مرحبا
كيف الحال
مشكلتي سخيفة ورح تقولو عني كسلانة بس جد مالي هيك
اول شي انا متزوجة 5 سنين وماعندي اطفال شغل زوجي من الساعة 11 الى 2 ... ومتعلق فيني كثير وعندو قوانين خاصة مثلا مابدو اصحى بكير واشتغل وهو نايم يقلي استني لروح عالشغل واشتغلي بنزعج انه يصحى على صوت الغسل او الجلي او هيك بنتظر ليصحى ويروح يادوب اركض عالجلي وتنظيف البيت والحمامات كل يوم 4 مرات فوضوي زوجي علمته بس يخلص ينشف الحمام ولا تعلم كمان بيغسل ايديه وبيتوضى ومابنشف وبعبي حالو مي وبمشي بكل البيت وبيتي ارضيتو غرانيت نقطة المي بتعلم وبتبين وبيتوسخ تصورو كل مايغسل وراه انا بالمساحة ... لاتقولو علميه والله علمته ويزعل ويقلي شو شغلتك اقلو شو قصدك وازعل بعدا يتعلم يومين ويرجع متل اول ومليت وصار مشاكل قمت سكتت وقلت امري ل الله نظفي....
بعدا يادوب اطبخ واشتغل بحالي وبعدا اتحمم والبس وامكيج القيه صار الساعة 2 واجى والله بركض ركض للحق. ماوقفت هون
في قوانين تانية وهي انه بس يجي لازم احط الاكل واكل معه واشيلو واحطو بالمجلى ولا اجلي...
يعصب بس اشتغل وهو موجود يقلي وينك وهلا طلع شغلك وخليهم وهيك وبحبني اقعد جنبه نتفرج عمسلسلات وكل شوي عملي شاي قهوة عصير جيبي فواكه وهكذا بعدا تعي نتمشى لازم والله تعبانة يزعل ليه شو ساويتي لتعبانة وهيك وانا بحب اتمشى بس موكل يوم ومع هيك بتمشى مومشكلة بيرجع حطي العشاء يادوب ناكل ومااجلي يقلي اتركين لبكرا بس اروح عالشغل اجلي وانا مابحب اوقات برد واوقات بطنش وبجلي ...
هلا هون المشكلة انه كل هاد بتلاقيه بقلي بعد نص ساعة رح يجي رفيقو ومرتو جهزي حالك والله بجن ياربي ليه ماقلتلي مولازم جهز حلو ضيافة بتلاقيني اركض نشف الحمامات امسح الاراضي مسحة (لازم هالخطة لو ماسحتا من الصبح مادام اجى زوجي رح يتوسخ وولازم مسحة خفيفة..) المهم اشيل ثيابو لانه بجي بشلحهم هيك هون وهون وبيعصب ازا علقتهم بالخزانة (ايضا من طقوسه) بقلي هاد لبستو فمالازم يرجع عالخزانة مع الالبسة النظيفة هاد بينترك برا حتى مايطلعلو ريحة وبرجع بلبسو وبصير عندي كومة تياب عالتخت لابسهم مرة وحدة لابغسلهم لانه نضاف وبتنتزع القطعة من كتر الغسيل ولا علقهم بالخزانة..هففففف
كل هاد مومشكلة بس المشكلة لما بجو بكون عم الهث وتعبانة والله بخجل من حالي يقولو شبا هي ومابنبسط بالقعدة وبصير خارج التغطية من تعبي...هو شو همو بيتصل فين بقلن عمنستناكن وبقعد بيتسلا انا بنضف البيت وبجز حالي وبضيف ولازم اقعد معن واحكي واناقش... وهي كل 3 ايام لازم يصير هالفصل
بصراحة هو مابهمو شكل البيت يعني حتى لو طاايف بستقبل اصدقائه ولابهمو الضيافه يعني فنجان قهوة بكفي بس انا بهمني لانه بالاول وبالاخر رح يقولو مرتو!!! مثل يي مبين مرتو مو نظيفة يي بخيلة ماضيفتنا شي
وانا بحب اضيف من تحت دياتا واكلاتي...وبحب كل شي يكون بيرفكت...
وكل هاد باالاخر حماتي كل يومين عندها سهرة الصبح بدهم يجو اخواتها وبناتهم حتى اجي وبركي بتعملي حلو او تبولة او هييك وازا قلتلا تعبانة بتقلي ليه شو في عندك( تسميعة انيه ماعندي اولاد) انا وزوجي بس ليه تعبانة ....يعني لازم لازم بكل سهرة اكون باخر اناقتي..جهز حالي واكلاتي وروح عند حماتي واضيف واشتغل عندا واجلي وانظف معليه واجب.. ارجع عبيتي الاقيه طاايف زوجي قومو وقعدو والله ماعم بالغ فوضوي لدرجة بيساوي قهوة وبمسك الفنجان وبركض وبينقط عالارض عالكنب الاكل نفس الشي اجي اشوف بقع وبقع يجي بدو يسخن اكلة يطرش الفرن كلو (في عندي مايكرويف بس طقوسه مابحب الاكل المسخن بالميكروويف مابيعرف كيف بدو يطالعلي جليات) تيابو هون وهون بياكل بيهرهر عالارض ... بيشلح تيابو بنطلونو بيضل نفس طريقة شلحو عالارض وبيروح بعصب بقلو طيب شيلو زتو عالتخت بقلي شيليه انتي وبتركو وبيمشي وازا ماشلتو عادي بضل وبمشي فوقه.. وهو هيك من صغرو لاني شكيتو لحماتي قالتلي ههههه اي هو هيك بس حماتي متلو الا شوي انا مابتحمل الكركبة ....
