دردشة بنات ليبيا , دردشة حوامل ليبيا , تجمع بنات ليبيا

[شموسه 88]

اليوم حتى انا ياسوسو نضت 8 طلعت المربوعه كلها اوسيقتها اوسيقت البلكوني او نزلت لستاره اوغسلتها اوكبتها اوطرحت فرشتها او سيقت السقيفه لي بره ولحمام الصغير كملتش الا 12 توا خشيت لمطبخ درت مكرونه شعريه بلوز والزبيب اومعاه كفته دجاج اودجاج كنتاكي اوسلاطه طحينه اصلا خويا جاي بيبي اتغدا امعايا اصلا نبيه ايجبلي التربليوا يفريلي الساس نبي انركب كوادروات وصور من زمان شرايتهن توا غير يبن يركبن ليا
هذا هوا تقريري اليوم

[شموسه 88]

والله نبي نطلع لسوق نبي انكمل دبشي مازال ماسخر ربي حسيت الوقت زرني اوكل مره تطلع حاجه ناقصه اوضيفتي قريب اتجي

[sosolibya]

السلام عليكم
كيفكم
انا تغديت طبيخة بازيليا بالكرشة (اختراع جديد بدل الفاصوليا)
ورز ابيضوطباهج دجاج
وخديت شوية من الطاجين

وعندى عصبانة سخنتها



اوشى واااااااااو على الطريقة وين لقيتيها شكلها ساهلة

[sosolibya]

ونس خوك ياشموسة

ومافهمتش شنو هو يللى بتركبيه

فروسة دونك للبازين ماقالك حد ماتتعلميهش عنا يللا جربى فيهم وربى يستر

[شموسه 88]

المشاركة الأصلية كتبت بواسطة sosolibya

ونس خوك ياشموسة

ومافهمتش شنو هو يللى بتركبيه

فروسة دونك للبازين ماقالك حد ماتتعلميهش عنا يللا جربى فيهم وربى يستر

سوسو خويا جابيلي لتربلوا ليفروا بيه الساس اصلا شاريه صوره اوايات قرانيه وكوادروات لي تعلقن في الساس نبي انركبهن
فهمتي ولا نشرحلك اكثر

[sosolibya]

منو موجود نبى نستشيركم فى حاجة

[شموسه 88]

صحه غداك ياسوسو نحنا البازيلا مااتعاملوش امعاها واجد اكيده طعمتها حلوه

[شموسه 88]

تعالي تعالي قاعده تفاضالي استاشيري

[sosolibya]

تعرفو اليوم عياااانة ورجليا خلاص
نايضة من 5 وحتى القايلة اهو ماصارش من النوم

[sosolibya]

القصة ومافيها ان المراة يللى قلتلكم عليها جايبة بعد 10 سنين

مشينالها صح
وهى بنت خالة ماما وفى نفس الوقت كنة خال ماما
وبنت سلف عمتى ووو المهم عمام بعضنا والحوايز جب بعض ماشى لهنا كويس

لما مشينا المرة الاولى قلنا مشية مباركة وماخدة خاطر وتطيير باس
وكانها دارت لمة توا نولو
زى اهل خالى تذكرو دارت لمة للناس كلها

المهم
بعدين تبين ان الفلانة هذه ماتبيش تدير لمة

باهى المفروض الحق يللى هناك اعطاته من اول يوم عارفة النا بتجيها كويس

لما مشينا المرة الاولى مهناك شى يعنى ضيافة عادية مش ضيافة نفاس
والت ماتحسبوهاش جية وتفضلو مرة ثانية باهى

توا مرات انا وماما عادى نولو بس نساوين عمى يعتبروبعاد عليها لو مش لمة حقانية مش حيولى
حد لان خلاص مشو ويللى بيرفعوه رفعوه

باهى كويس
يارب والله ماهى قرمة استغفر الله بس نشرحلكم

المهم اختها تكون مرت عمى
سألتها فى لمة ولا لا
قالتلى لا تبيكم تلمو بعضكم وتجو
قلتلها راهو كانها مش لمة حقانية منو بيى خلاص

مشى توا شن صار المراة لامتنا اليوم وقالت تفضلو يعنى عيلتنا احنا بس كأنها متحشمة مننا

قولولى بالله عليكم اللقطة حلوة لو مشيت
ولا تبدأ كأنى ماشية على خاطر الماكلة وخلاص

لانها اخى اللقطة هذه نكرها

المهم هما بيمشو وفيه من مش ماشى بسرعة قولولى