دردشة بنات ليبيا , دردشة حوامل ليبيا , تجمع بنات ليبيا

[dr.loly]

المشاركة الأصلية كتبت بواسطة شموسه 88

ام فروسي ماشالله عل التجهيزات العشاء صحه مقدما انا توا غبر قمعزت من الحوسه حتى الغد درت فاصوليا اوبطاطا مقليه او بيذنجال

الزير سالم كل من غير التلفزون نلقاه فيها انقول ان شالله مايشوفهاش زوجي اصلا لو ايشوفها عاارفتا ادمان عليها

يسلمــــــــــــــــكـ,,,, وربي يعاوتك ان شاء الله بالنسبة للزير سالم من اول مازوجنا هضا وين القيناه في القنوات كنا اندوروا فيه..وين تلقي فيه والا قصدك في سمادبي.؟؟وين مانحضروا فيه نحن....
ومبارك الجاكات اتبيديهم بالهنا....وشن قررتي تشري عالفرح؟؟؟
حتي نا عندي فرح بنت صبيتي قريب 2ـ5
نربعن وبنعدي ندور حاجه حلوة للفرح وهكي قطع لايام العاديه بس اهم شئ مناسبات للرضاعه... ومش حاطه حاجة معينه ف راسي بالك تساعدني؟؟ لان ليا فترة من حملي مامشيت محلات ملابس
؟ماتعرفيش وحدات جايبات بضاعه حلوهـ؟

[امجااد]

http://forum.hwaml.com/t249684.html#post3126693

[dr.loly]

المشاركة الأصلية كتبت بواسطة ام معاد

الله يسلمك ويحفظلك صغارك وبارك الله فيك علي المعلومات حتي اني ماعطيتهاش المضاد لين شافها زوجي دكتور جراحة اطفال وهو والله مايحب الوايات بكل للصغار لكن شن بندير حالتها تستلزم تاخد مضاد . كيف حله ولدك من الكحة؟

سلمك ياربي وفيك بارك الله..ودام بابادكتور معناها خلاص مايحتاج توصيه..وكلنا مانحبوهن الدوايات لكن الله غالب للضرورة احكـــآم... وان شاء الله تكون تحسنت توا وخير من قبل....

واوليدي امس مارقدنا من كحته..المشكله بعد يرقد بسسس تجيه الكحه..قاعده نعالج فيه طبيعيآ
مليت وكرهت الادويه مانفعناش...

[dr.loly]

ســـــــــــوســـــــــــــو موفقـــة يـــــــــــآرب ... ونهديك هالشعر

ان شاء الله يابوعيون سمـــآح بعد كفاح تنـــآل نجاح تكمل هالقروه وترتاح.....

[أم أجنادين 80]

صباح الخير......

[dr.loly]

ان الزواج ليس بالأمر الهين و لكنه من الصعوبة بمكان حيث يلتقى الزوجين بطبائع مختلفة ليعيشو مع بعض صباح مساء على مدار العمر الباقى لهما.

و بالطبع يعانى كل منهما من اختلاف هذه الطبائع و يعانى كل منهما من عيوب الآخر و لكن ما يهوّن الأمور و يجعل الحياة تستمر هو التسامح و العفو.



و ها هى بين يديك الآن نصائح لكيفية الوصول الى هذا التسامح:

اولا : عليك ان تقتنعى تماما بأن شريك حياتك ليس مثاليا فليس هناك انسان مثالى و لكن كل منا له عيوبه حتى انت بك عيوب فهذا اليقين يساعدك على تحمل عيوب الطرف الاخر

ثانيا : عليك تفهم خلفية و ثقافة شريك حياتك و طبيعة الأسرة التى كان يعيش فيها فقد تختلف عما كان بخيالك فمثلا قد يكون شريك حياتك من أسرة تتكلم كثير او تقاطع بعضها أثناء الكلام على عكس أسرتك أنت التى تتميز بالهدوء و هكذا.

ثالثا : لا تأخذى الأمور على محمل الشخصنة بمعنى - لا تشخصنى الأمور - أي لا تفسرى أفعال شريك حياتك على أنه يفعل ما يضايقك عن قصد و لكن افترضى دوما حسن النوايا.

رابعا : افصحى عما يضايقك فإذا كان هناك ما يضايقك من أفعال فلتخبري شريك حياتك بها لكي يتجنبها فقد يفعل الشىء و هو لا يدرى أنه يضايقك و أنتى تحرجي أن تخبريه .. فكيف له أن يعرف اذن؟

خامسا : لا تجمعى الأخطاء القديمة خصوصا اذا كان زوجك يحاول أن يحسن من نفسه و يحاول الا يضايقك فلا داعى ان تتذكرى مواقف قديمة قد ندم عليها و اعتذر عنها

سادسا : انظرى الى صفات زوجك الحميدة و اخلاقه الحسنه فهو بالطبع له العديد منها و الا لماذا تزوجتيه فى الأساس ؟

سابعا : لا تنتقمى و لابد ان تتخلصى تماما من حب الانتقام و الا ستصبح حياتكما مجموعة من الصفعات و رد الصفعات و حينها لن تستقر الحياة الزوجية اطلاقا

ثامنا : اختارى التسامح فهذا اختيارك قبل اي شىء و تأكدى أنه الاختيار الصائب

[ليبياقلبي]

السلام عليكم مراحب

[dr.loly]

صبــــــــــــــآحووو

كنه التجمع مكــــــــــــــــــــسد؟؟

[اوشي]

