حبيباتى سيدات ليبيا تفضلو لأعرف ما حالكم

[جوهرة ليبيا]

السلام عليكم ورحمه الله وبركاته

كيف حالكم

وصحة فطوركم وسحوركم

جنوده يابلسم التجمع مشكوره علي سؤالك

والله ياغاليه قاعد مش متقبل وضعه الجديد ولا العلاج

واليوم تعب شوي رفعناه للمصحه حراره ورعشه بعيد السوء عليه نبض قلبي ربي يحفظه

وقبل منروح الحمد لله احسن بهلبه ودرناله علاج طبيعي انا ووخياتي لان الدكاتره جو وقت هو مريض

وصعب يحركوه

الحمد لله علي كل حل ربي يحفظلنا شمعة بيتنا وامي نورها يااااااااااارب

اليوم عزوزتي فطرت وتسحرت عندي من ساعه روحت لحوشها شديتها تبات لاكن نعرفها اتقول

ماننرتاحش الا في داري


درتلها

شربه

محشي مشكل

وبيتزا بالجبنه الصامته

وخبيزات مشكله
وكبه

وسويسرول دجاج بالخضار والجبنه

وبوريك

وبيزا طبقات علي الطاجين القابسي<<<اتحبها عزوزتي هلبه


وقلعاوي ودلاع وسلاطات ومشروب

والف الحمد لله

من كل حاجه شوي وماقعد شئ

بعتت لسلفتي خلاص بتجيب هاليومين ربي يسرلها ان شاء الله

[شموسه 88]

السلام عليكم ورحمة الله وبركاته

كيف الحاال بنات شن جوك والله لكن وحشه كبييييييييييييييييييييييييييييييييييييييييييييره

سامحني منخنش عل التجمع لان والله مانلقا وقت نفطر في حوش هل داري اوانروح تقريبا عل 1اونص 2نبرمي من هنا ال هنا نلقى فجر مذن
اول الثلاث ايام في رمضان كنت انطيب في شقتي نوعين ولا ثلاث انوع اونمشي عل ساعه 6او نص 7 نفطر امعهم غاادي بس لااسف سلفتي الله يسامحها معجبها الوضع قالت كيف انجي انا بكري او ام شموسه اتجي عل المغرب معش نبي انصيم معكم اوتعاكرت هيا اوعمتي ام زوجي اوعزلت اوصامت ابروحها في حوشها لي هو فوقهم وانا ابجد وجعني الموقف او تاثرت منا هيا تبي تاكل ابروحها عاادي بس ليش اتحط فيا انا في النص والله انا مش امقصره ظروف زوجي مايروحش الا عل ساعه 5 عصراوسياره وحده بعدين معمريش جيت يدي فاضيه حتى لسلاطه ولحلو اندير فيه وانجيب فيه امعايا اواخرى شي اول امس كنا ملتمين في حوش عمت زوج خشت ماسلمتش انا انصدمت اوخنقتني العبره موقف سخييييف بكل هذي كيف نبي انتعامل امعاه حتى قلت انكلمها بلتلفون انشوفها كنها زوجي حلفلي عليها قالي والله ماانك امكلمتيها دري لنفس اعتبار.....ربي يهديها ان شالله
هههههههههه نفختلكن راسكن لكن ايام مفتكيات مني

[شموسه 88]

جيجي ياجيجي حمد لله عل سلامت الوالد ربي يحفظ لكم وايطولكم في عمره اوماشالله يعطيكي الصحه عل هل الفطوور
ام فروسي كيف الحال لعيال سهفتيني بلمطر سلمها ياربي النشاده او شن جوك مع الصياام
اثري امس حلمت بيكي يااثري متقوليليش شن شفتي بس حقيتك في حلم اوخلاص كيف حالك علولي اودوودي الف لاباس عليكي
ام نوزه عل خير اوسلامه ماشالله ان شالله اتحلي اعويناتك عل خير
سوسو امووله اوجنووده اواوشي اوامعاد اوباقي الغاليات ان شالله اموركن ابخير مالحقيتش انشوف باقي الصفحات ماشالله عليكن هدرزاات

[اوشي]

[quote=sosolibya;3306776

معقولة أوشى ماشاااااء الله احنا الجو نووووووووووووووووووووووووووووووووووووو[/quote]


سوسو والله الجو عندنا ايهبل صقوعي لدرجة الايام اللي فاتن نلبس في كم

وانا انشوف فيكم تكتبو الجو عندكم نو والضي هرب

نقول في خاطري اسم الله عليهن البنات ونشكر في ربي عانعمة لانو لا ضي يهرب

نقهر فيك ياسوسو خخخخخخخخخ

المشاركة الأصلية كتبت بواسطة شموسه 88

السلام عليكم ورحمة الله وبركاته

كيف الحاال بنات شن جوك والله لكن وحشه كبييييييييييييييييييييييييييييييييييييييييييييره

