** ليبيا زين علي زين ليبيا ورد وياسمين ** تجمع الليبيات

[أم أجنادين 80]

السلام عليكم

كيف حالكم بنات وحدة وحدة بدون استثناء

عظم الله اجركم هدية ان شاء الله ربي يتقبلها برحمته

وان شاء الله ربي يبعث لعمتك وليد حلال

حتي انا عندي عمتي مزالت مع جدي ان شاء الله ربي يطول في عمره

مزال ربي ماسخرش نصيبها

[أم أجنادين 80]

ام فراس شن بتبدي تقري بالضبط

والله احسنلك انك تعودي صغارك علي الروضة من توه

لانك ان شاء الله لما بتحضري مش راح تكوني معاهم خليهم تهيؤااا اقل شي اكيد حضاناتهم

مجهزة ومهيئة

[dr.loly]

المشاركة الأصلية كتبت بواسطة أم أجنادين 80

ام فراس شن بتبدي تقري بالضبط

والله احسنلك انك تعودي صغارك علي الروضة من توه

لانك ان شاء الله لما بتحضري مش راح تكوني معاهم خليهم تهيؤااا اقل شي اكيد حضاناتهم

مجهزة ومهيئة

كورس قرامر متقدم

ونفس ماحكيت عشااان الروضه احتمال نسيب كورس ونجي نراقبهم هههه


وينك انتي وشن اخر اخبااااارك


طمنينا عليك

[sosolibya]

صباح الورد..

سامحوني بنات شكلي خليتكم تحنو للبلاد هو أكيد حاجة حلوة بس موجعة..

اليوم نايضة بكري وبعثت حمود للروضة

طبعا صاحبة الروضة مرة عمي فالحمد لله مطمنة.. ومرتاحة..

وطبعي قلبي يتقطع مية مرة وحمود فرحان بس لما يوصل يبدا عاش يبي ههههههههه رلاجلي يقولي امببيين على بعضكم ههههه
مع انه قبل ماشاء الله عليه بس العام هذا بدي يخاف لما يشوف الصغار الخميس قعدت معاه مشوااااااااار وبعدين هربت...

جيت وقعمزت وفتحت التلفزيون ودرت طويسة شاي وسندويشة تن ومجونة طلعتها توا من الفريز..

وجو ريم قاعدة ماناضتش

طبعا أنا أيضا أعاااااني هههه غير مانحكيش..

يعني الليل كله تحبي نرقدو وهي مايخطرش عليها والصبح تقعد رااااااااقدة للعشرة هههههه أصلا حتى أنا نقول صقع خلي تقعد راقدة أحسن..
.... وزنفكر اليوم إن شاء الله نمشي للسورينالبارح كلمتهم وعيوا يقولوي مشتااااااااااائينلك وتعالي وجيبي أمك وتعالي..

[جوهرة ليبيا]

السلام عليكم ورحمه الله وبركاته

[جوهرة ليبيا]

شنج سوسو

انا اليوم نضت بكري راهو العشره ونص مش من التمانيه هههههه هذا البكري امتاعي

درت شاهي منعنع وتست شعير الزوز سخان البست وقعمزت عالطاوله اتشمست شوي كملت فطوري عالسريع وخشيت

انخاف سلفي يطلع مع اني لابسه عبايتي نقدر انزل خماري عالسريع لو حسيت بحركه واصلا مدخلهم مش مقابل حوشي يعني

حنسمع السياره في الممر قبل لكن تعودت نطلع وايدي علي قلبي هههههه

تو ان شاء الله بنديروا الصور بيناتنا معادش يبدا حد قبالتي

[sosolibya]

مساء المحبة..

اليوم مشيت للسورين جووووو والله يابنات جو مش عادي..

يعني الميعاد ولا حلى وفي قمة البسااااااااطة

كان ليبين راهو مظاهر((البعض)) وناكلو في بعضنا وشن بنحط وشن بنقدمو

الحق استمتعت وكل شوية يحلفول زيدي هدرزي..

جيجي جيجي ياحلوة مابعدك الحق معقولوالله هلبة هكي بتنزلي خمارك في جنانك وضع صعب بصراحة الواحد مفروض ياخد راحته في جنانه..

شكلك فطرتي بروحك اكيد البنات نايمين وراجلك في الشغل باهي ماتتلاقيش انت وسلفتك تفطرو وديرو جو مع بعض..

[جوهرة ليبيا]

المشاركة الأصلية كتبت بواسطة sosolibya

مساء المحبة..

اليوم مشيت للسورين جووووو والله يابنات جو مش عادي..

يعني الميعاد ولا حلى وفي قمة البسااااااااطة

كان ليبين راهو مظاهر((البعض)) وناكلو في بعضنا وشن بنحط وشن بنقدمو

الحق استمتعت وكل شوية يحلفول زيدي هدرزي..

جيجي جيجي ياحلوة مابعدك الحق معقولوالله هلبة هكي بتنزلي خمارك في جنانك وضع صعب بصراحة الواحد مفروض ياخد راحته في جنانه..

شكلك فطرتي بروحك اكيد البنات نايمين وراجلك في الشغل باهي ماتتلاقيش انت وسلفتك تفطرو وديرو جو مع بعض..

اهلين سوسو

تعودت ياسوسو وان شاء الله تو انديروا الصور وناخد راحتي شوي لان الاحتياط واجب

فطرت بروحي عسولاتي راقدات والغالي في الشغل ربي ايعاونه ويخليهولنا

مانتلاقوش لان نفس المشكله مرات راجلها قاعد او راجلي وسلامتهم الصغار ميخلوش لامن يهدرز

لاشئ والحق هي اتجيني مره مره لان راجلي معروف دوامه من الي لكن سلفي احتمال تلقيه في اي وقت


عندنا السبت باذن الله اسبوع في الزاويه غدي علي طول بنقعد انشوف لشوارع ونذكرك انتي وجنوده وامول

انقول زعما يخطموا من هني زعما وزعما وزعما هههههههه ربي يحفظ الزاويه واهلها وكل ليبيا الحبيبه

[sosolibya]

مساء المحبة..
فروسة أو البنات لو عندكم فكرة
نبي نسأل سؤال كيف نعرف إذا كان الموضوع مكرر أو لا ..

نبي نعف وين نلقى الشريط يللي يعرفني بهالشىء..

[dr.loly]

المشاركة الأصلية كتبت بواسطة sosolibya

مساء المحبة..
فروسة أو البنات لو عندكم فكرة
نبي نسأل سؤال كيف نعرف إذا كان الموضوع مكرر أو لا ..

نبي نعف وين نلقى الشريط يللي يعرفني بهالشىء..

تعالي فوووق اعلي المنتدي تلقي مربــع .. اكتبي فيه اسم الموضوووع
بس ديري بالك مرات ماتلقيش ويكون باسم اخر

فاحسن شئ انك تغيري في اسم الموضوع من عندك

لان بعد ماتنزلي موضوعك خلاص انزلي لاسفل توا تلقي المواضيع لي نفس اسمه او مقاااربات