم الله ورزقهم وإياكم ولكن اريد ان أبشرك ان هناك نساء حملن رغم ضعف أزواجهن فصدقيني ان هناك واحدة حملت وعدد المني عند زوجها 2 مليون فقط وبحكم تجربتي في هذا الميدان انصح المراة بالمتابعة لان مشاكلها عديدة اما الرجل قد تكفيه التغذية الجيدة احيانا ليتحسن منيه انتظر اي تعليق او استفسار واسأل الله الرزاق ان يفرحكن جميعا. أختكم غفران

[basouma26]

المشاركة الأصلية كتبت بواسطة amal jadid

علابالي اختي بصح انا راني نرقي لروحي واحد مراه يرقيلي

و كي ترقي لروحك و مثلا تتقياي رغاوي
تروحي تقولي لكاش واحد يقلك كليتي حاجا مسعداتكش
بصح تقولي للراقي يقلك كاين حاجا بصح ماشي كامل رقات يفهمو
كاين الي يقلك توسويس كيما مع الحمل الكاذب

شوفي اختي امال انا كنت دايما نرقي لنفسي اصلا يقولك كي ترقي لروحك احسن

و بالنسبة للتوسويس ما ديري حتى على واحد السحر كاين و العين و المس و اندارت الرقية باش نعالجو نفسنا بالقرآن الرسول صل الله عليه و سلم و سحروه و سيدنا جبريل رقاله