بنتي لاترضى تنام ولاترضع.عندك حل؟

[مدام ن]

السلام عليكم
بنتي شهرين و23يوم لها 3 أيام تصحى الصبح الساعة 9 وماترضى تنام طول اليوم لليل حوالي الساعة 9 وماترضع مني كل مااقربها من صدري تبكي وتصيح ولما اعطيها الرضاعة ترضع شوية وبس هي من قبل نومها متعبني كثير بس كانت تنام والآن احملها بالساعتين انيمها ولما احطها تصحى تعبتني الله يحفظها من عنده حل اليوم كان عندها مغص وبطنها منفوخة وجلست تتوجع وتبكي لأنها جوعانه ومانفعها لاماء غريب ولاقطرات المغص ولا شاي البابونج ولما هدأت شوية شربت شوية حليب وبس يعني من لما صحت رضعت 3 مرات بس من شوية حوالي 40 مل .............نصايحكم نفسيتي تعبانه هذه اليومين وجاتني الدورة لأن من بعد رمضان مافيني حليب غير شوية مدري ليش الله يخليكم تعبت دلوني

[soma adel]

روحى اكشفى عليها بنتى كانت كده وطلع عندها برد واختقان فى اللوز الافضل الكشف

[عروستة]

صحيح ممكن يكون معها احتفان من كذا ماتقدر تشرب

و بنسبه للغازات اسدحيها ع بطنها ع فخوذك و اعمليلها مساج ع الظهر كأنك بتمسحي عليها من فوق لتحت و راح تلاحظي تطلع الغازات من فوق و من تحت

وً حاولي تنتبهي لاكلك عشان ما تنقلين لها غازات يعني كثير اكل الام بيأثر ع البيبي حاولي تراقبي اكلك


و الله يحفظ بنتك يارب

حاولي تعطيها الحليب الصناعي ع موية دافيه مو ساخنه لا دافيه مررره عشان تدفي شوي مصارينها

[dr.loly]

افضل شئ توديها لطبيب اطفال .. ممكن يكون عندها احتقان مثل ماقالن الاخوات

[مدام ن]

تسلموا اخواتي على مروركن وردكن الله يجزيكن كل خير ان شاء الله بكرة باخذها عند الطبيبة ودعواتكن تكون بخير

[مدام ن]

الدكتورة قالت عادي طبيعي وطلع عندها نقص كالسيوم قالت يمكن ماتنام بسببه .............هي تعرق كثير علشان كذا عرفت ان عندها نقص كالسيوم
دعواتكم بشفائها وشفائي أساسا انا عندي نقص كالسيوم من أيام الحمل

[عروستة]

طب حبيبتي ماعطتك لبنتك فيتامين دال ؟

و انت ارجعي خذي اقراص الكالسيوم لأنه الرضاعه الطبيعيه تسحب الكالسيوم كمان

[نور العمر]

حمد الله على سلامتها ... وان شاء الله مافيها الاالعافيه ... انا ابني كان عندو نقص كالسيوم بس بسيط واخد ابرتين وكنت اعرضو لشمس لانو ماكان يرضع طبيعي...

[نور العمر]

حمد الله على سلامتها وماتشوف شر ..انا ابني كان عندو الكالسيوم ناقص شوي بس اخدابرتين كالسيوم وكنت بعرضو لشمس
لانو ماكان يرضع الا صناعي ...

[مدام ن]

حياكن الله وشكرا لمروركن ياغاليات

عروسته لا ماعطاني فيتامين د وصفت لي كالسيد شراب وقالت نص ملعقة شاي مرتين في اليوم ...وما اتأكدت منها ..........اقلقتيني ...

نور الله يحفظ لك ابنك وابرتين بس مااحتاج أكثر ؟؟؟ هي الإبر أفضل من الشراب ........وعادي ماكان مؤثر عليه هذا النقص والآن مش مأثر عليه الله يحفظه

أنا بواصل هذا الشهر وبعدين بسوي لها فحص ...

أنا استخدم كالسيد حبوب هذه الأيام لأن ظهري هالكني من نقص الكالسيوم ...

تسلموا اخواتي يمكن اللي ضرني اني ماكنت أشرب حليب من وأنا صغيرة كنت أكرهه لكن اضطريت اشربه والان أحاول أعوض ...

سلام