حبيباتى سيدات ليبيا تفضلو لأعرف ما حالكم

أثري في مدادي · 10-10-2013, 02:05 AM

أم فروســــــــــــــــــي

تفكير منطقي ،،،،تأجيلة العمرة
وخاصة مقترح ذهاب الوالدة معك ،،،، الحق العمرة تبي رفقة حلوة
وخاصة ستكون لك نعم المعين ،،، نحس في أمك مش كبيرة واجد ...صح ؟؟؟ مواليد كم ؟؟؟

آه أرتيكاريا من الخووووووووووووخ ؟؟؟
سبحان الله
طيب ،،، أنا كذلك عندي أرتياكريا من حاجة ثانية من غير السمك
ظهرت بعد الحوت بسنوات مـــــــــــــــــــــــــــــن التفاح !!!!
قطعة تفاحة صغيروووووووونة تنومني بالمستشفـــــــــــــــــــــــــى

عزومة ،،،،،،،،،،،،،،،،، هلاك ،،،،
هذه ،،،
ما رحمتيش روحك وأنت حامل وبالسادس !!!!!!!!!!!!!!!!!!
الله يسامحك
روفي بحالك
وأوزني صحتك بميــــــــــــــــــــــــــــــــزان الذهب

استقريتوا على فندق ولا مازال ؟؟؟

بالنسبة لحكايــــــــــــــــــــــة الشبه الذي بيني وبين الليمونة هو كالآتي :
متى تستخرجين من الليمونة أروع عصـــــــــــــــــــــــــير ؟؟؟

حينما تعصرينها
تضغطين عليها

تفاجأت أنني أنا أيضا كذلـــــــــــــــــــــك
تخرج روائعي حينما أكون مضغوطة
"""على أساس في روائع خخخخخخخخخخ"""

المدة الماضية بشوال
لا برامج لدي
فقط تجهيزات عرس بنت خوي ،،،،،،،،،،،، كارهة روحي
نحس في روحي مش راضية عن نفسي
حاولت ان أضبط نفسي بشيء
فأجد أن مازال لدي وقت فأؤجــــــــــــــــــــل
وآه من آفة التأجيل

ثم
بدأت في العمل " مستلمة إدارة مدرسة خاصة مسائي "
التحقت بدورة يوم بالاسبوع
عدت لبرامج المراجعة لكتاب الله
نسقت مع صويحبات مدارسات عبر السكايب
وهنالك
انتعشت
حينما """ عصرت """
وصرت أشعر بقيمة كــــــــــــ ثانية ــــــــــــــــــل
لكم أمقت كلمة
كساد
ماعندي ماندير
قلق
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!
يا أمة الله
هل حققت الهدف من خلقك حتى تتذمرين من خلوك من العمــــــــــــــــل
خلقت لعبادة الله وحده
عملك عبادة " بشرط خلوه من المحاذير الشرعية "
طلبك للعلم عبادة بنفس الشرط
صلة رحمك
برك بوالديك
تأنيقك لروحك قبل جسدك من اجل زوجك ،،،كذلك عبادة
فلا
للكساد
فالمهام تتوالـــــــــــــــــــــــــــــــــــــــــــــ ـى
وتحتاج منا إلى همة ونشاط

وضح العامل المشترك بيني وبين الليمونة !!!!

أثري في مدادي · 10-10-2013, 02:10 AM

أم نوزة ،،،،،،،،،،،،،،،
هلا فيك
شكرا على عبارتاتك الطيبة

أم ورد ،،،،،،،،،،،،،،،
استمتعي بأحلـــــــــــــــــــى لحظات الانتظار
وياليتك تكتبين بعضها
فستبسمين كثيرا حينما تطالعينها

جنوووووووووووووووووووووووودة ،،،،،،،،،، غيـــــــــــــــــــــــــــــــــــــاب ؟؟؟ إن شاء الله خير

