دردشة بنات العراق, دردشة حوامل العراق , تجمع بنات العراق

&ام همام& · 06-05-2013, 10:09 AM

صباح الخير شلونكم جميعا
الحمدةعلى رجعتج النة مراوي مشتاقتلج نونة شلونة نزلي صورتها
هلو مناوي بعدني مجبت ادعيلي تعبت
الله يتمم حملج على خير وسلامة

*شفق* · 06-05-2013, 10:21 AM

هلو سراوي صباح الخير حبيبي
عفية ضوجة ليش مدتفوتون ع المنتدى

*شفق* · 06-05-2013, 10:24 AM

&ام همام& · 06-05-2013, 10:28 AM

شفوقة اني موجودة بس النت كلللللللللللللللللللش ضعيف
دمرني ساعة يلة يفتح

*شفق* · 06-05-2013, 10:39 AM

صدك سراوي شكد اتمنى اعرف شكلج شلون صاير
مرة وصفنا شكلنا ونزلنا صور جنت مموجودة
ياريت توصفين شكلج طولج وزنج اذا ممكن
هههههههههههه
واذا صورة وحدة تشبهج احسن

بشارة · 06-05-2013, 01:38 PM

هلو حبيبااتي شلونكم

شلونج سراوي حياتي شخبارج ههههههههههه استمتعي بالهدوء ونااامي شكد متكدرين لا اتعبين نفسج بالمشي و الشغل تره كلها كلاوات نااااااامي ناااامي شربي فاليوم 2 ما ياثر عالنونو شربي و استرخي و ارتاحي

مناوي حياتي شلوونج عالخير و السلامه وصولج للسابع ان شاء الله سهله و تكضى بسرعه

شفووقه كيفييك حياتي الجهال شلونهم

شونكم والله واحشيني جدا جدا
عفيه اريد وحده تنطيني تفاصيل البنات شكو ماكو
منو موجوده منو غايبه

مناوي حكتبلج اكشن الولاده مالتي

وترقبوا المفاجاه

بشارة · 06-05-2013, 02:03 PM

بسم الله الرحمن الرحيم

نبدا على بركة الله سرد الحكايه من طقطق لسلام عليكووو

طبعا مثل ماتتذكرون .. اني كلش كلش كلش تعبت بالتاسع
زلال على ضغط على بواسير على التهابات ورمل و بهريز بس عالبتيته المسلوكه عشت
اييييييي ايام صعبه كلش كنت الليل كله ابقى كاعده وما انام

وكل ما اروح للدكتور مالتي مايقبل يجيبني على امل يصير عندي ولادة طبيعيه وكلشي ماكو خلصت الشهر بالاه والونه وكلشي ماكو
لا الم ولاده و لا توسع و بطيخ

بس ممتندمه لان كلش زين الوحده تكمل شهرها يجي البيبي صحته زينه الحمد لله والشكر

بتاريخ 3-4-2013 ساعه بالوحده الظهر تقررت عمليتي وطبعا اني لازم اكون بالمستشفى قبل هالوكت بثلاث ساعات .. تحاليل و بطل دم و فحوصات ومن هالسوالف

صارت ب12 ونص جتي الممرضه لبستني دشداشه مفتوحه من وره طبعا مل دشداشة المجانين لونها ازرك ههههههههههه

لبستها وكعدت و طووول ما اني كاعده اسبح و اكول استغفر الله
ماوكعت السبحه من ايدي طووول الليل قبل العمليه اسبح واندعي و اقره قران

صارت بالوحده جتي الممرضه اخذتني طبعا كنت ميته جوووع لان كلشي مماكله و اني بالاصل ما اكل شي بهريز فدخلت للعمليه مرهقه

وصلني زوجي لغرفة العمليات و اني دا امشي عادي ههههههههههههههههه ومتعجبه بروحي هههههههههههههههههههههههه وبس اوزع ابتسامات ههههههههههههه

صعدت عالسديه طبعا عرضها نص متر ..كلتلها للمرضه هاي شنو هاي مو مريحه ههههههههههههه كالتلي صعدي عيني قابل جايه تنامين بالشيراتون هههههههههههه
بس نمت التمو عليه.. واحد يشدلي كانونه واحد يقيس الضغط و واحد من خفة شكوله شدني بالسرير حتى ما انكلب
وبديت اندعي واقره ايات و اندعيت لكل شخص وصاني اندعيله والله
اروى رقيه تاره و ام حمودي رادت اندعي لزوجها يتعين

