دردشة بنات ليبيا , دردشة حوامل ليبيا , تجمع بنات ليبيا

[دلوعة الماما]

هاي بنات كيفكم وشن اخباركم ..صحة غداكم..انا درت غداي عصبان..كيف حالك جوهرة ليبيا شرفتينا ..ربي يخليلك بنتك ماشاء الله عليها

[أم أجنادين 80]

السلام عليكم
انستينا وشرفتينا جوهرة ليبيا والباين اسم علي مسمي ربي يكملك بعقلك
سوسو ان شاء الله راح انصوره بس امته نفضي
خديتي منهم قفاطين سماح
شموسة ربي يهنيك وان شاء الله ديمة زرادي

[sosolibya]

الله ياشموسة سهفتينى خاطرى نمشى لصديقة ليا او يجينى حد مستاحش الهدرزة يللا احكيلى على صديقتك بالتفصيل

[sosolibya]

جنودة ماهو قلتلكم خديت زوز لماما






دلوعة كم عمرك

[شموسه 88]

قاعه لابسه نرجى في زوجي ايجي ايشلني علاشان نطلع مع العروسه
مشيت الزرده الخميس عل الجمعه ايجو هل دري انتغدوا مع بعضنا اوانغيروا جو في العشيه اووتيتت الغذا درت مكرونه امبوخه اوبطاطا امبطنه او اواعمتي ام زوجي قالت انديرلك محشي وانجيبه امعايا اودرت امسير اوزوجي المسكين جاب 3كيلو كباب او نص حولي عل اساس في الليل انديروا جو اشويات او نظمت الاسترحه واوتيتها كلمنهم الساعه 3 الظهر ولا واحد عل باله انى يبي ايجي كلهم داروه سبله المكان بعيد طبعا انا انقهرات اوقعدت نبكي اواكثر شي وجعني زوجي كاين فرحان اومتحمس لا الاسترحه توا غير كملها جديده مالهاش شهر "الواحد مفروض من الصبح ايقول ماصار شي اصلت انا من يوم الخميس متفقه امعاهم كلهم سامطه الوحد ايدير احسابه اوميصيرش منا
اوحتى هلي امس ماشين زاردين في شحات من يوم الخميس قتلا خلاص رن عل اي حد من اصحابك خليه ايجيب مرته اوتجي اتهدرز احدنا كلم كم واحد منهم ياسوسو لعند ا زوجتين اغلبيتهم مش قاعدين ولا مش فاضين
لعند ماجا صاحب النصيب في صحبا هظا انا نعرفه بس المره اول مره انتعرف عليه اصلا فرحها كان يوم 20
-2_2011 في عز ايام الثوره في بنغازي حتى فرح مادرتش او لما جابت انا كنت ف الصين ماحضرتش لمتها
هيا او صاحب زوجي اسمر اسمر اوموليد 84 اوهيا ماشالله بيضاء اوموليد 94 تسكن فوق هل دارها المده لي فاتت سلفها خو زوجها قاتل واحد "بدون قصد ايقولو" هل المقتول امطلعينهم من حوشهم برغم لي قاتل سلم روحا اوهيا مسكين امجره شقه دار اوصاله او جوها ماشالله عليها مش طبيعي مطلوقه او بسيطه اوواخد الحياه ابساطه حسستني كاني نعرفها من زمان


عارفه روحي دويت واجد هههههههههههههههههههههه انفس اشويه بس

[شموسه 88]

انكملكن
اكثر شي عجبتني بساطتهااو مش امبكبره موضوع شحورتها من مكان لمكان كان انا لاسامح الله ايصيرلي هكي تركبني حالت اكتاب
يعني تخايلي مسكينه حتى دبشها الشخصي هيا او ولدها مش قادره اتجيبا من شقتها
ابجد ربي ايكون في عونها وايهنيا ابعقلها
هدرزنا عل مشكلتهم اوعل اجياب والصغار والظوهر لي صايرات توا عندنا في بنغازي لبس البنات والمكياج والجو الاخر
اه مسكينه خشت امعايا المطبخ اوساعدتني في تحضيرات العزومه

[sosolibya]

مساء الخييييييير

[جوهرة ليبيا]

كل الشكر لجميع الحبوبات اخجلتوني بترحيباتكم الله لايحرمني منكم

اسم بنتي ريناد

وعاجبني اسم رتيل والولد يزن ادعولي بنات ربي يرزقني الوليد الصالح والمعافي والمرضي لربه ووالديه
ياااارب

والله اللي يجي من ربي يامحلاة بس انا تعبت هلبة ببنتي وانجيب بالعملية والله بنتي ماحسيت بفرحتي بيها الابعد اسبوع من كثر التعب

الحمد لله علي كل شي

توا كيف قعمزت راجلي عندة صحابة برا في المربوعة كيف حطيتلهم العشاء درتلهم اليوم خفيف ماعندي جهد ههه قبل المغرب كيف روحت من الملاهي رافعة بنتي تغير جو
درتلهم بيتزا علي الطاجين القابسي وهمبرقر ومشروب وسلاطات مشكلة مشوية وبابا غنوج وسلطة الملفوف <<انحبها هلبة

كان ربي احيانا بصحة وعافية بنمشي لحوش بوي زي ماقلتلكم الجمعة ممشيتش واليوم امي الغالية في حوش جدي اضملهم ربي يعطيها صحتها



**************

[شموسه 88]

المشاركة الأصلية كتبت بواسطة جوهرة ليبيا

كل الشكر لجميع الحبوبات اخجلتوني بترحيباتكم الله لايحرمني منكم

اسم بنتي ريناد

وعاجبني اسم رتيل والولد يزن ادعولي بنات ربي يرزقني الوليد الصالح والمعافي والمرضي لربه ووالديه
ياااارب

والله اللي يجي من ربي يامحلاة بس انا تعبت هلبة ببنتي وانجيب بالعملية والله بنتي ماحسيت بفرحتي بيها الابعد اسبوع من كثر التعب

الحمد لله علي كل شي

توا كيف قعمزت راجلي عندة صحابة برا في المربوعة كيف حطيتلهم العشاء درتلهم اليوم خفيف ماعندي جهد ههه قبل المغرب كيف روحت من الملاهي رافعة بنتي تغير جو
درتلهم بيتزا علي الطاجين القابسي وهمبرقر ومشروب وسلاطات مشكلة مشوية وبابا غنوج وسلطة الملفوف <<انحبها هلبة

كان ربي احيانا بصحة وعافية بنمشي لحوش بوي زي ماقلتلكم الجمعة ممشيتش واليوم امي الغالية في حوش جدي اضملهم ربي يعطيها صحتها



**************

كيف حالك "جيجي "اسم الدلع الجديد ربي ايخليليك ابنيتك اوان شالله ياربي اتخاويها"ابيزن"
ماشالله يعطيك الصحه عل العشا الحلو
ربي تبخلبلك امينتيك وايطولك في عمرها

[شموسه 88]

سوسو اوم نوزه او جنوووده او جيجي ام وسونه ام معاد اثري ابتسامه دلوعه اوشي تعالن ديرين هدريزه حلوه

كلا ام فروسي واخده اذن لعند يوم لاثنين