سامحني منخنش عل التجمع لان والله مانلقا وقت نفطر في حوش هل داري اوانروح تقريبا عل 1اونص 2نبرمي من هنا ال هنا نلقى فجر مذن
اول الثلاث ايام في رمضان كنت انطيب في شقتي نوعين ولا ثلاث انوع اونمشي عل ساعه 6او نص 7 نفطر امعهم غاادي بس لااسف سلفتي الله يسامحها معجبها الوضع قالت كيف انجي انا بكري او ام شموسه اتجي عل المغرب معش نبي انصيم معكم اوتعاكرت هيا اوعمتي ام زوجي اوعزلت اوصامت ابروحها في حوشها لي هو فوقهم وانا ابجد وجعني الموقف او تاثرت منا هيا تبي تاكل ابروحها عاادي بس ليش اتحط فيا انا في النص والله انا مش امقصره ظروف زوجي مايروحش الا عل ساعه 5 عصراوسياره وحده بعدين معمريش جيت يدي فاضيه حتى لسلاطه ولحلو اندير فيه وانجيب فيه امعايا اواخرى شي اول امس كنا ملتمين في حوش عمت زوج خشت ماسلمتش انا انصدمت اوخنقتني العبره موقف سخييييف بكل هذي كيف نبي انتعامل امعاه حتى قلت انكلمها بلتلفون انشوفها كنها زوجي حلفلي عليها قالي والله ماانك امكلمتيها دري لنفس اعتبار.....ربي يهديها ان شالله
هههههههههه نفختلكن راسكن لكن ايام مفتكيات مني

هلا شموسة .. اهلت وامطرت واشرقت

رايفنا عليك كيف حالك وحال شموسة وعبسي..... آآآآآآآآآآآآآآه ياشموسة لا تشكيلي لابكيلك

النوعية هذي من السلفات اضربيها في الصفر

[اوشي]

انا الايام اللي فاتن مشيت لحوش عمي بعد الفطور

ونحنا طالعين وقفت سلفتي ونزلت ولدها عندنا ... ديما ادير فيها لما يكون عندها مشوار

اتجيبه عندنا وهي ماشاء الله يمين علي بعضهن ماتقعدهنش في حوشها ديما تنش

فخذيناه معانا الوليد وعدينا لحوش عمتي

وعالواحد جتنا في حوش عمي وكان ولدها داير عركة مع ولدي ... دارت فينا ليلة

خذينا العيال وعدينا .. لكن هي طلعت بالشينة بكلامها اللي تقول فيه وصوتها العالي

وامس قالي زوجي خلينا نمشو نفطرو غادي في البضاء عند حوش عمي

فاتصلت عالساعة واحد في الظهر وسالت اخت زوجي من جايكم اليوم فقالت اختها بس

فقلت خلاص نحنا جايينكم اليوم

بعدها جاني زوجي وقالي راهو سلفتي جت غادي ورانا مانش ماشيين اليوم

فقتله لا كيف انا قلت للبنات ما اديروش خبزة راني توةانديرها انا عندي

اقنعته وقتله يعني خلاص تبي تقعدلي بعبع لا ماشية ماشية لا انجي شورها

لا اتجي شوري ومشينا ولقيتها قالبة زومتها سلمت عليها عادي

اشوي واطلقت وجها وقعدت تضحك وتحكي

[اوشي]

فطورنا في حوش عمي امس

ارز اصفر باللحم الوطني وشربة وبرودو .. وسلاطة وبطاطا امبطنة والرمانة

وانا درت في حوشي بتزا العتشر دقايق طلعت اتهبل درتها بنوعين جبنة

وثلاث دجاجات امحمرات ومحشيات بالبرغل والزبيب ودرت الخبزة

وخذينا معانا دلاع وبطيخ وعنب

وكل حاجة بالزايد في الفطور اللهم لك الحمد

تعرفو ماكليناش على الرغم من اننا 4 عائلات ملتمات الله يبارك

[اوشي]

اليوم زوجي فاطر في التحلية

لذلك مش امتعبة روحي خخخخخخخخخخخ

[أم أجنادين 80]

السلام عليكم ورحمة الله وبركاته

الف لاباس عليك وطهور ان شاء الله ام فروسي

والف مبروك الاوسمة

اوشي ابعثولنا من جوكم السمح شوية

سوسو العجينة كانت لخبيزة بالمفروم خفيفة جدا بس انا درت الحشو صلصة وزيتون وجبنة وتن

[أم أجنادين 80]

ان شاء الله ربي يحفظلك ويحفظلنا شمعة بيوتنا ونورها جيجي

[اوشي]

جنودة حبيبة لو كان يندز اندزلكم من عيوني

بس ليش انتو ما اتجو هنا وتغيرو جو