جيجي ،،،،،،،،،،،،،
سامحيني ماشفتكش امبارح
خاشة بالطالعة
وينك الليلة ؟؟؟
صعبة هلبة الجلسة توا
وأنت شكلك لاهية مناسبات اجتماعية
وقضية و تفكير
وقااااااااااااااااااااربت البنوتة تطل
الله يسلمك
اجتهدي بالدعاء في هذه الأيام المباركة

سوما ،،،،،،،،،،
مرحبتين
وين التغطيسة ؟؟؟

أمولــــــــــــــــــــــــــــــــــــــــــــــ ــــــــــة ،،غيـــــــــــــــــــــــــــــــــــــاب ،،، إن شاء الله خير

أم معاذ ،،،،
غياب حتى هي ؟؟؟؟

يقونة ورغودة ؟؟؟؟ طلوا وتبخروا

اوشي · 10-10-2013, 02:24 AM

السلام عليكم ورحمة الله وبركاته

كيف حالكم توة وشن دايرين

اقتباس:

المشاركة الأصلية كتبت بواسطة أثري في مدادي

أوشــــــــــــــــــــــي
صحتين الحويتات
الصفرة تهبل
جوعتيني
ضربت بالحمية عرض الحائط
وخشيت درت كووووب نسكافية بالشوكولالالا
ومعاه حلويات تونسية هديهملنا صاحب راجلي تونسي

فكرة تشكيلة الرز تعجب في عندك رايتها قبل منك ،،،، صح ؟؟؟
ديري فيها بصونية ولا طاجين ؟؟؟
وكيف تجيك مرتبة
تضغطي فيها واجد ؟؟؟؟

شريتي الفرشة ولا بتخليها بعد العيد ؟؟؟

سلمك ياحبيبة ..

حتى انت صحة النسكافيه والحلويات التونسية

والرز اندير فيه بطاجين ونضغطه وبعدين نقلبه ...

وبالنسبة للفرشة تقريبا تكلفني 600 دينار وبنشري ثريا 240 دينار وبنشري طاولة 150 دينار

وطاولة اخرى للتلفزيون ماساومتهش

فلقيت المبلغ قريب يخش على الالف ومعاها ..

فقلت خليها بعد العيد خاصة وانه مازال الخروف والملابس وما ادراك ما احتياجات العيد

كل عام وانتو بخير

ومازلت نفكر في اوجه التشابه بينك وبين الليمونة

~~sosolibya~~ · 10-10-2013, 09:51 AM

صبااااااااااااح الخير كيف حالكم

شموووووووووسة نعالي جاي قوليلي شن صار راهو حتى انا ماجتش قريب نهبل

وتوا إن شاء الله بنمشو نطعمو ريييم

~~sosolibya~~ · 10-10-2013, 09:59 AM

اقتباس:

شموسة ،،، سوسو توا تسأل عن كلمة " حال الغيــــــــــــــــة " ؟؟؟
معناها
أقصى أحلامي وأمانيّ خخخخخخخخخخخخخخخ

الجهاز واخدتيه لقديد هالسفرة بـــــــــــــــــــــــس ؟؟؟

لم أفهم معني هذا المقتبس

وبالنسبة للجهاز شموسة تقصدي مرحلة اللحم يصبح قديد ولا القديد يصبح قريش

ولا طووووووووووول اللحم يصبح قريش فهمينا

مع اني نفضل أشعة الشمس أفض من الكهرباء

ولكن القطاطيس حشاك....

باهي يااثري شن قصدك دوتي هلبة ههههههههههههههههه

حمود مواليد 2010

ومعاش مشي للروضة فكريني نحكيلك

~~sosolibya~~ · 10-10-2013, 10:03 AM

والله يااثري عارفة وحاسة وكنت بنكتب بس سبقتيني في الكتابة

أن وجه الشبه بينك وبين الليمونة هو العطاء

فكلما عصرناك فاض حنانك وزاد عطائك..

~~sosolibya~~ · 10-10-2013, 10:04 AM

هديةةةةةةةةةةةةةةةةةةةةةة

راجلك فيه حرف س وحرف م

ها شنو هو ولا مش هو

ماشاء الله عليا نركز ههههههههه

هدية الخالق · 10-10-2013, 10:04 AM

السلام عليكم صباح الخير شن الجو
الساعه 12الا عشرة سوما حبيبتي رقدت رقدها بوها مسكين كالعادة ديما يشد فيها مني في الليل لما يجي يقوللي انتي طول اليوم شادتها ارتاحي شوير ربي يحفظهلي الغالي
واني درت طويسة زنجبيل ونستنى فيها تبرد منشربها ومنرقد وان شاء الله الكحة تخليني نرقد علقت فيا اليوم ماصدقت صحيت من الزكمة الحمد لله والله اليوم نشد فيها بالسيف بالذات لما سوما تكون راقدة مانبيش انوضها بصوتي نقعد نحبس فيها خسارة كانا نايضين راهو سألتكم كيف طريقة الرب للكحاحة كان حد يعرفها لانه الادوية مامشاش حالهن نولوا على دواء العرب بالك يفيد
فروسة مبروك على خالتك ربي يهنيها وحسيت بشعورك ااااه كان منحكيلك قديش فاتني عرس عدي على صوابعك عرس خالتي وبنت خالتي وبنت عمتي وبنت خالي والطامة الكبرى آختي اهئ اهئ الجماعة كلهم خطرلهم لما سافرت بعدي بشهر بس علقوا وراء بعض
واختي فاتتني حتى تلبيستها وفي عرسها كنت في التاسع وقالقة من الثقل ونفسيتي تعبانة نبي نجيب ونرتاح وزاد عليا انه وجعني العرس
لكن الحمد لله فيها خيرة ربي يعوضني خير تعرفي حتى لمانكلم في اهلي كل شوية في العرس يحاولوا يخففوا عليا يقولولي العرس بسيط وخفيف وكساد مافيش زحمة وأجواء بالذات بوي ربي يحفظه
هي سلام توا خلااااص تعبانة ومنرقد وسوما قاعدة في الهزاز منحطها في سريرها ومنشرب زنجبيلي ههههههه
سلاماااااات

هدية الخالق · 10-10-2013, 10:08 AM

اقتباس:

المشاركة الأصلية كتبت بواسطة sosolibya

هديةةةةةةةةةةةةةةةةةةةةةة

راجلك فيه حرف س وحرف م

ها شنو هو ولا مش هو

ماشاء الله عليا نركز ههههههههه

صح ياسوسو عطك السلامة وخلاااص
كيف ركزتي عليه وماحد انتبه غيرك
منرجع ندور في الردود وين وامتى كتبته

~~sosolibya~~ · 10-10-2013, 10:11 AM

جنودة تعالي نبكي ره ولا لاهية في مشروعك ربي يوفقك

فروسة مش عادية الروايات تهببببببببببل

وعلى مااظن قاريتها جرح الغزالة

باهي قارية الحيرة القاتلة

شريك العمر

كيف ينتهي الحلم

المنبوذة

الللمسات الحالمة

ايام معها

ووووووو

وخاطري نقرا مصارع الثيران نحسهرهيييييييييبة وخصوصا ممكن الكاتبة ان مامبسون

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	ايلاف	إستفسارات حوامل من الشهر السابع إلى الشهر التاسع	3567	06-15-2013 12:57 PM
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تفضلو حبيباتي	ريحانة المصطفى	منتدى أعراض الحمل والوحام	0	12-06-2012 10:41 AM
مهم لكل عضوات قسم الحوامل الغاليات.. تفضلو حبيباتي ..	xRano0x	منتدى أعراض الحمل والوحام	121	08-23-2011 01:48 PM
رسالة إلى سيدات ليبيا	أم رهوفة	ملتقى عضوات حوامل	6	01-11-2011 12:56 AM