وره شويه اجه الدكتور مالتي كتله دكتور دير بالك عليه ... جان يكلهم تره هذه مو مريضه عندي ...هذه بنتي .. اريد عنايه خاصه ... من سمعته هيج كلهم اني كلش ارتاحيت
وهمه داروني ههههههههههههههه حطولي كانونه مال اطفال حتى ما اتاذه و نيموني قبل مايضربوني ابرة البنج

المهم يا حبايبي

وره ساعه طلعت والحمد لله من العمليه ... وبدت البطولات ههههههههههههههههههههه

بس اصيح بشوووو .. بشوووو ... بشووو حبيبي تعااااال هههههههههههههههههه
الحبيات بفلس
صارحته لزوجي هههههههههههههههه
والحمد لله ..الله ستر ماجبت طاري احد منا منا ..الحمد لله والشكر لان ماكو شي في بالي غير انه اولد
بس البنج ضوجني كلللش ... خصوصا من كانو يوكفوني حتى امشي ... ماكدر اتنفس من وره البنج المحصور بصدري

بس

الحمد لله والشكر الالام كانت بسيطه من بعد فضل الله سبحانه وتعالى دكتوري كلش شاطر

بس الابر مال الالتهابات دمرتني شكد قويييييييييييييييه موتتني

وره عشرة ايام رفعت الخيط هههههههههههههه طبعا رحت اتراجف ... ماخفت من العمليه بكد ماخفت من رفع الخيط ههههههه .. شالته الممرضه بثوااااني وكلشي ماحسيت وبقيت اضحك على نفسي

الحمدلله والشكر شي على شي كانت ولاده سهله نسبة للي سمعته من البنات
الحمدلله رب العالمين

ان مع العسر

كنتم مع

اكشن ولادتي ههههههههههههههههه

وهم ما كلتكم شنو المفاجأه

&ام همام& · 06-05-2013, 02:13 PM

اقتباس:

المشاركة الأصلية كتبت بواسطة *شفق*

صدك سراوي شكد اتمنى اعرف شكلج شلون صاير
مرة وصفنا شكلنا ونزلنا صور جنت مموجودة
ياريت توصفين شكلج طولج وزنج اذا ممكن
هههههههههههه
واذا صورة وحدة تشبهج احسن

هههههههههههه
هاي شوكت سوتوها اني ا اشوف ما اشبه وحدة من الممثلات
اني اشبه عمتي اخت ابوية ههههههههههههه
طولي 65وزني بعد الزواج 60
عيوني كبار شعري بية ردة حواجبي طوال وجانت معقودة لوني بشرتي قمحي اوخمري حلكي زغير بس خشمي شوية بية كبر بس بالحمل صار ماساة
انتي المن تشبهين

&ام همام& · 06-05-2013, 02:19 PM

الحمد لله على سلامتج مراوي
شنو المفاجاءة يلة كتلني الفضول
معقولة جبتي ولد و السونار طلع خطاء

بشارة · 06-05-2013, 02:47 PM

اقتباس:

المشاركة الأصلية كتبت بواسطة سرى1

الحمد لله على سلامتج مراوي
شنو المفاجاءة يلة كتلني الفضول
معقولة جبتي ولد و السونار طلع خطاء

الله يسلمج حبي تسلميين
الله يسهل عليج مثل ما سهل عليه
ما اوصيج شبعي نوووووووووووووووووووووووووووووووووووم

لان وره الولاده تمشين وتغنين اغنية نجوى كرم

مافي نوم بعد اليوم ههههههههههههه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كردستان العراق 2013 ‎ - مناظر طبيعية فى كردستان العراق ‎ 2012 - السياحة فى كردستان ا	خليجية وافتخر	المـنـتـدى الـعـام	6	12-24-2012 02:13 PM
دردشة بنات العراق, دردشة حوامل العراق , تجمع بنات العراق	سماسم	إستفسارات حوامل من الشهر السابع إلى الشهر التاسع	16513	06-07-2012 02:12 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM