تجمع الجزائريات الغاليات المتأخرات في الحمل ‏

[basouma26]

ام نهى عقلي الجوع و ما راه داير فيك انا و الله ما راني مشتهية حاجة

صبورة و علاش راكي خايفة من الحجامة مليحة بزاف الرسول صل الله عليه و سلم و موصي عليها

اسما واش راكي يا الزينة توحشناك و بسمة هاد ليام مسكينة مارانيش قاع نخليها تنزل من لولي نتاعها ما نجمش نقعد غير موراها مرات تغيضني مسكينة تبغي تهبل بصح كي نهودها اروحي انتي و رجعي الدار كيما كانت نولي نعيط

[lamia zina]

بسومة 26 وصفة ام لجين كاين لي يقولو فيها العنزروت و يانسون و كاين لا و انت واش درتي فيها و قوليلي هي في الوصفة قالت ملعقة بعد الفطور و انت كليتيها على الفراغ فهميني ارجوك و وصفة البصل يخي 3ايام بعد الطهر.
بسومة حبة حلوى هي نهسها زريعة البسباس يخي

[أم نهى الجزائرية]

ياخاه لبنات واش بيكم ما جيتوش راهي بردت الماكلة ولا ما عجبتكمش و بلاك جاتكم مالحة ههههههههههههههه

انا نقولكم الصح الصح ما نستنى حتى واحد كرشي راهي تقروط بالجوع هههههههههههههه

و الي حابة تجي مرحبا بيها الباب مفتوح في اي وقت

[lamia zina]

صبورة ههههه حتى انا نخاف من الحجامة و اكثر شيء من المواد غير معقمة موسوسة

[basouma26]

اسما روحي للطبيب بالاك تقلاق راكي تزعفتي بزاف هادو ليام عندي صحبتي سيرالها كيفك مين تتقلق

[أم نهى الجزائرية]

ضحكتني بسومة و الله غير صدق فيك راجلك ههههههههههههههه

اسومة لالا حبة لحلاوة ما هيش هي زريعة البسباس كل حاجة وحدها السباس يجي طويل كما الكمون و حبة حلاوة تجي مكربعة ههههههههه و صغيرة و ريحتها باينة حلوة بصح ردو بالكم منها يا لبنات راهي تهبط لا تونسيون اذا كثرتو منها

[basouma26]

المشاركة الأصلية كتبت بواسطة صبورة

بسومة26
هههه ضحكني كلام راجلك ..الله يصبرهم معانا خلخلناهم معانا...
حبيبتي الحمل اللي بلا تعب ما يجيش عزيز..ماعليش توجعك ليسطومة وما يوجعكش الرحم انتاعك..و حاجة طبيعية الهرمونات انتاعك راهم يتبدلوا..و ان شاء الله الطبيبة تمدلك دواء او نصائح تتبعيها بلاك ترتاحي ان شاء الله...

كيما قلتي الحمل بلا وحم ما يجيش عزيز و ربي سبحانو داير الوحم باش المراة تعرف بلي حملها راه طبيعي و اذا حست فجاة بلي راح تعرف بلي حاجة غير طبيعية كاينة سبحان الله

عقبال ما تجرب كل وحدة وحمها كيفاش بالنسبة لي عندي غير ليسطومة ايا ان شاء الله كل شهر تجي وحدة تحكيلنا على وحمها

[ASMA layal]

بسومة يعطيك الصحة اختي صح بزاف قالولي من التقلاق ان شاء الله نروح لطبيب ونشوف واش يقولي

[أم نهى الجزائرية]

ههههههههههههه يا لخوافات فقت بيكم اااااااااااااااااه

لا عنداك ماتخافو ما والو انا ماكاش الي يخاف من الموس و البرة كيفي "فوبيا "هههههههههه

مي رحت عند وحدة دارتلي الحجامة ما شاء الله ما حسيت غير حاجة خفيفة برك درتها زوج مرات يعني مثلا الشهر هذا و الشهر الي بعدو

كوراج برك

[basouma26]

المشاركة الأصلية كتبت بواسطة lamia zina

بسومة 26 وصفة ام لجين كاين لي يقولو فيها العنزروت و يانسون و كاين لا و انت واش درتي فيها و قوليلي هي في الوصفة قالت ملعقة بعد الفطور و انت كليتيها على الفراغ فهميني ارجوك و وصفة البصل يخي 3ايام بعد الطهر.
بسومة حبة حلوى هي نهسها زريعة البسباس يخي

لاميا الخلطة درتها ما فيهاش العنزروت و اليانسون
و صح قريت بلي تاكليها من بعد لفطور بصح انا كنت نشرب الحليب و القرقاع و موراه المريمية و من بعد خلطة ام لجين يعني الفطور ما بقاله وين يجي ههههههههههه
و بالنسبة لوصفة البصل 3 ايام بعد الطهر