تجمع الجزائريات الغاليات المتأخرات في الحمل ‏

[أم نهى الجزائرية]

مساء الخير بنات واش حوالكم كامل توحشتكم

اليوم ما قدرتش ندخل كانو عندي ضيافجاو لوساتي و جدات راجلي و عمتو و مرت عمو و ولادهم عندنا ما قعدتش خلاص راني ميتة بالعيا

كاش جديد لبنات ربي يفتح علينا كامل يا الزينات

[أم نهى الجزائرية]

لبنات ادعيولي ربي ييسرلي غدوة اذا كتب ربي راح نشوفو راقي اخرغير الي كنا متابعين عندو,اول مرة نروحو لعندو في بلاصة خاطي وين نسكنو يا رب يكون انسان مليح و يفتح علينا ربي على يديه اميييييييييييييييييييييييييييييييين يا رب

[AMAL JADID]

المشاركة الأصلية كتبت بواسطة أم نهى الجزائرية

لبنات ادعيولي ربي ييسرلي غدوة اذا كتب ربي راح نشوفو راقي اخرغير الي كنا متابعين عندو,اول مرة نروحو لعندو في بلاصة خاطي وين نسكنو يا رب يكون انسان مليح و يفتح علينا ربي على يديه اميييييييييييييييييييييييييييييييين يا رب

امين اجمعين ربي يسهلك اختي

[امال3]

السلام اعليكم لبنات امل انتي من البليدة ? مرحبا بيك اخت صبرا جميلا انشاء الله ربي الفرحك انتي او كمل لبنات

[أم نهى الجزائرية]

اهلين هاجر مرحبا بيك معانا الدار دارك حنونة في اي وقت تجي الباب مفتوح و اي حاجة تحتاجيها رانا هنا اذا نقدرو ما نبخلوش عليك

قولينا واشي هو المشكل عندك في تاخر الانجاب ؟؟؟؟؟؟؟؟؟؟؟

[امال3]

ام نهى انشاء الله التعب انتاعك ايكون في ميزان الحسنات وانشاء الله تربحي اعلى الرقي الجديد

[أم نهى الجزائرية]

امل قلتي بلي راجلك عندو الحركة 26 بالمية مليحة ماشي ناقصة ياخي التحليل الطبيعي لازم المجموعة الاولى a و المجموعة الثانية b الحركة تاعهم في زوج مجموعها 50% و انت مادام 26 يعني راهو مليح بزاف

انا راجلي عندو الحركة 0 قبل و بعد العملية و الادوية ماكان حتى تغير عندو فيها دايما 0

هو كان عندو العدد ناقص و التشوه بزاف و الحركة 0 بعد العلاج تحسن العدد 35 مليون و التشوه نقص 27 % اما الحركة ما تغيرتش ابدا و هذا هو سبب عدم الحمل عندي يعني الحيوانت جامي يلحقو لللبويضة لانو ماكاش حركة

[أم نهى الجزائرية]

اميييييييييييييييييييييييييييييييين ربي يسمع منكم و الله راجلي قالي ما راح ندير حتى خطوة حتى تكملي الرقية تاعك و الا مارح ندير والو لا دوا و لا تلقيح و لا تحاليل يعني بقالي هذا هو الامل الوحيد يا رب نصفى نهائيا من السحر و يخرج المس الي عندي و نرتاح و الله غير تعبت بزاف و هاد الموضوع اثر على نفسيتي لدرجة كبيرة خلاص

[AMAL JADID]

المشاركة الأصلية كتبت بواسطة أم نهى الجزائرية

امل قلتي بلي راجلك عندو الحركة 26 بالمية مليحة ماشي ناقصة ياخي التحليل الطبيعي لازم المجموعة الاولى a و المجموعة الثانية b الحركة تاعهم في زوج مجموعها 50% و انت مادام 26 يعني راهو مليح بزاف

انا راجلي عندو الحركة 0 قبل و بعد العملية و الادوية ماكان حتى تغير عندو فيها دايما 0

هو كان عندو العدد ناقص و التشوه بزاف و الحركة 0 بعد العلاج تحسن العدد 35 مليون و التشوه نقص 27 % اما الحركة ما تغيرتش ابدا و هذا هو سبب عدم الحمل عندي يعني الحيوانت جامي يلحقو لللبويضة لانو ماكاش حركة

معناها كامل ميتين كي راهي الحركة 0

ربي يسهلك جربي تلقيح المجهري

[AMAL JADID]

المشاركة الأصلية كتبت بواسطة أم نهى الجزائرية

اميييييييييييييييييييييييييييييييين ربي يسمع منكم و الله راجلي قالي ما راح ندير حتى خطوة حتى تكملي الرقية تاعك و الا مارح ندير والو لا دوا و لا تلقيح و لا تحاليل يعني بقالي هذا هو الامل الوحيد يا رب نصفى نهائيا من السحر و يخرج المس الي عندي و نرتاح و الله غير تعبت بزاف و هاد الموضوع اثر على نفسيتي لدرجة كبيرة خلاص

طالما فيك سحر و مس لازم العلاج
بصح هو تانيك لازم يرقي معاك لانو مرات كي يكون الحركة 0 يكون سبب عين مس او سحر حسد

حتى انا قلتلو نروحو نرقو لانو راني نحلم بزاف صوالح

وخاصة القطط و النسا مرات يديولي ولادي او عندي اولاد ميتين او امي تزيد اطفال
او نسا يتحلفو فيا بلي مراحش نولد او يسرقولي اولادي او يغرقوهم ....