اهلا باهل الجود والكرم **اهلا بسيدات ليبيا**

[جوهرة ليبيا]

يومك حلو سوسو

رفعت رنو للملاهي وجمونتي في الكروسه الجو يهبل ماشاء الله

القيت قريبه ليا قعمزنا هدرزنا شوي

ساعه ودهورنا في البلاد وخدينا عشئ ومكسرات وروحنا

[dr.loly]

السلام عليكم ورحمه الله وبركاته

[dr.loly]

ماشاء الله ع الصور جيجي ,,
واضح ان لي مدايرتهم شاطره

من الرز .. لان نحن الرز بالخلطه
في الشرق طبعااا نحبوا الحبة القصيررره

الطويل هذا مستحيل يندااار خلطه عندنا
او نوع اخررر


اول مره نشوف حبة طويله بالخلطه
هكي منظره حلوو وعجبتني فكرةان بالشعيريه حتى..







ماشاء الله ...

[dr.loly]

عندي موعد يوم اتنين المره هادي الدكتوره بتشوف ادا عندي سكر الحمل اولا
تعرفوا بنات وليت انحس في روحي تقيله وندهش بسرعه هدا قاعده في سادس مش عارفه كيف بيكون وضعي في تاسع انشاء الله خير
ماما قتلي تعالي جيبي في ليبيا بس اني قتلها لانه انحس في ليبيا مايهتموش هلبه بالي اتجيب لكن اهني في المانيا اهتمام هلبه اني لما نمشي للموعد متعي نبدا مرتاحه والممرضات مهتمات بيا و حتي الدكتوره لما درلي في جهاز تبدا مهتمه وتوري فيا في كل شي

ان شاء الله خير فيفي وتكون امورك تمام
ذكرتيني بحملي الاول ثقلت بكل لدرجة بعد نقعمز ع ارض
معش نقدر نصبي الا حد يجي يمدلي يديه خخخ

ان شاء الله ربي يتمملك ع خير مجرد ماتشوفي البيبي
كل التعب يهون وينتسى



والحق في ليبيا المستشفيات الحكومــيه حاله
فضيعه ف التعامل مع الصبايا لي يجيبن

لكن مع ذلك ف مصحااات ماشاء الله


في جيبتي لفروسي

شفت اهتمام كبيييير ..

وهوني علياااا بكل ورفعولي معنوياتي

لان اربع ايام ليه كنت بجد منهاره
من كثر الليه ...


وماشفتش ولا وجه عربي ههه

ولدني دكتوره اوكرانيه وفيلبينيه

وقابلتين فيلبينات

ودكتور الاطفال لي يعطوه العيل

عراقي ولي معاه بلجيكيه

وقعدووو .. يقولولي

نيو لفلي بوي كام تو ذا ورلد

زي لي يغنوله هههه

وشالني وغيررلني الروب
لروب فيه خيوووط يساعدن ع رضاعه

وجابولي سفره شاهي بحليب دافي

وعصير فرواله بحليب وتوست وبريوش
وعسل ومربى وكيك

مانسيتهنش لتوا لان كنت جيعاااانه الحق
اربع ايام ع الميه وقرفه هههه


بعد وصلت لداري وحطني ع سرير

شربت لتر ميه ... من كثر ماكنت داهشه هههه


حسيت روحي ااااااااااااه واخير لرتحت


حطيت ع قناة المجد وبديت عاد ف اتصالات

وبشرت جميع الاحباب

وكل شوي يجوني يشوفوا ف حراره
وسكر وضغط

وكل 8 ساعات مضاد حيوي

اوقمنتين عشان تخيطت طيعآ..


وحتى لولي نفس اجوووووو


واجمل شئ في هالمصحه نظافة

كل ساعتين يمرن لي تبي تغير فوطه او ورغان
او روبها .. لان عندهم زي موحد لازم تلبسيه

ف لولي قعدت 3 ايام

لان كان عندي ضغط ولولي بسلامتها جت متنفخه

وجابولي اخصائية رضاعه نذكر عشان سألتهم
مابتش ترضع مني وساعدتني واجد..

نتمني تكون ولادتك ميسره ومش صعبة يااارب..

وحتحسي بهاللحظه بعد تشوفي بنوتك

احلى شعوووور بالعالم فعلآ

[dr.loly]

هدووو ..
ويكند اكيد مع زوجك مكسده عاااد ولا طالعين تدهوروااا

سوما قرب عيد ميلادها صح؟؟



معناها خلاص البيبي الجديد قرب ينافسها خخخخخخخخ

[dr.loly]

أوشتي شن اخباااركم جميعااا وشن جو جبلنا
قالو البيضاء ثــلج صاحو؟

[dr.loly]

أم وسووونه وأثـــوره وأم معاااااااااااد وخوله

ان شاء الله اموركن بخير يارب

////////////

اخواتنا الغايبات ياريت تطمنونا عليكـــــــــــــن

[dr.loly]

جيجي لاباس ع عويناتك
ماعندكش جيوب أنفيه ؟؟

حتي هنا مرات الالم يمد للصدغ والعين

[dr.loly]

صحه الرشده سوسو ..

غداكم امس صح؟؟


ليا مده كبيره عليهااا


قابلتني ماكينتها ف النت يومتهاااا فكرت نشريهااا بعدها
غيرت رأيي

[أثري في مدادي]

السلام عليكم أنا هنااااااااااااااااا
غاطســـــــــــــــــــــــــة في الواااااااااااااااااجب

كيفكم ؟؟؟؟؟؟؟؟؟؟؟؟؟؟