تجمع الجزائريات الغاليات المتأخرات في الحمل ‏

[jiji belle]

خولة حنونة واشك يا العميرة؟
توحشتك
بنات ما تروحوش دورك نرجع

[bassouma]

بارا راني مقهورة و بكيت بزاف على صحبتي صحبات أخر زمن راهي في 20 يوم كانت دايرتلها روطار و أنا على نيتي نقولها ديري تاست تقولي لالا منحبهش قتلها روحي لطبيبة قاتلي موالفا ديرلي روطار و منبعد قاتلي جاتني و لبارح قاتلي طبيب تاعي قالي ريحي من كامل دواء وحد 6 أشهر و رجعي و ليوم عيطتلي صديقة وحد خرى قاتلي راهي بالحمل و ماراهيش حبا تقولك غضتني عمري أنا منحسد حتى وحدة كل واحد و قسمته

[jiji belle]

بسومتي ما تقلقيش روحك ربي يسهل على كل واحد
بصح ممكن خافت على مشاعرك على هاديك ماقتلكش
حنا مانخموش كيما هاك بصح للاسف الناس يشوفونا هاك الله غالب
هذا ابتلاء و ما علينا غير نصبرو

[غفران شكران]

الى كل أخواتي الكريمات انضم اليكن اليوم فالسلام عليكم جميعا وأرجو من الله ان يهب كل محروم سبحانه القادر الوهاب فمن خلال تجربتي لهذا الموضوع (تاخر الإنجاب ) واحتكاكه في ميدان عملي بسيدات مررن بهذه التجربة ارجوا من الله ان يوفقني وأساعد كن أخواتي لتجاوز هذه الأزمة بقلوب راضية لحكمه تعالى

[bassouma]

بصح هي كنت مشاركتها في كلش أي حاجة نسمعها على إنجاب نقولهالها بصح كي حملت مولاتش تعيط و منبعد عيطتلي لبارح و قاتلي كانش جديد قلتلها عادي و هي خبت عليا علاه أنا خدي نروح نحيهلها هذا مكتوب ربي حتى وحد ما يقلع مكتوب الأخر

[bassouma]

المشاركة الأصلية كتبت بواسطة غفران شكران

الى كل أخواتي الكريمات انضم اليكن اليوم فالسلام عليكم جميعا وأرجو من الله ان يهب كل محروم سبحانه القادر الوهاب فمن خلال تجربتي لهذا الموضوع (تاخر الإنجاب ) واحتكاكه في ميدان عملي بسيدات مررن بهذه التجربة ارجوا من الله ان يوفقني وأساعد كن أخواتي لتجاوز هذه الأزمة بقلوب راضية لحكمه تعالى

أهلا أخت غفران مرحبا بيك معانا الدار دارك
مين إنتي و شحال عندك زواج و شاهي مشكلتك

[حياتي قمراتي]

الحمد لله جيجي العميرة حتى انا توحشتك واش راه معاك الكبدة تاعك ؟ هههه و لا شبعتي
بسومة متقلقيش روحك ربي يهدي ما خلق

[حياتي قمراتي]

اهلا غفران خيتي مرحبا بيك بيناتنا

[صبورة]

السلام عليكم
واش راكم لبنات كامل عويناتي توحشششتكم

[غفران شكران]

شكرًا أختي بسومة على ترحيبك لي أنا متزوجة منذ اثنتي عشر عاما وعندي طفل وحيد أكرمني به الله بعد عشر سنوات من الانتظار ومن خلال تجربتي ومجال عملي أردت مساندتكم عسى الله ان ينفع بي أخواتي وساحليه لكن تجربتي كاملة لاحقا