دردشة بنات ليبيا , دردشة حوامل ليبيا , تجمع بنات ليبيا

أم أجنادين 80 · 05-02-2013, 01:50 AM

ام فراس مبروك البدلة تلبسيها بالهناء
شموسة انا عجبني الفستان هدا

لو في مكانك كنت نلبس في عرس حماتي فستان بسيط وعالقصير
لانك اكيد بتتحركي وبستقبلي الضيوف وتوزعي معاهم
واكيد بترفي علي بعض الأشياء فيساعدك علي الحركة

.................................
ماشاء الله ريحة مكرونة البشاميل طالعة في التجمع صحتين شموسة واوشي

أم أجنادين 80 · 05-02-2013, 01:57 AM

شن اخبارك جوهرة
وين سوسو واثري وليبيا قلبي وام وسن

ليبياقلبي · 05-02-2013, 04:53 AM

مشكورة ام اجنادين انت بس لي باركتلي بارك الله فيك بنقولك انا ايفاد معيدين

dr.loly · 05-02-2013, 10:44 AM

صبـــــــــــــــــــــــــآحووو

dr.loly · 05-02-2013, 10:51 AM

شخباركن كلكن ياحلوات..........
طبعآ كنت لاهية في التحويل لشقتي الجديده.. واااااهـ ما اصعب النقل من حوش لحوش حوووووووسه...
واجعني زوجي خلطت عليه بجد خصيصآ قصة السفر برا..ويوم الاثنين ماشين طرابلس ان شاء الله..عشان الفيزا..التأشيره
بس امس قاله صاحبه زوجته ماخشتش دارت لان في شئ ف البيانات عنده غلط وهو عبا معاه يغني بيتعاود الابليكشن كله نا والعيال,, وجعني بجد ماشي راس لانوف السبت بيعدلهن وان شاء الله يلقالي موعد قريب منه الثلاتاء

ام نوزة مبارك الايفاد.. وموفقه يارب آهو حمودي وجه خير عليك وصار منه الايفاد...بس امتي الطلعه؟؟ و وين ان شاء الله

dr.loly · 05-02-2013, 10:56 AM

اوشي شخبارك واخبار العيال؟
خسارة فاتتني الهدرزة معاكـ........وتسلمي عالطريقه وعجبتني طريقتك للحوت بس مانقدرش نجربهن توا للاسف لان حايس العقل ف امور وااااجد ومافش فضوة بال لهن تنظيم حاجات ودبش ف الشقه وف الفرح كل يوم واليوم الزفه واخيرآ \
..م الاخير شكلك فتلآكة ف المطبخ
وماشاء الله عالامورة روي ربي يحفظها....

dr.loly · 05-02-2013, 11:13 AM

شموووسه... شخبارك واخبار بنيتك واوليدك ان شالله تمام... بالنسبه لتخفيف الدبش حسيت بنغازي كلها صيفت حتي محلات ملابس الاطفال كله صيفي... لان الجو حمو بكل قعد انا امس صيفت لفروسي رسمي معش فيها وخففت ل الولي الدبش

بالنسبه للبدله شريتها من ميني مول بشارع 20.. بعد لف ودوران بشارع دبي والحدائق وشارع 20

شريتها بي 250... وبجد اللي شافها عجباته بكل..
انا خديتها وخلاص لاني كنت قريب نبكي من جسمي..اول مرة نجرب احساس تقيسي شئ يعجبك وماتخديش
وعندك محل الجوزاء مش بعيد من ميني مول ..فيه فساتين سماح ورخاص الدور الثاني
بس.. عجبني واحد واخدته صاحبتي من شارع دبي ب 500 لقيته عنده بي 295 خوه بالضبط وف منه 3 بس
وعجبني 2 اخري بنفس السعر بس للاسف اكبر مقاس44
كان بتشوفيه شوفي هو كان ماخدوهنش.. هو ف التصميم نفس الفستان الازرق .. ستايل حورية البحر.. وفيه فيونكه من ورا من تحت فيه ع الدهبي والاسود..
وشوفي ميني مول والبطرون ف نفس الشارع بضاعتهم مميزه وماتلقيها عند حد

وبالنسبه لفستان 1200 حرام بجد .. شن رايك انا استغليت بدلتي مع ان حقهاواكثر واعتبرتها رخيصه يلا ستايلات اخري مش حلوات وغاليات ومفروض اغلي من هكي
بس هي بتلتبس مرة وبعدها بنسافرو برا ومعش تجي عليا اكيد بعد ننقص يعني لبسه والسلام

dr.loly · 05-02-2013, 11:16 AM

اقتباس:

ام فراس مبروك البدلة تلبسيها بالهناء

الله يباركـ فيك حبيبتي ام اجنادين.. تسلمي

اوشي · 05-02-2013, 12:05 PM

اقتباس:

المشاركة الأصلية كتبت بواسطة أم أجنادين 80

ام فراس مبروك البدلة تلبسيها بالهناء
شموسة انا عجبني الفستان هدا

لو في مكانك كنت نلبس في عرس حماتي فستان بسيط وعالقصير
لانك اكيد بتتحركي وبستقبلي الضيوف وتوزعي معاهم
واكيد بترفي علي بعض الأشياء فيساعدك علي الحركة

.................................
ماشاء الله ريحة مكرونة البشاميل طالعة في التجمع صحتين شموسة واوشي

كيف حالك اك اجنادين ان شاء الله امورك باهية ...

حتى انا هذا هو الفستان اللي عجبني ياشموسة اللي قتلك خطر علي فستان تلبيستي

اوشي · 05-02-2013, 12:06 PM

صباح الخير والحب والانوار والسرور علي احلى تجمع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تجمع حوامل ليبيا	ميرنا	إستفسارات حوامل من الشهر السابع إلى الشهر التاسع	21344	01-02-2012 10:29 PM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
شجرة تجمع حوامل ليبيا	أم أجنادين 80	إستفسارات حوامل من الشهر السابع إلى الشهر التاسع	6	12-19-2011 10:44 PM