بعد فشل عملية طفل الانابيب ..!! هل لديك نصيحة لي

[leemona]

السلام عليكم
كيف اخباركم
بتمنى اي بنت عندا نصيحة بعد فشل طفل الانابيب تنصحني ياها لاني بحاجة كتير لها وانا ان شالله مابقصر وبكتبلكن نصائح الدكتور
بالبداية فشلت طفل الانابيب مع اني رجعت 4 اجنة ممتازة ودرجة اولى ولايوجد سبب للفشل
عكل حال عندي اجنة مجمدة الحمدلله ورح ارجعن وادعولي تنجح بس قبل الترجيع كتبلي الدكتور مجموعة تحاليل.. وهيا عبارة عن تحاليل مناعية واجسام مضادة لانه اللي صار معي فشل تعشيش لان الدكتور قالي نسبة تحليلك الدم الرقمي 9.5 لازم يطلع صفر ليه طلع رقم عملتو بيوم 14 بعد الترجيع والحمدلله على كل حال
فهو مثل صار حمل وراح واستغرب من النتيجة ورح اعمل ان شالله التحاليل للاجسام المضادة وتجلط الدم وبخبركن بالنتيجة ان شالله. التحاليل كلفتا 120 دولار. وبعد قراءة مواضيع المنتدى شجعتني فكرة منظار الرحم ..هو الدكتور نصحني فيا بس ماتشجعت الا بعد ماقرات المواضيع
في موضوع حابة اسئلكن عليه وهو انه بعد الترجيع رجعوني من غرفة العمليات لغرفة بالمشفى مع زوجي حتى ارتاح ساعتين
والغرفة كانت كتير شوووووووب مع انه الجو برا كان برررد بس داخل الغرفة حرارة عالية وانا من الحر شلحت كل تيابي وتغطيت لانه خفت يدخل الدكتور فجاءة المهم بعدا ماتحملت الحرارة العالية وحسيت رح اختنق ورح تقلب معدتي وقلتلو لزوجي قوم نروح عالبيت ماعاد فيني اتحمل ولبست بسرعة وطلعت من الغرفة وحسيت رح ادوخ من الحرارة العالية ..
هل ممكن يكون سبب فشل العملية لاني سمعت انه الاجنة بتثبت خلال ربع ساعة بعد الترجيع ولا مالها علاقة؟؟!! لانه الدكتورة نصحتني اتحمم بالمي الدافية يعني قالت مو تكون سخنة حتى ماترتفع درجة حرارة الجسم
فانا ربطت الموضوعين وقلت يمكن يكون هو سبب فشل عمليتي
ممكن تعطوني نصائح ولي رجعة لكم بعد التحاليل لاخبركن عن اهميتا ونتيجتا وادعولي والله يرزقكم ويرزقني الذرية الصالحة يارب