دردشة بنات ليبيا , دردشة حوامل ليبيا , تجمع بنات ليبيا

[dr.loly]

سوسو ياعسل شن صار ف امتحان الدكتور السامط............ بالنسبة لخدمات باب البحر ماعجبتنيش واجد يعني غرفة زوجية بي200 الليله مافيهاش جو نفس فندق مرحبا بالبيضا وسوسه المنارة هدينا الليله ب84 بس فيهن استشوار بالحمام وال, ديشمبروهاوس كيبينق افضل وبعد يرقو اكل للغرفه ماياخدوش الدبل عمومازوجي....وحتي الاكل احلي هنا ماعجبنيش الغدا مع ان شكللنا حوت ع لحم ع ديك رومي الحلو بس عندهم حلو ههههههه

[dr.loly]

المشاركة الأصلية كتبت بواسطة sosolibya

راسى بيكسر شوره هبوووووووووووووووووووووط

ام فراس تعرفى حسدتكم خخخخخخخخخ نبصر ربى يهنيكم

بس خاطرى فى ليلة فى فندق من غير


نعشق جو الفنادق

حلو صح وممكن تخبرينى عن خدماتهم باب البحر

نتذكر ان زمااااااااااااااان تغدينا فيه لما كنت مع أهلى


ام فراس انتى فى العادة شن تلبسى يعنى نوع حجابك


وشنو مفكرة تلبسى البرا

لاباس عليك حبتين بانادول خودي بس.....حتي نا نعشقه نفتكي من المطبخ واللي نبيها تجيني واتيه حتي نا قبل عشر سنوات جايته مع خالي وزوجته كان عنده اجتماعات واجد هنا قعدنا عشر ايام لعند عيد المقبور ب 9.....بس قبل احلي هو زوجي يبي الريكسوس قبل لكن صاحب التكسي قال تفجيرات جنبه ديما ماعدلش بعدها اتصل صاحبه قال عدي لباب البحر احسن اهدا...انا بعدالزواج نلبس بالطوات اطوال ع بنطلونات ووشاح طبعا قبل الزواج كنت كاجول وحياة سعيده خخخخخخخخ....وحتي برا مش حيتغير لبسي عشان زوجي اولا واقتنعت به ثانيا ندور ف بالطوات شتويه مالقيتش واللي عندي كبار شوي لان كنت حامل
....خديت مجموعه صيفيه حلوة توا وبنزيد اللون البيج الهادي والرمادي الباهت.....
سوسو ذكرتيني بنفسي ايام الطب ديما نهرب من القرايه الي النت ههههههه....نقول ساعه ريست نقعد 3

[اوشي]

عذرا ام فروسي .. كنت قاعدة في المطبخ معاي اللاب وتوة كيف درت قهوة

لتوأم روحي وصاحبه وخذيت اللاب وجيت لدار المقعد والتغطية ضعيفة شوي

في المطبخ ودار المقعد مش كيف دار النوم التغطية فيها ممتازة

[اوشي]

المهم انا مصابة بمرض روحي ولله احمد ... ومتابعة مع شيخ

سعودي ثقة ومعروف ومشهور وكاتبين عنه حتى في الصحف

السعودية متابعة معاه عن طريق النت وان شاء الله في المرحلة الاخيرة

وبعد ما الشيخ يبشرني بشفائي التام راح نحكيلكن قصة مرضي وشفائي

بأذن العلي القدير .. الذي اذا قاللشيء كن فيكون

ان يجعل الشفاء نصيبي ويلبسني لباس العافية انا وجميع مرضى المسلمين

قولن مين

[dr.loly]

امين ياااااااارب....وربي يحفظك لاولادك وزوجك احبابك

[dr.loly]

المشاركة الأصلية كتبت بواسطة اوشي

عذرا ام فروسي .. كنت قاعدة في المطبخ معاي اللاب وتوة كيف درت قهوة

لتوأم روحي وصاحبه وخذيت اللاب وجيت لدار المقعد والتغطية ضعيفة شوي

في المطبخ ودار المقعد مش كيف دار النوم التغطية فيها ممتازة

عادي حبيبتي.....عارفته النت عندنا يحشم بي ليبيا.....توا خاشه من النقال والنت يجري سريع بكل اسرع من صوابعي خخخخخخخ

وهدي خدمة حلوة ياسوسو ف باب البحر نقالك يتصل طول بالنت كان عندك واي فاي به بس نا بطيئة شوي ع الجالاكسي نوت مش كيف ان 95 للاسف انقفل ومافش شحن ابرة معانا جالاكسي بس

[همسة غلآآ]

سوسو ليبيا

اتمنى تشوفي ردي هذا

عم احاول ارسل لك رساله خاصه بس مو راضي

sosolibya تجاوز المحد له من مساحة الرسائل الخاصة المخزونة ولا يمكنه إستلام رسائل أخرى إلى أن يحرر بعض المساحة.

[اوشي]

المشاركة الأصلية كتبت بواسطة *ام فراس*

عادي حبيبتي.....عارفته النت عندنا يحشم بي ليبيا.....توا خاشه من النقال والنت يجري سريع بكل اسرع من صوابعي خخخخخخخ

وهدي خدمة حلوة ياسوسو ف باب البحر نقالك يتصل طول بالنت كان عندك واي فاي به بس نا بطيئة شوي ع الجالاكسي نوت مش كيف ان 95 للاسف انقفل ومافش شحن ابرة معانا جالاكسي بس

قالو عن الرسول انه يبارك الله من وجد عذرا لاخيه

فبارك الله بك وربي يحفظك ةيحفظ اولادك و زوجك وكل احبابك

[sosolibya]

السلام عليكم
ااااااااااااااااااااه ام فروسى سهفتيييييييييييييييييينى نبى رحلة استجمام طوييييييييييييييييييلة

[ليبياقلبي]

ام فروسي ان شاء الله توصلي بسللامة ماشاء الله جو حلو وربي يتمعكم ديما
اختي روز انا زمان صارلي في بنتي نقصت المياه في السابع بس بعدان خديت فنتالوين علشان رئة الببي ومشيت الامور اتعدلت المياه بس انا نسمع ان زيادة المياه مش خطيرة في الحمل واحسن من النقص وربي يهون عليك ويطمنك