حبيباتى سيدات ليبيا تفضلو لأعرف ما حالكم

[هدية الخالق]

السلام عليكم
كيف حالكم جميعا
سوسو منقولك حاجة بجد زعلت منك علي صورة سوما شن قصدك ما توقعتيهاش هكي ؟؟؟
قصدك مش حلوه ؟؟
هادي صورتها صغيرة لما عمرها اربعه شهور توا خشت السبعه شهور وكل مره تزيد في الجمال ربي يحفظها
وهذوم صورها توا [IMG][IMG][/IMG][/IMG]

[هدية الخالق]

والزواج اكيد ما عجبكش كلامي يا سوسو لأنك متزوجة بكري أني نقصد مش مقتنعه لروحي بالزواج قبل 18
ما دخليش في غيري
واني لما تزوجت كيف خاشة العشرين في بدايتها

[أم ورد]

ما شاء الله ولا قوة إلا بالله
ربي يحفظهالك ويخلهالك يارب

[sosolibya]

تيجان زهور روووووووووووووووعة..


أحلى التيجان للعرائس والغير عرائس..

[هدية الخالق]

المشاركة الأصلية كتبت بواسطة أم ورد

ما شاء الله ولا قوة إلا بالله
ربي يحفظهالك ويخلهالك يارب

الله يسلمك يارب وعقبال ماتنوضي بالسلامة وتحصلي زيها وأحلي منها

[sosolibya]

مساء الورد

بسم الله خيرك ياهدية شن جاك اللطف

أنا نيتي كانت صافية جدا

يعني أى شخص ماتعرفيهش بدي حاطتله صورة في بالك

وانت لما قلتي بنتي عيونها زرق جت صورة في بالي ولما شفت صورتها لقيتها غييللى في بالى

ويارب يسامحك أنا توا يللي زعلت


وبالنسبة للعمر والزواج أيضا كانت نيتي صافية ك بس نبي نعرف انتي امتى تزوجت لأنى مانعرفش عليك هالمعلومة وتذكرتها لما انت علقتى على زواج الصغيرات


بس

[هدية الخالق]

أم فروسة نعطيك فكرة للبازين في هلبة مايعرفوش ويديروا فيهع ونجحت معاهم لكم مش اني طبعا ههههه
اني صح كنت مانعرفاش واني بنت والمشكلة زوجي من عشاقه واهله طلبوا مني نتعلمه وقاعدة لحد توا مش مية في المية لكن باهي ماشي حاله
المهم الطريقة انك تطيبيه في امية وملح مدة عشرين دقيقة الي نص ساعه لين يطيب بعدين حطيه في الماكينة اللي تعجن في العجاين اليابسة لو عندك منها ينعجن شوية بعدين ساويه في الصونية طول وخلااااص والله هلبة مشت معاهم وحلتلهم أزمة جربي وشوفي

[هدية الخالق]

آسفه سوسو مش قصدي الحق لكن ردك كان جاف شوية بس
سامحيني بالله تحمست في الرد شوية وجعتني بنتي بس ههههههههه
ماهو اني نوثق في ذوقك وتوقعتك ماعجبتكش
آاااااسفه مرة ثانية

[هدية الخالق]

والزواج سوسو والله مانقصدك ولا جيتي في بالي لما حكيت علي زواج الصغيرات لأنك ماشاء الله عليك فالحة وهنيتي علي حوشك وصغارك حتي صغيرة لكن نحكي عاليناويت اللي يدلعوا ويتزوجوا بكري وهما مايعرفوش حتي يقلوا دحية
واولهم بنت خالي اللي حكيت عليها
ووحدة نعرفها قالت اني لما جوا خطبوني مقعمزة نكتب في واجبي ومانعرفش ندير حتي دحية وكان تزوجت منقول لراجلي يجيب كل يوم من المطعم
هادي مش مأساة بالله ؟

[sosolibya]

شنو اديرو تواااااااااااااااا