بعتمد عليي بكل شي يعني مارح تصدقو انه جراباتو مابيعرف وينن بالبيت تيابو الداخلية (انسى ياوديع)ههههه.. لما مرة اضطريت ونمت عند اهلي رجعت عالبيت شفت فاتح الخزن كلها وانا مصفصفة التياب هو موقعها عالاراضي والله كل الخزن الصغيرة والكبيرة كان عميدور عاغراضو الداخلية وينكت ينكت وبعدا بعصب عليي وين مخبيتيهم قلتو ادام عينك تعى شوف قالي تصدقي ماشفتن..
ياما بكذبني بقلي هلا انتي حطيتيهم هون دورت ماشفت. وحتى انا عند اهلي جاي صديقو لبيتي مابحب يجلس لوحدو بعرفو.. ومدخلو غرفة النوم جلسو عالكمبيوتر وهيك يعني شاف المنظر ولاهمه مفتوحة كل الخزن والملابس واقعة... والله بكيت وحتى حرمت انام عند اهلي لانه بعرف رح ارجع من عندهم عندي تعزيلة ببيتي ...بقول بلاها هالنومة وانا بطالعلو اغراضو بس لاينكتلي غرض...
................................
هو متعلق فيني كتير وبحب الضيوف وبمل كتير بما انه ماعنا اولاد الله يرزقنا يارب بضطر اني سليه واقعد ومااتركه وتعود ..بس تعبت اناااا لازم كل يوم جهزله تيابو لانه هو مابهمو بلبسهم مجعلكين بس انا بدايق لانه حيقولو مرتو مهملتو.. بقوم كل يوم بجهز تيابو عالكنباية جراباتو صباطو ومفاتيحه ونظاراتووهيك..وبذكررو بموبايلو وفلوسو لانه مضيع حالو
يمكن قلتو عني بايخة ليش كتبت كل هالحكي بس حتى تصدقوني او تتخيلو الموقف يعني هلا كتير بفكر لو عندي اولاد كيف بدي لحق ؟؟!! بتلاقيني من اول مابصحى عم اركض وهو شغلو قصير لازم بجي اقعد معه ومااتركه مومشكلة بالنسبة الي حاليا بس انصحوني شو اعمل لبكرا... حماتي بس تروح عند اختا او اخوها لازم اروح معها وعطول مشاكل انا وزوجي انه مابدي اروح خلص وقت السهرة عندها بجي وكل يومين بتعملها ليش اروح انا مابنبسط بالمشوار بياخة قاعدة معها ومع اختها... طيب واجب بس بكون زرتا من اسبوع وشفتا عند حماتي من يومين يعني اهلي اهلي والله بشوفن كل شهر مرة...حتى خالاتي وعماتي ماشفتن غير مرة وحدة عند اهلي من وقت تزوجت بس....ووقت برفض بتعاتبني حماتي ليش شوفي عندك بالبيت قاعدة وفاضية..
والله مشتهية على يوم هيك مااشتغل ولا شغلة حلم حيااتي وتاني نهار يضل البيت نضيف اه بس بالاحلام!!
شو نصحوني كيف اتعامل ماما قالتلي طنشي ولاتشتغلي وخلي يشوف هو البيت بيقوم ببيطل عملت هالشغلة 3 ايام صابتني حالة نفسية من وسخ البيت مابحب اقعد بمكان مونظيف بعصب وبنرفز وبكتئب وهو مابتفرق معه وعادي..
انا مابدي الا يهتم بحالو باناقتو يعني بلبس بلوزة عغير بنطلون لك مابطبقو ايه عادي لك مجعلكين عادي لك هي عليها بقعة اشلحها البس غيرا لا مابدي بدي البس هي صباطك عليه غبة بحياتو مامسحو الا انا بمسحو قبل مايلبسو وازا مامسحتو بلبسو مابفرق معه وبياكل بسرعة بيوسخ وبيهرهر معروف يعني حتى عند اهلي عطول بيعزموه ووقت بيقوم من غرفة السفرة تحت الكرسي والطاولة هيك اكل ومرقة وهيك .. ولازم لازم تيابو يتوسخو بعد كل اكل .. بيكون مناسبة مثلا عرس خطبة حفلة بلبس طقم بشرب عصير لازم عتايبو متل ولاد صغار ولا عادي بيتركو يعني انا لو محلو بخجل ومابعرف كيف اروح عالبيت هو عادي ولا بتفرق معه وبكمل السهرة وبرقص وتيابو مبقعة بقع لك والله لو مرة مابهمني بس كل مرة,,,
اه بس حدا عنده نصيحة
09-03-2013, 05:58 AM
طقوس زوجي عقدتتني
leemona 
جديد منتدى منتدى الحياة الأسرية والزوجية
العرض العادي