المشاركة الأصلية كتبت بواسطة *ام فراس*

هههههههههههههههههههه صار توسوسي منــآ ... هو عندكـ الحق صح.. اقل غلطة في التعقيم تنقل امراض
شن كنتي تخدمي في الصحـــه؟ وكيف عديتي للتعليم
وروي حلو الاسم بجد ناعم خفيف ... نحب اسامي البنات اللي بالراء
وعلي فكرة كان وارد عندي اسم رؤي قريب من روي ... بس ردينا ل الاء لان معناه اقوي ومذكور بالمصحف ودلعه حلو قولي الدلع هضا لي هامني خخخخخخخخ... هو من كثر الاسامي دخنا واحترت واجد ردينا لاول اسم اخترناه من ايام حملي بفراس لما دكتورة قالتلي احتمال بنت وقتها قلت الاء بعدها في ثامن قالو اوليد وجا فراس... وتوا بعد اكدلي بنت من الخامس دخت واحترت
وجت وجا اسمها معاها

كيف حالك ام فروسي وشن داير توة ان شاء الله بخير ...

بالنسبة لاسم روى ما نحكيلك .. كلهم عارضوه وقالو مش حلو واقنعوني وقعدن صبياتي

يدورن في اسم قلت الهن اهم حاجة يكون حلو وله معنى

وكل مايجيبن اسم ما يعجبش ابو الشباب في الاخير هو قال انسميها سارة .. قلت خلاص

سارة سارة حلوة وزوجة ابونا ابراهيم

وهاذيك الليلة مشى زوجي ساهر مع اصحابه وسئلوه شن سميت عروسك حكالهم

القصة فاقنعوه باسم روى ...

وانا والله كان عندي احساس ان اسمها روى لذلك ما عارضتش وقلت في الاخير الاسم اللي امسميه الها ربي توة ايجي

وفعلا لاني في رمضان الثورة كنا عازمين عائلة زليتنية انزرت هنا لان الراجل كان يخدم في

راس لانوف.. ومراته كانت تكلم في هلها وحدة عندهم جابت وسمو البنية روى وانا في خاطري

دعت وقلت يارب تعطيني بنية ونسميها روى... اللى علي حول الثورة حملت بروى وشرفت

======================

وبالنسبة للصحة كنت في المختبرات ... وشوفي جوك كنت انا وصديقتي بس مسؤلين

مسؤلية تامة عن حجرة الايدز والهيباتايتس .. والله قبل انجنينا فيها

وبعد الزواج وحملي بردينة قلت لا ما عتش فيها ... نقلت للتعليم وقعدت معلمة علوم

دهشتك هههههههههه ..

المشاركة الأصلية كتبت بواسطة أم أجنادين 80

السلام عليكم
كيف حالكم ام فراس وام معاد واوشي
ايه والله خليتها مفتوحة وامشيت ياام معاذ

انا بخير ولله الحمد كيف حالك انت

المشاركة الأصلية كتبت بواسطة شموسه 88

كيف حالك يابنات شن اخر الاخبر امس زردنا في الاسترحه امتعنا اوتجمعت العيله اخخخخخخخخخخ من التعب روحت قريب الساعه 12الليل من الحوسه خلولي الدنيا دمااار اليوم اصبخت جوي متعكر اومش متحمله شي اوظهري متكسر

صحة ليك الزردة لا قوة الابالله ...

طبعا هظا عقاب الزردة وجيعة الظهر والتعب لكن الذذ حاجة النعاس صح

المشاركة الأصلية كتبت بواسطة شموسه 88

كبف حالك يا اوشي جالدي مره وحده والله مش ناقصه طريحة امس اتسد
اوربي ايعون شغل اوحوش مسؤليه

الله يسلمك ... يالله تم اعفائك من الجلادي بس مرة اخرى خوذي اذن

المشاركة الأصلية كتبت بواسطة ليبياقلبي

هلا ام معودي شن جو الوعواعة متعبتك ههههههههههههههههههه ربي يحفظه يارب وين وخيتك ام ورد شن اخبارها معاش خشيت
امل ليبيا اهلين بيك بينا وخليك ديما ماوادة
سوسو ري يوفقك \
شموسة مبروك ماخديتي حوايج ويلا ابدي جهزي للفرح طيحيهم كلهم
ام اجنادين واوشي واتري وينكم

انا هنا .. انت اللي وينك شن اخبار نوزة وحملك

المشاركة الأصلية كتبت بواسطة شموسه 88

السلام عليكم ورحمة الله وبركاتة

ههههههههههههههههه مشيت ياام معاد لحوش عمي حصلت منا جاكه صيفيه خذيت وحده راماديه او وحده خضرا اوفستان بس نبي انرده ماجش حلو

مبارك اتبيدي بالهنا والصحة

المشاركة الأصلية كتبت بواسطة *ام فراس*

صبــــــــــــــآحووو

كنه التجمع مكــــــــــــــــــــسد؟؟

وين يكسد وانت امكسدة عالتجمع طبعا مازلتي ما ربعنتي وامكسدة عالنت زي ما صارلي

لما جبت روى قاعدة في داري عاللاب توب صقع وبطاطين وحاجتي اتجيني لعندي طبعا لمدة

12 يوم بس راك تحسبيها للاربعين خخخخخخخ

[اوشي]

معنى إسم روى

معنى اسم روى : تزود بالماء, ومن النبات سقاه, وقيل نظر في الأمر وتأمل ولم يتسرع. وأصل الاسم عربي.


معني الإسم : الماء الغزير ، الماء العذب رُواء



وقلت يقعد قريب من اسم ردينة في النطق وحتى انا نحب حرف الراء